سخان مركزي او عادي

[معماري قطري]

مشكلة المركزي اذا اخترب

ما تلقى ماي حار في البيت كله

واذا كان برد مثل هالايام الله يعينك

صح بس نادر يخترب .. يمكن أكثر شيء تخترب العوامة الإلكترونية وتصليحها في دقايق .. وتأثيرها إن البرشر ما يشتغل ويجيك الماي ضعيف أو يخلص الماي فوق عندك بدون ما تشتغل المضخة تحت .. وإستبدالها سهل في نص ساعة إذا اللي يبدل شاطر.

الحمد لله عندي النظام كله في غرفة مفتوحة جزئياً ناحية الجنوب وللحين السخانات ما فيها مشكلة وأشغلها استويت صيف شتاء لأن في الصيف مبرد الماي يخليه بارد وانا مقصر عليه لأقل درجة فأحتاج شوية ماي ساخن .. والسخانات يتبادلون الشغل كل 12 ساعة وحدة تشتغل ووحده ترتاح، ولو إحترق العنصر اللي يسخن فيها إستبداله سهل وفي دقايق وبدون ما تنفتح بالكامل، وإنها تسرب ماي صعبه إذا كانت محمية من المطر والرطوبة وهذي مجهزة لكي تعيش عمر طويل.

تصدقون في أمريكا يسون غرفة خاصة في البيسمنت أو في الدور الأرضي ويكون فيها السخان والبرشر والفلتر، وتكون مغلقة ومحمية وتعيش عندهم عمر، وبالنسبة لوحدات التكييف الداخلية نفس القصة بعد ومنها تطلع دكتات لكل البيت.

[ضوى]

اخوي معماري

بما انا نتكلم بنفس الموضوع

قمت ببناء شبه غرفة للحفاظ على السخانات لكن غير مغلقة بالكامل مفتوح من جهة لسهولة صيانة الخزان وخلافه راح اصورها لك ان شاء الله وتقولي رايك

[حسن]

المركزي أفضل بكثير .. ويجيك نظام كامل فلتر وضاغط ومكائن تدوير للماي الحار وتبريد للصيف .

بس أفضل لك لكل هالتجهيزات تسوي غرفة فوق السطح ولتستخسر سوها خرسانة ورتبها بحيث تكفي لكل التجهيزات .. ووقت التنفيذ بعد بناء العظم .. وبالتوفيق.

راي من راي معماري وعلى فكره انا بيتي سخان مركزي وفقط وحده
وعلى 8 حمامات وركب سيركوليشن وجهاز تبريد
ماا الفلاتر مانصحك فيها شغلتها شغلانه
ولما تنظف نفسها طيرك ماي الخزان كامل

[captin]

السوأل الحين

عندنا في الدوحة شركتين رائدتين في هذال المجال

الأقدم والأكثر سمعة هي الشركة البحرية والنظام المتكامل عندهم
يشمل خزنين 80 ليتر ونظام التسخين والفلتر والمبرد بسعر تقريبي
15,500 ريال شامل التركيب والضمان .

شركة تدمر النظام متكامل مع التركيب بسعر تقريبي 13000 ريال .


أيهما الأفضل من ناحية التجربة والتعامل ؟؟؟

وممكن نحط كخيار ثالث مؤسسة الطيب اللي عندهم سخان أمريكي اسمه ماستر كرافت أعتقد
لكنهم شغالين على المشاريع التجارية أكثر المجمعات والشقق السكنية .

[بن غيث]

ما شاء الله عليك .. خبرتك جيدة في المقاولات .. واتمنى لك الاستمرار في هذا المجال الجميل


وتستاهل هذه ..

[ZURICH]

معلومات استفدت منها اخوي

شاكر لك

العفو يالغالي

مثل ما استفيد من هذا المكان ،، احاول افيد غيري

حياك الله

[بوNasser]

السلام عليكم ورحمة الله
انا تجربتي مع البحرية مش ولابد
رغم جودة منتجاتهم

ركبت معاهم نظام تسخين عدد 2 سخان وفلتر ومضخة ماي تقريبا في 2002

بعد تقريبا 5 سنوات اقل ازيد شوي بدلت السخانات مرتين بسبب تسريب الماي من جسم السخان
و بدلت المضخة مرة


طايحين فوق السطح وكل مرة الشركة يقولون بنشلهم ويتكيسلون وانسى انا الموضوع.
طبعا شمعات التسخين بعد بدلتهم تقريبا مرتين لكل سخان.

وصلحت واشرات الفلتر 3 مرات (يتم يصب ماي ما يوقف، :كأنه دايما في وضع التنظيف)


والحين عندي سخان يسرب وبيبدلونه (طبعا بفلوس مع انه يمكن على الضمان وما خلص 5 سنوات، بس انا ماعندي فاتورة، واهم بعد ما عندهم في السجلات اي تاريخ) كل اللي يعرفونه ان السخان انتاج 2008 ومتوقعين انهم ركبوه في نفس السنة بس ما يدرون اي شهر.
كل اللي بيسوونه انهم ما راح ياخذون اجرة التركيب.

--------------------------

انتهينا من البحرية الحين اخطاء كانت في البداية (وقت التشطيب، والتركيب) ما انتبهت لها الا بعد حدوث مشاكل السخان

1- رغم المساحة الكبيرة تقريبا 2.5 في 4.5 متر،((ما عليكم من الفلتر الوسخ ان شاء الله باغيره لين فضيت))


لكن الاخوان المصريين جمعوا السخانات ورى بعض وجنبهم الخزان والفلتر!!!!! صار المكان ضيق هذا اولا وثانيا وهو الاهم لو بغيت اغير السخان الثاني لازم احرك الاول!!!!



2- مضخة التدوير ركبوا لي واحدة بس كان ودي لو كنت مركب ثنتين.


3- البلاط تحت الخزان والسخانات ياليته كان اكبر وفيه ميلان فعلي للخارج، الميلان موجود بس مش كثير احيانا نحتاج نشطف بقايا الماي للخارج

4- مشكلة الغبار ما ادري شنهو حلها ، فتحة غرفة الخزان باتجاه الشرق بس يمكن مروحة تبريد الخزان تسحب هوا وغبار.

5- عندي مكيف سبليت داخل البيت وقص علي فني المكيفات وخلاني احط الكمبريسور في غرفة الخزان لذلك في الصيف يصير المكان حار (بقة).

هذي اخطائي في البنيان

ودمتم سالمين