السلام عليكم ورحمة الله وبركاته
نفس ماهو مكتوب فالعنوان للي يبي يستفيد
(معلومه الرواتر ارخص من ال access point وبنفس الجوده ان ما كان احسن على حسب اخر ابديت وصلني)
وأغلبية الناس يحذفون رواترهم ويروحون يشترون اكسس بوينت.
والوصفه كالتاليمجربه والنت شغال وبدون مشاكل عندي من اسبوعين
)
1 وصل الراوتر فالكهرباء(فقط) واضغط الزر الصغير الي ورا الراوتر المكتوب عليه reset لفترة 30 ثانيه.
2 افصل الكمبيوتر من الانترنت سواء كان بواير او وايرلس.
3 وصل واير الايثر نت فاالراوتر حطه في فتحة رقم 2 ووصله بجهاز الكمبيوتر.(اتحصلون الواير فالمكتبات).
4 عيد جهاز الكمبيوتر عشان يضبط عنوان جديد مع الراوتر.
5 عقب ماعدت الجهاز افتح متصفح النت وحط هاي العنوان http://192.168.1.1 لاعدادات الراوتر
حط اسم المستخدم والباسورد admin.
6 روح حق اعدادات الوايرلس وغيره مثل ماهو بالصوره ابتدي من السهم الي فوق وانت نازل
ولاتنسى تغير اسم ال SSD نفس ماهو موضح فالصورة وحط اي اسم من عندك غير الlinksys!!
واحفض الي سويته save setting.
7 وفي اعدادات امان الوايرلسس غير نفس الي فالصورة
استخدم كلمة مرور تتكون من 8 حروف وارقام او واحد منهم فقط.
والWPA personal هو كلمة المرور الي بتستخدمها لدخول الشبكه بعدين.
واحفض الي سويته save setting.
الحين الله يسلمكم اتروحون حق الاعدادات الرئيسية نفس ماهو واضح فالصوره
غير آخر ثلاث ارقام فمكان Local ip address وحط 254 عشان مايتداخل مع ارسال راوتر ثاني.
وغير DHCP وحط disable.
واحفض الي سويته save setting. وبيعيد الراوتر من نفسه واذا ما عاد صكر الكهرباء وشغلها.
8 واخيرأ افصل الواير الي موصل بجهازك واحذفه.
ووصل واير الراوتر الرئيسي!! مع الراوتر الي تحول الي اكسس بوينت في فتحة رقم واحد والجهاز يعتبر اكسس بوينت هع هع هع . جرب الاي باد او الابتوب ودور اسم الشبكه الي كتبتها في خطه رقم6 والباسورد فالخطه رقم 7.
|
رد مع اقتباس
المشاركة الأصلية كتبت بواسطة تلفزيون قطر
