مرحبا الاخ سهم سهم
اتمنى تكون بأحسن حال
يالشيخ تقييم العظم ما يكون مجرد رقم عشوائي من المقاول او المالك او الاستشاري
بل يكون بناء على حساب الكميات والمواد الموجوده بالمخطط من جديد وخرسانه ومساحة بلاستر وعدد طابوق ونثريات اجباريه للمشروع
فعلى سبيل المثال في فلل مساحتها 1000 متر مربع ولكن سعر المتر فيها 1000 ريال او 900 ريال مثل ما ذكرت انت , وفي فلل او مخططات اخرى مساحة البناء فيها 850 متر مربع ولكن فيها كميه حديد وخرسانه وطابوب ومساحة بلاستر اكثر فيكون سعر المتر اعلى
يعني اخوي سهم سهم المسأله حسابيه مب عشوائيه
وانت اخوي اعتقد انك قلت لي عندك عرض بمبلغ 850 الف ريال للعظم للفلتين , وانا عطيتك مبلغ مليون و 250 الف ريال للفلتين عظم , فليش ما توقع مع الي عطاك مبلغ 850 الف وتخلص , دام انت مقتنع بسعره خلص معاه والله يوفقك , فأنا بصراحه مستغرب فرق 400 الف وياي تفاوض بالسعر ؟؟
المهم اتمنى لي ولك التوفيق واتمنى ردي كافي و وافي
وشكرا
" اَللّهُمَّ ارْزُقْني حَجَّ بَيْتِكَ الْحَرامِ ، فِي عامي هذا يا رب "
عيل ليش كاتب هالموضوع وكأنك اتشكى من السعر غالي
دام انت مب ياي اتفاوض حق شنو كاتب الموضوع وحق شنو اصلا تتصل علي وتقولي سعركم غالي
ليش كل هذا
ولا بس تبي اتكلم على ارزاق المسلمين عشان ما وقعنا معاك
المهم الناس شايفين موضوعك وشافوا ردي عليك
والي عنده عقل يعرف شنو تبي انت
تحياتي لك واسفين اذا احرجناك بالرد
مع السلامه واعتذر لكل الاخوه بالمنتدى اذا كان الرئكشن شوي جامد لان فعلا شي يقهر ياي ايتكلم وبأسلوب انتقاد وما يبي حد يرد عليه
مع السلامه
اولا / اي نعم اشتكي على السعر لانه وايد غالي ويوم اتصل المهندس معطيني رقمك وليش انت منزعج من اتصالي ؟؟ وهذي مب ارزاق هذا استغلال الناس
وثانيا / خل الناس تعرف عن شركتكم واسعاركم النااار
وثالثا / انا مب منحرج وانحرج على شنو انتو الي لازم تنحرجون من اسعاركم واشلون الي عنده عقل ايعرف ؟؟ تكلم بصراحه ليش اللف والدوران
ورابعا / اصلا انا ما كتبت الموضوع الا عشان اقولك واقول للناس انه اسعاركم نااار وليش هالاسعار ممكن اتوضح لنا العظم واحد والشغل واحد بس الاسعر فرق 400 الف
وخامسا / اي نعم انتقد وانتقد وانتقد لان الشي ايحير الي له عقل الفرق جامد في السعر
وسادسا / من يوم ما قريت السعر الخيالي وكلمتك استحاله ابني عندكم
" اَللّهُمَّ ارْزُقْني حَجَّ بَيْتِكَ الْحَرامِ ، فِي عامي هذا يا رب "
بالتوفيق ان شاء الله