سؤال عن اللؤلوة !

[نور الحور]

السلام عليكم ورحمة الله وبركاته

بغيت اعرف هل في اللؤلؤة شقق للإيجار اليومي؟ وإذا نعم .. من وين تتأجر؟ وبكم ؟

وبالنسبة لأسعار تاجير اليخوت في هذا الوقت ..بكم ؟ ولمدة كم ساعة ؟


تجاربكم ومعلوماتكم لو سمحتوا محتاجتها بسرعة

[بوحارب]

وعليكم السلام

نعم فيها شقق للأيجار اليومي ومساحات مختلفة والأعلانات تحصلينها في الوسيط اكثر شي

[لمعة الالماس]

بالنسبة للتاجير في مكان اول ماتدخل اللؤلؤة على اليمين قبل الدوار اللي فيه نوافير فيه مبنى دائري هناك ياجرون

وبالنسبة لليخوت في محل تاجير لليخوت موجود داخل اللؤلؤة قريب من مطعم برج الحمام اسال السكيروتي بيدلونك والسعر على حسب حجم اليخت

[نور الحور]

جزاكم الله خير

[(المهندس)]

تأجير اليخوت مكانهم مقابل شوكلت بار الاجار الساعه ظ£ظ§ظ*ظ* ريال حسب اخر مره سألتهم

[قطريه أصيله]

بالنسبه لتأجير الشقق تقدرين تسألين في الاويستر ( المحاره ) اللي اول ماتدخلين اللؤلؤه يكون على يمينج

يعني دخلي من البوابه الرئيسيه واول لفه يمين خذيها ..

بخصوص اليخوت يأجرون الساعه على 2500 ريال واليخت وسط مش كبير وآيد .. فيه 3 غرف نوم .. وحده منهم ماستر روم وفي كل غرفه داخلها حمام .. في مطبخ بعد

وفي قعده فوق

ملاحظه الغرف حجمها صغير مش كبير

[نور الحور]

مشكورين وجزاكم الله خير .. بروح أمرهم وأسأل