صفحة 1 من 11 123 ... الأخيرةالأخيرة
النتائج 1 إلى 10 من 108

الموضوع: تنبيه لكل شخص يتعامل مع (أرامكس) شركة الشحن ~

  1. #1
    تميم المجد الصورة الرمزية أم محمد 90
    رقم العضوية
    27727
    تاريخ التسجيل
    Aug 2009
    المشاركات
    3,476

    Exclamation تنبيه لكل شخص يتعامل مع (أرامكس) شركة الشحن ~

    السلام عليكم ،،

    حبيت اقولكم بالي حصل معاي وافتح عيونكم اذا كنتو مثلي مدمنين طلبات اون لاين

    عندي حساب ف ارامكس وصار لي تقريبا سنة ونص وانا اطلب والله العظيم كل مرة اروح استلم 11 او 10 باكجات اقل مرة كانت 5 باكجات والاوراق عندي تثبت

    لاحظت ان كل مرة ادفع 1000 ريال وفوق واقل مرة كانت 400 ريال وشوي
    واتضايق من نفسي اقول انا اطلب اشيا رخيصة جدا مثلا شوز فلات سعره حوال الخمسين ريال ليش ادفع 107 ريال شحن له ؟
    واخر المرات طلبت اغراض لقطوتي والله كلفتتتتني صج صج مع ان البيت الي طالبته لها ب 135 ريال شحنه ب 474 ؟!

    المهم اخر مرة رحت من 4 ايام استلم 10 باكجات و 7 منهم كفرات جوال وجارجات جوال للسيارة واثنين منهم لقطوتي وواحد شوز الله يكرمكم

    قالت لي الحساب كامل 808 ؟!
    انا شكيت قلت شدعوة كفرات جوال خفيفة جدا ليش شحنها ب 32 و 26
    قلت لها لو سمحتي يصير اوزن كل باكج ؟ قالت اي جابت الميزان
    قلت لها الكيلو الواحد بكم ؟ قال 74 ! قمت اوزن كل شي واضرب وزنه ب 74
    وطلع رخييييييييييص شي بريالين وشي ب8 ريال هي انصدمت قلت لها انتو كاتبين على الباكج وزنه 0.25 وهو وزنه 0.6 !!! قالت مب منا هاي من شركة الارامكس بدبي قلت لها ولو لما يوصل سلوى لازم انتو تردون توزنون كلللل شي مايصير

    وبعد ماحسبت كامل حسابي طلع 649 ، لان اغراض قطوتي ثقيلة وغالية شحنها ب 400 وشوي قلت لها من يوم ورايح انا باجي باوزن كللل باكج يخصني ولاتزعلون ونادت المسؤولة وتمت تعتذر وسمعتهم حجي قلت لها انا زبونة دايمة واطلب فوق ال10 اغراض كل مرة وبنفسج تشوفين وتعرفيني ليش كل هالاحتيال والنصب وتمت تحلف ان مب منهم

    رجعت البيت طلعت كللل اوراق ارامكس الي عندي وتميت احسب انا يمكن دافعة لهم فوق ال5000 ريال على الفاضي وايد انقهرت والله كل مرة 1000 ريال او 800 او 400 اقل شي

    حتى قلت بيني وبين نفسي لو الكراتين للحين عندي جان رجعت اوزنهم قدامهم واخذ حقي حتى لو ارفع قضية او اروح حماية المستهلك اثبت لهم بالاوراق غش ارامكس

    مب منهم فتحو فرع يديد وعلى الفلوس الي ينهبونها جان زين يفتحون افرع قريبة سكرو فرع الاند مارك وفرع اللجنة الاولمبية

    انتبهو اذا انتو دايما تروحون ارامكس تستلمون باكجات اوزنو كل شي واضربوه ف 74

    يعني مثلا لو باكج وزنه 0.19 اضربوه ف 74 وبيطلع لككم الناتج 14.06 ريال

    حبيت انبهكم بس ..

  2. #2
    عضو
    رقم العضوية
    32385
    تاريخ التسجيل
    May 2010
    المشاركات
    461
    شكرا اختي عالتنبيه

    بس انا الي اعرفه انا اي شي تطلبه لو ان شاء الله حماية شاشه لازم تدفع اقل شي 41 ريال بغض النظر عن الوزن مادري اذا هالمعلومه صح ولا غلط لاني دوم اطلب عن طريقهم

    بس اخر مره طلبت كرسي يهال على 300 وشي ويوم جيت استلمه دفعت عالوزن 500 وشي عقبها قلت خلاص مافي امل اطلب شي عن طريقهم لان وايد امبالغين باسعار الشحن والوزن

  3. #3
    تميم المجد الصورة الرمزية أم محمد 90
    رقم العضوية
    27727
    تاريخ التسجيل
    Aug 2009
    المشاركات
    3,476
    لا اخوي انت لو وزنته وضربت وزنه في سعر الكيلو الي هو 74 ريال كان طلع لك ارخص
    انا معاك طلبت لي مرة ماوس وجدا خفيف الماوس سعره كان 41 ريال بس لو وزنته كان ارخص

    هم يتبعون طريقة اسمها (الراوند اب) مثلا او انا اطالبك 164 ريال اقولك يلا عطني 200 ولا تعطيني خردة

    يعني هو الوزن يطلع مثلا 0.16 يحطون لك الراوند اب وهو 0.25 يطلع 41


    اتمنى انك فهمت علي ..

  4. #4
    عضو نشط
    رقم العضوية
    24407
    تاريخ التسجيل
    Mar 2009
    المشاركات
    827
    إذا أنتي تطلبين وايد في بريد أمريكي أسمه nybox ميزته أنج كل شي تشترينه ترسلينه لبريدج عندهم وقت ما تبين يشحنون أغراضج تطلبين منهم أنهم يجمعون كل أغراضج في بوكس واحد ويطلع الوزن أقل .

  5. #5
    عضو مميز
    رقم العضوية
    15701
    تاريخ التسجيل
    Jul 2007
    المشاركات
    3,574
    الوزن بالكيلو او الباوند؟

  6. #6
    تميم المجد الصورة الرمزية أم محمد 90
    رقم العضوية
    27727
    تاريخ التسجيل
    Aug 2009
    المشاركات
    3,476
    الوزن بالكيلو مش بالباوند

  7. #7
    عضو مميز
    رقم العضوية
    15701
    تاريخ التسجيل
    Jul 2007
    المشاركات
    3,574
    بعد سؤالي لبعض الاخوان
    اتضح ان سعر الشحن لا يرتبط بالوزن فقط
    بالوزن والحجم ايهما اعلى

  8. #8
    عضو نشط
    رقم العضوية
    29033
    تاريخ التسجيل
    Oct 2009
    الدولة
    الغرافة
    المشاركات
    984
    الله يجزاج الف خير اختي أم محمد ، وبيض الله وجهج
    حسبنا الله،سيؤتينا الله من فضله ، إنا إلى الله راغبون

  9. #9
    عضو فعال الصورة الرمزية airbus
    رقم العضوية
    21153
    تاريخ التسجيل
    Jun 2008
    الدولة
    بين السماء والارض
    المشاركات
    11,244
    الصراحة انت سويتي غلطة كبيرة

    اول شي ادا تبي تشتري متلا كفرات او اغراض خفيفة حاولي تجيبيها من نفس البائع او شركة وحدة حتى ينشحن في كرتون واحد وتجيك ارخص بوايد

    تاني شي ادا شريتي متلا جهاز وزنه ربع كيلو على طول بينحسب نصف لانه الوزن يقربلك على كل نصف كيلوا يعني لو شريتي 1.6 كيلو على طول يحسبوهلك على 2 كيلو


    وهده الشركة ارخص شركة شحن في شركات تعتمد على الوزن الحجمي يعني طول وعرض البكج مع الوزن بيطلع السعر خيالي

    ثلاث تفاحات غيرت العالم
    تفاحة ادم
    وتفاحة نيوتن
    وتفاحة ستيف جوبز

  10. #10
    عضو مؤسس الصورة الرمزية زقرتي ومزاجي
    رقم العضوية
    359
    تاريخ التسجيل
    Feb 2005
    الدولة
    بين الأمل واليأس
    المشاركات
    11,004
    الله يخليلكم القطوه ان شاء الله
    قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
    " لَيْسَ الشَّدِيدُ بِالصُّرْعَةِ ، إِنَّمَا الشَّدِيدُ الَّذِي يَمْلِكُ نَفْسَهُ عِنْدَ الْغَضَبِ "

صفحة 1 من 11 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •