السلام عليكم. ماهو افضل فندق من حيث الموقع في برشلونه اسبانيا فندق ماجستك او فندق أرتس ولكم الشكر
السلام عليكم. ماهو افضل فندق من حيث الموقع في برشلونه اسبانيا فندق ماجستك او فندق أرتس ولكم الشكر
هو يعتمد على متطلباتكم انتوا من حيث الموقع ..
يعني اذا تدورون على المناظر الطبيعيه والبحر وهالسوالف فالماجستك ما حوله بحر فندق راقي بس على شارع تجاري والشارع هذا شارع الماركات العالميه وتحت الفندق بالضبط بوتيك شانيل
و الماجستيك يعتبر في وسط المكان قريب من الرامبلا يعني مشي وعلى راحتك كلش عشر دقايق لين ساحة كاتلونيا
الاراتس اي واحد قصدكم ؟؟
..[ أكبر خطــأ سرك للأنذال تبديـه .. و تصاحب الخاين قليل المروه
و تسوي المعروف في غير راعيه .. و تجامل الغلطان و تقول خوه ]..
الارتس الي على البحر
بس اعتقد انه ماجستك هو الافضل من حيث الموقع والشارع
اختي صمتي حزن
بخصوص فندق ارتس
هو فندق خمس نجوم وراقي جدا وفخم وغرفه واسعه
ونفس ماقلتي هو على البحر وديكوراته راقيه
اما ماجستك
هو نطام شقق حلوه بس الحجز فيه صعب في هالوقت
دايما مليان والشارع الي فيه ومكانه حلووو اختي
لكن اذا بغيتي الشارع الحيوي واشهر شارع في برشلونه
هو شارع الرامبلا وفيه فنادق كثيره وراقيه
اهم شي انتي تفضلين شنو
فندق على البحر
او شقق على شارع حيوي
او فندق او شقق على اشهر شارع في برشلونه حيوي وكلشي جنبج
لج الاختيار
مرحباً انا حجزت في ماجستك وعندي وقلت بأستفسر لان بإمكاني الغي الحجز لكن الكل أمدحك لي موقعه و ظ¥ ستار
شنو احلى فندق في الرامبلا
عزيزتي اذا تبين تروحين اسبانيا في الصيف ومع عايله ابتعدي عن الفنادق اللي على البحر والمنتجعات ترااااا الشعب الاسباني الحياء ممسوح منه يعني عادي بتشوفينهم عرايا وبالمايو تكرمين يتمشون في الشوارع وفي الكوفي شوبات من غير هدوم@@@ فإذا انتي من النوع الغيوووور نصيحة لوجه الله دوري مكان ثاني
مش في صيف وعلى فكره الاسم صمتي حزن وانا واحد الكل يتكلم بصيغه الأنثى
شوف هالفندق ماجستك موقعه بالنسبه للموسم ممتاز وانا سكنت فيه وموقعه في شارع الماركات
والفندق الآخر أرتس على البحر وموقعه حلو ايضا وبالقرب م الميناء الاولومبي والكورنيش وكل فندق له وقته
يعني الفندق الاول في الشتاء حلو يعني بعيد ع البحر وقريب من المطاعم والكوفيات والاسواق
وأرتس اشوف انه لو في الصيف صح بيكون افضل
وعلى فكره انا مشيك عليهم قبل يومين كلهم فل الاثنين