اذا شباب خلوها نيويورك 3 ايام وبعدها طيران داخلي على الفيرجن << عجيبه وفيها انترنت بد عشلن ماتتملل والرحله بتكون 6 ساعات الله يعينكم
وسان فرانسسكو تجنن وبااااارده تهبل والله .. حدها 3 او 4 ايام على حسب جوكم وبعدها بالسيارة
الى بيفرلي هيلز ...والخ من الاماكن الي ذكروها الشباب
وبصراحه كالفورنيا يبيلها شهر اذا مو اكثر ...ولاتنسون تروح لاس فيغاس بالسياره تقريبا 5 ساعات بس الطريق حلو 3 ايام او 4 تكفيكم وبعدها طيران لنيويورك ومنها ترجعون الدوحه بالسلامه
سبحان الله وبحمده سبحان الله العظيم
نصيحتي لك تقسم السفره 10 أيام في ميامي و10 أيام في أورلاندو ولا تحط 5 أيام ميامي و15 يوم أورلاندو .. نزولك في ميامي أسهل وسفرتك من لندن لين ميامي بتاخذ معاك 8 - 9 ساعات والعودة تكون أقل.. بس لو حصلت طيارة برحلة مباشرة إلى ميامي أفضل لك، وفي ميامي تقدر تسكن في الماريوت اللي صوب ال bay side أو منطقة الميناء.
وميامي مدينة سياحية عالمية وفيها عالم وحشرة لين 3 الفجر، وأسواقها بعضها فاتحة طول الوقت، وطبعاً فيها مناطق خطرة حاول تستفسر عنها من الفندق وتحط عليها علامات على الجي بي اس .
من ميامي لأُورلاندو خذ طريق ال turn pike وهذا طريق زراعي سريع والمرور فيه بمقابل بسيط .. وفي أورلاندو عندك كل شيء حولك سواءً أماكن الترفيه والألعاب أو التسوق وهذا الوقت الجو حلو هناك والزحمة أخف من العطلات اللي هي الربيع في نص شهر 2 على ما اعتقد والكرسمس .. كثير اوروبيين يروحون هناك .. والصيف من كل صوب وخصوصا من أمريكا .. و 15 يوم في اورلاندو ما بتكون كافية لكي تزور كل مكان وبتمر بسرعة.
زرت أماكن كثيرة في أمريكا بس مثل أُورلاندو اللي زرتها حول 7 مرات ما شفت ولا إرتحت لأن كل شيء حولك، وهذا بشهادة اللي يكونون معاي، ولو قدرت بعد روح بوش غاردنز صوب تامبا ليلة مبيت وادخلوها وهي عبارة عن مدينة ألعاب متطورة وكبيرة وفيها قطار سريع.
هذا تقرير لي عن رحلة في الصيف الفائت إلى سياتل ولوس أنجلوس ولاس فيغاس .. وهالوقت سياتل بارده وبداية دخول الربيع وتخضر الأرض بشكل غير طبيعي وتشوف زهور الربيع والورود في كل مكان، ومنها تقدر تروح بالسيارة لين لوس أنجلوس ولاس فيغاس وترجع .. السفره من سياتل لين سان فرانسيسكو تاخذ تقريباً على ما اذكر 14 ساعة بالسيارة .. تقدر تتأكد منها بخرايط قوقل وعندك كثير مدن وفنادق في الطريق.
http://www.qatarshares.com/vb/showth...=525614&page=9
المشاركة الأصلية كتبت بواسطة معماري قطري
من أجمل التقارير وخطط السفر
مشكور يا شيخنا .. بس والله تبقى منطقة أُورلاندو وديزني ورلد واللي هي الأكبر في العالم أفضل منطقة سياحية، وتميزها الطبيعة الخضراء والبحيرات الكثيرة ورخص أسعار الفنادق ورقيها، والمجمعات التجارية حواليها كثيرة وكل مجمع يبي له يوم أو يومين.من أجمل التقارير وخطط السفر
مخططكم بيتعبكم
انا والربع آخر 12 رحنا امريكا عن طريق الاماراتيه لان القطريه ما تودي عالوست كوست رحنا اسبوع سان فرانسيسكو واجرنا موتر من المطار طبعا اول اسبوع هلكنا مع فرق الوقت وما استمتعنا ابدا فيها مع ان سان فرانسيسكو روعه على آخر يوم تقريبا جسمنا تأقلم مع فرق الوقت لانك تتكلم عن فرق 12 يعني عكس سستمك تماما ومن هناك حركنا ورحنا لوس انجلوس واخترنا طريق طويل شوي لان اكثر من واحد امدحوه لنا بسبب مناظره الطبيعيه الروعه حول ال6 ساعات وشوي
لوس انجلوس تمينا فيها اسبوع ونصيحه لك اجر فيها موتر لان من مشوار لمشوار تحتاج نص ساعه
بعدها رحنا لاس فيغاس 5 ايام كانوا ولا اروع كل يوم كنا نحضر عرض ولايه لها مزاج خاص وللتشري ما في مثلها ارخص ضرايب عندهم والماركات فهالولايه تنزل اشياء حصريه لفيغاس من نوع الجلد واللون يعني لو معاك بنات راح يخسرونك
من لاس فيغاس طياره على دلتا طيران جدا متواضع والطياره صغيره حال باقي طيرانهم الداخلي لنيويورك دايركت حوالي 5 ساعات ونص اتوقع من التعب رقدنا طول الطريق لانك في فيغاس ما بترتاح 24 ساعه فيها نشاطات وانصحك تحجز درجه اولى لان تذاكرهم واجد رخيصه
نيويورك تحتاج فيها اسبوع عالاقل وخل وسيلة مواصلاتك عالمترو اسرع وسيلة مواصلات فيها وتوديك كل مكان
سواء كنتوا شباب او عايله كل الولايات راح تستانسون فيها وقت سفرتنا اكثر العوايل الخليجيه اللي شفناهم في لوس انجلوس ولاس فيغاس عدد لا بأس فيه في سان فرانسيسكو وفي نيويورك العوايل عددهم جدا قليل
اسعار الفنادق في لاس فيغاس واجد رخصيه وانصحك تاخذ TERRACE ONE BEDROOM FOUNTAIN VIEW In Cosmopolitan Hotel
بلكونه تطل على نافورة بيلاجيو
حاسبوا من السرعه فالسواقه والتزرق بين المواتر واترك مسافه بينك وبين اللي قدامك ما عندهم واحد اثنين على طول محاكمه بيقبضك الشرطي وبيركبك معاه الدوريه وبيوديك عند القاضي وانت وحظك فالحكم
ضوابط المشاركة
رد مع اقتباس
