ههههه تدرين عاد اشتطيت اللحين بزيادة
شفتي باب الغرفة (المدخل) اللي ارسمه كابتن.. تلغينه ..وبجذي بتكون هالمساحة كلها جدران من 3 جهات وباب غرفة الملابس بيكون جنب باب الحمام اللي قلنا بنخليه على داخل الغرفة ..يعني بتصير لج غرفة كبتات بنظام أمريكي يدخل الواحد فيها ..
بيتم لنا شي واحد اللي هو باب الغرفة اللي بتدخلين منه(المدخل) ..حطيه في الجدار اليمين ..
ياريت أقدر أرسم لج على المخطط لو أعرف
بالنسبة للدريشة عادي سديها ومن برا حطي قزاز عليها شكل بس ....
ما شاء الله صار عصف ذهني والكل أدلى بدلوه وصارت الافكار ممتازة الحين للتنفيذ
هذا تصور ثاني لو حبيت تستفيد أكثر من منطقة إضافية للدريس
انا شخصيا أفضل ما يكون باب الحمام مفتوح على الغرفة مباشرة لذلك خليته مثل ما هو
لكن خليت مدخل الغرفة من الطوفة الثانية للغرفة وصار عندنا مساحة كاملة للدريس
يعني نقدر نسوي الدريس على ثلاث حوائط .
بالنسبة للشبابيك لازلت أفضل نسكر الوسطية منهم ونخلي راس السرير مكانها ونسكر اللي على الجنب أيضا بصير معانا في هالحالة شباكين اللي في الكسرات وهم كفاية للتهوية واالإضاءة .
وإن شاء الله تستفيد من باقي الآراء
[IMG][/IMG]
يُخَاطِبني السَّفيهُ بِكُلِّ قُبْحٍ ******* فأكرهُ أن أكونَ له مجيبا
يزيدُ سفاهة ً فأزيدُ حلماً ******* كعودٍ زادهُ الإحراقُ طيبا
دشيت من الايفون طلعت الصورة الظاهر اللاب توب فيه مشكلة
عجبتني فكرة الشاور بوكس او التعديل ويكون المدخل لداخل بس ماحبيت فكرة اني افصل الدريس جزء هني وجزء عند مدخل الغرفه
انا بخاطري نفس فكرة حور تكون ثلاث جدران كلها دريس بحيث اقدر اقسمها براحتي وفيه مشكلة ماذكرتها بخصوص اقتراح حور الحين بوضحه
فكرتج لاستغلال المساحة عبقرية وايد اذهلتني
بس فيه مشكلة ماذكرتها لكم للاسف وهي اللي بتكنسل الفكرة كلها
على اليمين اللي تبينه يكون مدخل الغرفة بيكون موجود صالة داخلية لملحق داخلي في البيت يعني على اليمين لا يمكن يكون باب الغرفة
انا صورت من العجلة الصالة التحتيه والمفروض كنت اصور الصالة اللي فوق اللي هي محور العملية الجراحية
ولا الفكرة وااااااااااااااااااايد هي اللي ابيها بالضبط تكون غرفه الدريس ثلاثية الجدران لاستغلال المساحة
طيب اشرايكم في فكرة نقل الحمام بكبره وتتغير موقعه ؟؟؟؟؟؟ بيطلع معنا شي اذا فكرنا بنقل مكانه ؟
انزين روح عندي لج فكرة شاطحة شوي ..
نرد لفكرة كابتن الأولى ..
نخلي الحمام نفس ماهو ومدخل الغرفة نفس ماهو ..
نجي لنص الغرفة ونسوي جدار مستعار لكن ما يسكر الغرفة كلها من اليمين لليسار ..لا بس في النص ويكون من الجانبين مفتوح ..
هالجدار بنحط عليه السرير وخلفه بتكون كبتات وبعد على الدريشة اللي بتتسكر كبتات .. يعني بيكون لج صفين متوازيين ..
ان شاء الله الفكرة واضحة ؟؟