احسن بك النيه وتفتح عليه ابواب
باب النكد يا عجل ماتفتح ابوابه
ان جيت ابين لك على رغبتي باسباب
اخطيت في تقدير ظني مع اسبابه
خليتني اخشاك ماكننا احباب
متعوس قلب ماتوفق مع احبابه
والى بغيت اطلب حسبت ألف وألف حساب
يرضيك من حبك معك يسقط حسابه
ان قلت لك مرتاح والله انا كذاب
وان كان روحي سرها البعد كذابه
الشوق يتني ربع من طولوا غياب
والشوق يذبح ليتباطوه غيابه
اقولها والنفس تحفظ لك الترحاب
يسوقها فكرٍ عطى كل ترحابه
اني بحبك سيد الحب ولا ترتاب
اسكنك يا حب هجد نفس مرتابه