اللي مزعلني و يحز في نفسي اني الاقي اولادي يعانون بتعليمهم في المستقله و بعدين اسمع الناس تقول تعليم المستقله اي كلام و انه المدارس الخاصة اكثر تفوقا و تقدما و تطورا.... يعني لو بحط اولادي بالمدارس الخاصة ايش بيصير فيهم؟
اللي مزعلني و يحز في نفسي اني الاقي اولادي يعانون بتعليمهم في المستقله و بعدين اسمع الناس تقول تعليم المستقله اي كلام و انه المدارس الخاصة اكثر تفوقا و تقدما و تطورا.... يعني لو بحط اولادي بالمدارس الخاصة ايش بيصير فيهم؟
لا تصدق كل ما يقال يا خلدون.. أنا جربت الإثنين..
الخاصة بهدلوا ولدي وأخروه عام كامل من عمره.. الحمدلله على كل حال..
الخاص عيالهم ما يعرفون يقرون عربي ومنهم حتى انجليزي ضايعين فيه..
بالرغم من مساويء المستقلات.. وأنا ما أشوف مساويء كبيرة لدرجة اللي الناس قاعدة تهول فيها.. لكنها أفضل بكثير من الخاص اللي همها جيبك..
بعطيك بعض مساويء الخاص..
مدرسة مشهورة بسنة من السنوات المديرة اشردت والموظفين يدورون عليها بالفصول ويسألون عنها الطلبة..
مدرسة أخرى مشهورة مديرتها.. تقابل الناس حافيين.. وما تقابل الناس إلا بموعد.. ولا تكلمك من طرف خشمها..
مدرسة تأخر الطلبة سنة بحجة عدم قابلية الطفل للترفيع.. وهدفهم الإستنزاف المالي..
وايش بعد.. هذا فقط أشياء صارت قدامي من أشهر مدارس البلد الخاصة..
المستقلات مناهجهم حلوة وقوية.. العيب من أولياء الأمور.. امسكوا عيالكم وخلهم يدرسون عدل..
أما مشاكل المجلس والتحنيط اللي فيه.. أرجوا من الدولة إنها تشوف وتتصرف.. لأنهم ما يتقبلون الإنتقاد من تعامل خاص بيني وبينهم.. دوم هم الصح والغير على خطأ.. يعني نفسهم اللي كانوا أيام الوزارة.. انتقلوا للمجلس.. يعني المسمى بس اللي تغير.. فكيف تبون ترجعون للحكومية.. اللي محتاجينه تغيير في العقول مو في المناهج..
بس من يفهم.. لا أولياء الأمور يفهمون.. ولا المجلس يفهم.. واذبحوا عيالنا تجارب..
الله يسامح الطرفين.. لأن ينقصهم وعي.. وبسكم تدورون على شماعات تحطون وتقطون لومكم عليهم..
ودمتم بحفظ الرحمن..
استغفر الله الذي لا إله إلا هو الحي القيوم وأتوب إليه عدد خلقه ورضا نفسه وزنة عرشه ومداد كلماته
ان غبت عنكم ولا عاد جيت...ولا لي مواضيع ولا ابديت لي رآي
طلبتكم قولو تمّ حتماً توفيت ...وما بغيت منكم الا دعوه بجنة الفردوس مثواي
1) ممكن هاذا ايكون سبب من الاسباب
و ممكن ايكون السبب الرئيسي ... اذا كان الراسبين في الصف الواحد 7 ... او حتى 10 و في مواد مختلفة ...
لكن ان الراسبين 25 في الصف الواحد ... و في نفس المواد الرياضيات و العلوم ... و مش مدرسة وحدة ,,, معظم المدارس ....
2) اباءنا و امهاتنا ما كانوا يعرفون يقرون و اعيالهم الحين الوزير و الطبيب و الطيار و المدير و المهندس , غيره ....
فما اظن ان تقصير ولي الامر ينفي التهمة عن الخلل اللي صاير ... اللي هي :
الفجوة بين التدريس و التقييم .... و طاحوا فيها عيال قطر
ابتسم ,,,,,,,,,,, فأنت لا تعلم اي باب من الأمل ستفتحه لغيرك
صح كلامج أختي دلة بس أنا ما اقدر ادرس عيالي اللي في
خامس شلون بدرس اللي باعدادي.
ممكن اشوف الدفاتر والأنشطة بس مادري إذا صح أو غلط.
يعني أنا ماعرف ادرسهم ولو بحط لهم مدرسين كم راح يكلفني.
وأنا توقعت ولدي راسب لانه عنيد ومايقعد حق الدراسة.
ولا عندهم في مدرستهم اي تقويه. ويوم راح الأب يسال عنه قالوا له
شاطر ومؤدب. انزين ليش راسب.
بنتي ما توقعتها ترسب في الرياضيات دائماً علاماتها 98 ونادر تنزل.
في كل المواد شنو اللي تغير السنة ؟؟؟ ورسبت !!
والله شي يعور القلب وعن نفسي حملت نفسي وعيالي المسؤولية
وان شاء الله أحاول أصحح الوضع لان مب عاجبتني درجاتهم كلش.
اي واللي قال ان بس القطريين اللي راس بين والمقيمين في القمة
أبشركم حتى هم درجاتهم نزلت عالحفة. وفي منهم الراسبين لدرجة أهاليهم في
الاجتماع كانوا يطالبون بأوراق الامتحان.