السلام عليكم ورحمة الله وبركاته
ماعرف شلون ابتدي بس الي اعرفه ان امي محتاجه لدعائكم الله يخليكم ويجزيكم الخير انكم تدعون لها من يومين كانت مش طبيعيه تنسى اسامينه وتسال تقول انتو وين موديني وحاسيتها مو معاها في البدايه ظنينه انها اتغشمر معانا بس طريقتها في الكلام والاسلوب غير والله العظيم البيت كله توتر بسبتها خذناها للاطوارىء في مستشفى حمد وقام الدكتور يسالها وهي تجاوب عادي بس سؤال واحد وقفت وما جاوبت عليه حولها عالاشعه لمقطعيه الراس قال لنا الراس سليم ورجعناها البيت وما كانت داريه بشي مثل الطفل ماتدري بشي وفي الليل قالت راسي يعورني وعطناها بنادول وفي ثواني اغمى عليها وخذناها المستشفى وبعد الفحوصات قال لنا الدكتور عندها نزيف في المخ بسبب انفجار شريان في الراس سولها فتحتين في الراس نفس الوقت العام دخلت في غيبوبه لمده 8 ايام وماعرفو السبب وبعدها تحسنت حالتها والحمد لله لكن كلام الدكاتره الحين مايطمن يقولون لنه ادعولها حالتها حرجه عملنا اللازم والنزيف مهب راضي يوقف ولا راضين نسفرها الله يخليكم الي يعرف حد عنده نفس المشكله ولقى حل يقولنا وهل يمكن يكون عين لان امي من كم سنه مو مترقعه كل مره يصيبها شي حد يطمني بسرعه الله يخليكم
|
