استفسارات في البناء

[بويوسف]

السلام عليكم ورحمة الله وبركاته

انه مشترك جديد معاكم حبيت اني اسلم عليكم اول شي

وثانيا احب ان اضع خبرتي في مجال البناء تحت ايديكم ...


تحياتي

[نايف]

هلا فيك يابو يوسف اخو عزيز وغالي معانا في المنتدى

وتسلم لنا على خبرتك وخدمتك الله تقدمنا لنا وان شالله نستفيد منك وتستفيد منا ويعطيك الف عافيه اخوي

[sulai6i]

السلام عليكم ...

حبيت ارحب فيك اخوي بو يوسف

واتمنى لك طيب الإقامة وكل الفائدة

واذا احتجنا شي في البناء بنسألك


مشكور وما تقصر

[بويوسف]

الأخ نايف تسلملي على الترحيب وان شالله اقدر افيدكم مثل ماستفدت من خبراتكم في هالمنتدى ..

الاخ واحد في حاله يا مرحبا بك وشكرا على هالرد والضيافة وترى انه في حالي بعد وحاظرين للطيبين انت تامر.. والعفو ....

[المؤشر]

مرررررررحبــا أخوي بويوسف ياليت اتوضـــح لنــــا سعــــر البنـــاء بالمتر المربع ؛ من التشطيـــب العــادي الى التشطيب العــالي بالنسبـــه للفــلل علمــا بأني مقبل على بنــاء مجمـــــع فلل وأريد توضيــح شبــه مفصل منك اذا ممكــــــن .


تحيـــــــاتي

[بويوسف]

المؤشر يا هلا فيك والله وشكرا لتشريفك موضوعي ..

بالنسبة لاسعار البناء للفلل فهي تعتمد على نوع التشطيب وممكن اعطيك رقم يبدأ من 1100 ريال الى 1600 ريال ..

ولاتنسى ان هناك عامل اخر لحساب السعر وهو المنطقة فهل الفيلا خارج الدوحة او داخل الدوحة .. هنا يوجد فارق بسيط من 100 الى 200 ريال

وبالنسبة لبناء مجمع فلل قد تحصل على عرض جيد من احد شركات المقاولات الكثيرة والمنتشرة بالدوحة .. ولاتنسى ان تحصل على عروض اسعار للشركات التي تبني جاهز precast concrete

وهذه شركة مقرها السعودية ت:038329701 بدون فتح الخط ..

تحياتي

[ملكة الأسهم]

هلا وغلا فيك اخوي بويوسف

نور المنتدى بوجودك

لو تكرمت اخوي انا ابغي ابني مطبخ صغير خارجي

اذا ممكن تقول لي كم يكلف ؟

[السراب]

اخو بو يوسف نرحب بوجودك معانا

وحبيت اسالك الوالد عندة فيلا عمرها تقريبا اكثر من عشر سنوات


ايش نصيحتك لة يبيعها والا يأجرها لان الايجارات مرتفعة

رغم انها محتاجة للصيانة

[المؤشر]

شكـــرً اخوي بويوســـف على التــوضيــــح لــكن سعر المتــر 1600 حق التشطيب العــالي TOOOOO MUCHHHH بيكــون علي .

[بويوسف]

هلا ملكة الاسهم .. شكرا لترحيبج اختي والمنتدى منور باعضائه المساهمين

ودام انج ملكة الاسهم فأكيد بنحتاج الى خبرتج في الاسهم بعدين


بالنسبة للمطبخ عطيني مساحة تقريبية عشان اقدر اقدر .. وبعدين هل تبغينه مجرد مطبخ صغير لوضع ثلاجة وفرن ولوازم بسيطة ام انه سيكون مطبخ وغرفة طعام مع وجود خزانات وادراج ؟

عطيني فرصة عشان ازودج بمعلومات اكثر عن المطابخ الجاهزة ان شالله ..