صور لمنزلي ( جبس )

[K.A]

السلام عليكم ورحمة الله وبركاته

الموضوع بالمختصر جبس البيت وان شاء الله يعجبكم
بعض الصور مقتبسه من النت وعليها اضافات من قبلي
على بركه الله نبداء

مدخل البيت


السور


المدخل


المجلس


المطعم


المطعم من قريب


طوفه المطعم + البوفيه بس البوفيه ماصورته ومافي بلاط وراح اعمل طاوله رخام وورق جدران


المغاسل


الصاله


الجلسه المغربية


غرفه الضيوف او غرفه العاب الاطفال لم اقرر


الصاله العلويه


المطبخ التحضيري او البنتري ( في الصاله العلويه )


غرفه بنت وان شاء الله ربي يرزقني ببنت


غرفه ولي العهد ابراهيم ولدي


غرفه كلاسيك


غرفه الماستر


غرفه الملابس


حمام الماستر



هذي الصور للبيت ولين الحين راح اضيف عليها طبعاً شغلات وورق جدران وصبغ ولكل غرفه وحي لها الطفل على شكل طفولي والبنت ديزاين بنوته والكلاسيك شي من التاريخ ^_*

اتمنى عجبكم الشغل ولو في ملاحظات لا حد يبخلي علينا وافكار جميله بعد
والان انا في مرحله الصبغ الخارجي وتصنيع الابواب وننتظر بلاط الحوش يوصل
وان شاء الله راح انزل عقب الشكل النهائي + البيت من الداخل والخارج

تحياتي لكم
وشكر خاص لمن طلب صور للمنزل

[عوآآآآشـي]

ماشاااااااااااااااااااء الله
روعه والله خاطري اشوفه لما يجهز كله
جعلة بيت مبارك عليكم يارب

[معماري قطري]

الله يوفقك وتسكن على خير

عندي ملاحظه زغيره شكل ما يقولون اللبنانيين .. الأعمدة اللي عند الباب ما شاء الله شغالين فيها وتتشطب وبكره وقت تركيب الباب بيكسرون وبيلحمون الحديد مع حديد العمود وبيخترب هالشغل، وكان المفروض تنعمل وصلات حديد قبل الجبس أتمنى تقول لي إنك سويتها بس ما تبين في الصوره.

[حياة]

ماشاء الله تبارك الله
شغل راقي جدا ماعليه كلام
تتهنون فيه ان شاء الله

[K.A]

ماشاااااااااااااااااااء الله
روعه والله خاطري اشوفه لما يجهز كله
جعلة بيت مبارك عليكم يارب

ان شاء الله اختي عوآآآآشـي لما يخلص اكيد بنزل موضوع اللمسه الاخيره

والله يبارك فيج والفال لكم في قصر يارب

[K.A]

الله يوفقك وتسكن على خير

عندي ملاحظه زغيره شكل ما يقولون اللبنانيين .. الأعمدة اللي عند الباب ما شاء الله شغالين فيها وتتشطب وبكره وقت تركيب الباب بيكسرون وبيلحمون الحديد مع حديد العمود وبيخترب هالشغل، وكان المفروض تنعمل وصلات حديد قبل الجبس أتمنى تقول لي إنك سويتها بس ما تبين في الصوره.

آمين يارب

اي سبق وفكرت في هاي الموضوع وانه القواعد بارزه والحل الانسب واللي اقتنعت فيه اعمل زوايه 20C.M ثابته من الصوبين
مثال

وبكذا ماراح يتأثر الـGRC بس لين الحين مافتحت فيه ولما افتح بخليهم بالادريل وبخلي اللي ركب الـGRC يرجع يعدل لو فيه شي ومتفق معاهـ

وشكراً على الملاحظه اخوي معماري قطر

[K.A]

ماشاء الله تبارك الله
شغل راقي جدا ماعليه كلام
تتهنون فيه ان شاء الله

مرحبا اختي حياة
اشكرج ع المرور الراقي
والله يهنيج في دنياج
شكراً لج مره ثانيه

[خزامئ]

الله يبارك لك في منزلك
الجبس حلو والشغل المغربي
وين سويته

[K.A]

الله يبارك لك في منزلك
الجبس حلو والشغل المغربي
وين سويته

الله يسلمك اخوي خزامى
الجبس هذا قطع تم تركيبها وبعدين قررت اذهبها
في كل مكان بتحصله قوالب بس هذا خذته من محل كلاسيك هاوس في ام صلال محمد
حتى هو عجبته فكره التذهيب وعرضها في المحل
بس الكورنيش خليته يسوي لي قالب خاص على نفس النقشه
وشوف انت اي قالب يعجبك وذهبه او بالفضي لو حاب حسب الرغبه
وموفق وشكراً ع المرور

[نور الحور]

ما شاء الله تبارك الرحمن ..الله يجعله منزل مبارك وتعيشون فيه أحلى ايامكم ..

وجزاك الله خير على عرض الصور وحبك لإفادة غيرك ..

عجبني الجبس المودرن في الصالة حلو وانيق .. وفكرة فتحات الدكتات المخفية
واللون الفاتح في أغلب الأماكن ..
والله يبارك لك في إبراهيم وتشوف أخته قريب ..
بالنسبة للجبس المغربي .. ناوي تسوي ديزاين على الجدران ولا بس في السقف؟ وياليت تننتبه على الفرق بين الستايل المغربي والأندلسي لأن وايد يخربطون بينهم

الله يوفقك أخوي k.a