شركات متخصصة في علاج تعشيش الخرسانة

[$الملياردير$]

الله يمسيكم بالخير جميع ....تكفون الله لايهينكم و اضح من العنوان ابي شركات معتمدة و متخصصة في معالجة عمدان الخرسانة اللي معششة لان المقاول صب لي العممدان و اغلبيتها معششة و لاابيه هو اللي يعالج ابي الشركات اللي تعطي ضمان على شغلها وجزاكم الله خير

[شموخ دائم]

,

,

مرحبا

اسباب التعشيش كثيره

منها عدم استخدام الهزاز
ومنها الخرسانه تكون ناشفه شوي
ومنها الحديد قريب من بعض اكثر من اللازم

المهم الان ان يشوفها ( الاستشاري )
لان هناك تعشيش بسيط وهناك تعشيش يكون الحديد طالع
ومن الضروري معالجه الحديد الطالع باستخدام ماده E-pox وهي عباره عن مادتين يخلطونها ورصها مكان التعشيش
الماده هذي قويه جدا واقوى من الخرسانه نفسها ب 3 اضعاف

لايوجد في قطر شركات مختصه بمعالجه التعشيش وماراح تلاقي شركه تجيك على شان شغله بسيطه
تحتاج شخص فاهم ( فورمن ) وعامل بناء يتعامل مع هذا الموضوع
بعد ما يشوفها ( مهندس الاستشاري )


,

,

اخوك


شموخ دائم

[$الملياردير$]

الله يبارك لك على اهتمامك و سرعة ردك والسبب و أنا أخوك الهزاز و الاستشاري شاف و طلب شركة معالجة و قلت أنا بجيبها علشان الثقة و الله المستعان

[معماري قطري]

الله يبارك لك على اهتمامك و سرعة ردك والسبب و أنا أخوك الهزاز و الاستشاري شاف و طلب شركة معالجة و قلت أنا بجيبها علشان الثقة و الله المستعان

مثل ما ذكر الأخ شموخ دايم

بإضافة إن هذي المشكلة كثير تصير وخصوصاً في الأعمدة وتصليحها سهل بالمواد الخاصة وكثير من المقاولين يعبونها خلطة إسمنت من عندهم ويمشي الحال .. بس المشكلة لو كانت بأحجام كبيرة وفي الأرضيات والأسقف ومحد كشفها، وهذي تبين بعد ما يشيلون الخشب من تحت يكون الإستشاري موجود أو المالك ويدقق عدل ويشوف إذا فيه فراغات واضحة، وإذا فوق بعد الصب ثاني ممكن حد يركب ويشوف .

من حقك تخاف من هالنوعية من المقاولين والإستشاريين والله يوفقك وتنتبه زين وتسيطر عليهم.

[$الملياردير$]

الله لا يهينك اخوي معماري قطر بس طال عمرك ما تدري عن بعض اسماء الشركات لأني مثل ما قلت مابي المقاول يصلح

[صمت 1]

الله يعينك ماعندك الا الاستشاري هو اللي يشرف على العمليه هذي وتحاسبه

[معماري قطري]

الله لا يهينك اخوي معماري قطر بس طال عمرك ما تدري عن بعض اسماء الشركات لأني مثل ما قلت مابي المقاول يصلح

يا اخوي أعرف مقاول زين مختص بالصيانه .. بس مشكلتي لي فترة ما شفته ومضيع رقمه وحتى إسم شركته .. شوف شركة حمد بن خالد بن حمد .. موقعهم فوق شركة الدرويش اللي على طريق المطار .. واللي كان مقر شركة البورش السابق باطرش لك رقم واحد منهم خاص وهو عنده خبره ويقدر يفيدك في الحل.

وأحياناً المقاولين والإستشاريين إذا كنت معاهم صارم من البداية عرفوا واجبهم واشتغلوا عدل.. والله يوفقك وانا حاضر لو تبيني آمر مكانك بعد أشوف يمكن الموضوع بسيط وتصليحه بسيط.

باذكر سالفه تضحك في هذا الموضوع .. مره في بيت الوالد طاحت كتل خرسانة من المطر والسالفه يمكن من 20 سنه، والبيت قديم وراواني إخوي وكنت صراحه متخرع وقلت له يبي له هدام وإعادة بناء.. قال جبت بناي ايراني وقال بيخلط إسمنت مع بيض وبيحطه على الحديد اللي كان باقي مكشوف وبيسوي عازل من فوق وبيعيش البيت سنوات طويلة بدون مشاكل، والحل يكلف أقل القليل، وما شاء الله البيت للحين موجود وكان لفترة بسيطة مسكون وألحين مخزن والمهم ما استوت فيه مشاكل.

[Delete]

هذا رقم شخص متخصص في التعشيش اشتغل عندي في الفيلا اسمه رأفت 33016887

[Bozizoo]

مرحبا يا اخوان
في اسمنت اسمه رند روك يبيعه تدمر
قوته 30 نيوتن يعني نفس قوة الخرسانه
ومنه نوعين واحد للفتحات الكبيرة اعمق من 5سم وهو عباره عن سمنت مع حبيبات حصى صغيره
و النوع الثاني سمنت بس
و جميعهم يضاف لهم ماء فقط
ناسي الاسامي بالضبط لكن ممكن اجيب لكم الاسامي
ويستخدم لصيانه
وتقريبا اغلب العمال مايعرفونه ولا يعرفون كيف يستخدم