اي حل لمكافحه بق الفرآش

[..er..]

بسم الله الرحمن الرحيم

السلام عليكم ورحمه الله ..

والله ياخواني مادري هو استفسار ولا طلب ولا غيره بس هو الوكاد فزعه ..
ولا لقيت قسم مناسب الا هنا ..

على العموم الموضوع ومافيه .. سلمكم الله ..

الا وهو ( بق الفراش )

سبب في البيت ازمه نفسيه .. مالقينا للاسف له حل .. ومادري من وين جانا .. ف الاعتقاد انه من كثرة الخدم اللي وصلونا في هالفتره اللي راحت .. وهذا والله اعلم ..
كلمت شركه تنظيفات وخذوا القد الفلاني ولا نفع شغلهم من رش مبيد حشري ومن غسيل ومن غيره ..

اللي مرت عليه هالمشكله يفزع لنا
سببت للبزران عقده نفسيه لدرجه حجزت بفندق اسبوع من كثر ماطفشتنا

وعلى كثر ماهي صغيره على كثر ماهي مضره
صورتها الله ياخذها



ضررها ..



طبعآ الصور من النت بس مايفرق لانه على الطبيعه مثل الصور او اكثر

[حمد 2002]

صدقت اخووي بق الفراش مصيبه الله ايفكك منها

وانشاءالله الاعضاء ايفيدونك بتجاربهم المفيده

[..er..]

والله انها معاناه ..

لاهنت يالغالي

[المبرمج صلاح]

اول شي طلع كل اثاث ومفروشات البيت في الحوش في الشمس لمدة يومين عالاقل
عمل تنظيف كامل للبيت بمسحه كامل بالماء والصابون والمبيد وفتح كل النوافذ والابواب حتي تدخل الشمس البيت لمدة يومين عالاقل

تغيير المراتب بمراتب جديدة لانه المكان اللي تكون فيه غالبا وغسل كل الستائر والاغطية
يجب ان تتم هذه العمليات بنفس الوقت ولا لن ينفع

طبعا لتنفيذ هذه الخطوات ان تكون خارج البيت ويجب ان تعرض البيت بكل ما فيه للشمس عالاقل يومين متتاليين

هذا اللي اعرفه عنها

[..er..]

اول شي طلع كل اثاث ومفروشات البيت في الحوش في الشمس لمدة يومين عالاقل
عمل تنظيف كامل للبيت بمسحه كامل بالماء والصابون والمبيد وفتح كل النوافذ والابواب حتي تدخل الشمس البيت لمدة يومين عالاقل

تغيير المراتب بمراتب جديدة لانه المكان اللي تكون فيه غالبا وغسل كل الستائر والاغطية
يجب ان تتم هذه العمليات بنفس الوقت ولا لن ينفع

طبعا لتنفيذ هذه الخطوات ان تكون خارج البيت ويجب ان تعرض البيت بكل ما فيه للشمس عالاقل يومين متتاليين

هذا اللي اعرفه عنها

تم تقريبآ عمل هالاشياء .. وللأسف فتره بسيطه ورجعت ..
هل ياترى فيه حل جذري ؟
ولا نبيع البيت

[تغلبية]

فيه شركات عندها ماكينة تنظيف قوية لدرجة انها تسحب بق الفراش من الدواشق والستائر والسجاد
كانوا يتصلون يروجون لهالماكينة بس اهتميت لهم كلش وما قد شفت الماكينة ..
بس في ناس يمدحونها

ان شاءالله الاعضاء يفيدونك

وارق بيتك وعيالك اخوي .. للشفاء والحماية من البق
وماتشوفون شر

[..er..]

فيه شركات عندها ماكينة تنظيف قوية لدرجة انها تسحب بق الفراش من الدواشق والستائر والسجاد
كانوا يتصلون يروجون لهالماكينة بس اهتميت لهم كلش وما قد شفت الماكينة ..
بس في ناس يمدحونها

ان شاءالله الاعضاء يفيدونك

وارق بيتك وعيالك اخوي .. للشفاء والحماية من البق
وماتشوفون شر

اذكرهم من كثر اتصالاتهم وازعاجهم .. بس ماعتقد تنفع .. بس لو تنفع ياليت احد جربها او عنده رقم لهم يدلنا او يعطينا اياه ..

جزاش الله خير والشر مايجيك

[ضوى]

بصراحة بق الفراش مشكلته مشكلة وزي ماقلت مايروح بسهولة وراح اقولك تجربتي ،
اول مادخل البق بيتي كان عن طريق شغالة حماتي جابتها عند شغالتي تعلمها الشغل اللي انا علمتها المهم ، تمت شهرين وانامن النوع اللي حتى غرف الخدم انبشها للتنظيف ، دخلت غرفتهم صعقت شفت خط بني طويل من سرير هالشغالة صوب راسها لين السقف الجينكو ، بغيت استخف ، واشيل فراشها الا معشعشين وشاربين دمهالقالت بس ،وطبعانقلته لسراير شغالاتي والغرفةكلها ، اول شي سويته الاسرة كلها مع الشراشف والمخدات واالالحفة والستارة بالزبالة الله يعزك ، وفضيت الغرفة تماماوالحمدلله انهاكانت فوق والا اثاثي كله راح علي ، جبت البلدية رشوا على مدار يومين ورا بعض ، وعقب جبت كاز ومسحوا فيه كل الغرفة فوق وتحت وبكل الزوايا وعقب انغسلت نظيف بالديتول وخلافه وتالي قصصت مشموم ووزعته بكل السقف وتحت سرايرهم الجديدة وشراشفهم لانه البق يمىت من ريحة الزهور والاعشاب العطرة ، والحمد لله صرت اكرر هالشي اسبوعيا لين ماختفوا تماما وصرت مادخل شغالة البيت قبل لا تتسبح وتقط كل ملابسهااللي عليها وتقط شنطتها وكل ثيابها في الشمس يومين وتحط دوا في شعرها عشان القمل ،والحمد لله تخلصت من البق بشكل نهائي

[راشد محمد]

بصراحة بق الفراش مشكلته مشكلة وزي ماقلت مايروح بسهولة وراح اقولك تجربتي ،
اول مادخل البق بيتي كان عن طريق شغالة حماتي جابتها عند شغالتي تعلمها الشغل اللي انا علمتها المهم ، تمت شهرين وانامن النوع اللي حتى غرف الخدم انبشها للتنظيف ، دخلت غرفتهم صعقت شفت خط بني طويل من سرير هالشغالة صوب راسها لين السقف الجينكو ، بغيت استخف ، واشيل فراشها الا معشعشين وشاربين دمهالقالت بس ،وطبعانقلته لسراير شغالاتي والغرفةكلها ، اول شي سويته الاسرة كلها مع الشراشف والمخدات واالالحفة والستارة بالزبالة الله يعزك ، وفضيت الغرفة تماماوالحمدلله انهاكانت فوق والا اثاثي كله راح علي ، جبت البلدية رشوا على مدار يومين ورا بعض ، وعقب جبت كاز ومسحوا فيه كل الغرفة فوق وتحت وبكل الزوايا وعقب انغسلت نظيف بالديتول وخلافه وتالي قصصت مشموم ووزعته بكل السقف وتحت سرايرهم الجديدة وشراشفهم لانه البق يمىت من ريحة الزهور والاعشاب العطرة ، والحمد لله صرت اكرر هالشي اسبوعيا لين ماختفوا تماما وصرت مادخل شغالة البيت قبل لا تتسبح وتقط كل ملابسهااللي عليها وتقط شنطتها وكل ثيابها في الشمس يومين وتحط دوا في شعرها عشان القمل ،والحمد لله تخلصت من البق بشكل نهائي

صج ماساة الله يعينج

[ww1000000]

تخلص من كل شي عندك في البيت وتحمل تشتري شي مستورد من برة خصوصاً من الدول الأوروبية لان مصدر الحشرة هي ولاية نيويورك بدت من هناك وتعشش في الخشب إلي يصنعون منه الأثاث