السلام عليكم ورحمه الله
الحمدالله على السلامه ياام جاسم
ام جاسم موظفه عندنا في في العمل
من فتره اختفت عن العمل واذكر قالت لي عندها عمليه وبتسويها هني وعباره عن ورم
طالع لها وبعدين اختفت ماشفتها
من كم يوم زارتني في المكتب جايه تقدم على الاجازه المرضيه
كان اتحمد لها بالسلامه واسئلها وين هل الغبه
قالت اجريت العمليه والحمدلله تم استئصال الورم وابشرك طلع حميد
فرحت لها وقلت الحمد لله وماتشوفين شر
بس الموظفات محمد منهم قالنا ولا خبرنا عنك
قلت لها محد منهم زارك في المستشفى ولا اتصلولك يتحمدون لك بالسلامه
قالت لا قلت لها معقوله عشر موظفات محد منهم يطمان عليك وخصوصا عمليتك عباره عن ورم
قالت لا والله اي بيجي حياه الله واللي مهب جاي مايشوف شر
استاذنت مني بالانصراف وقالت نشوفكم بعد الاجازه الطبيه
تركتني وانا افكر معقوله الموظفات عندنا مايزورون زميله لهم ولا كانها معاهم في العمل؟؟؟؟؟؟
اتذكر موقف الموظفه اللي طاح ولدها في المدرسه والموقف الهستيري اللي مرعلى منها ؟
ولما طلبت من الموظفات شوفهوا اتصلولها وصلت المدرسه ولا لا وش اخبار ولدها لانها كانت تسوق سياره وهي في وضع ارتباك وحاله ومتلخبطه
تفاجاءت من الموظفات يقولون مانعرف رقمها؟؟؟
معقوله موظفه قديمه معاكم ماتعرفون رقمها
تذكرت قبل عشر سنوات لما كان بدايه توظيف النساء عندنا
اذكر كانا قاعدين في حضانه اطفال كله هواشموظفات في مكتب واحد مايتكلمون مع بعض
ورقه التوقيع تقول حفل الوان كل موظفه قلم غير
قصه ام جاسم خلتني اتذكر كل هل المواقف
رغم ان احنا الموظفين الشبابنقعد مع بعض ونسولف مع بعض ونعرف ارقام تلفونات بعض
واذا في شي سواء مرض ولا فرح ولا حزن نتواصل مع بعض وماقد سمعت هذا مايداني ذي ولا هذا يكره ذي اخوه واصدقاء
نتمني نشوف مشاركاتكم وخصوصا الموظفات ايش اسباب هذه الملاحظات
هل هي مشكله تعليميه ولا اخلاقيه ولا ثقافيه ولا نفسيه ولا ايش بالظبط؟؟؟؟؟؟؟
اترك لك النقاش