أضحوكة التقطير .. الجزيرة، قطرفاونديشن، جهاز قطر للاستثمار

[سارونه]

الى متى ووزارة العمل في صمت عن تقطير الوظائف في عدة اماكن

والى متى وهم يعلمون بالتلاعب والتوظيفات لطوني وميشيل وكومار ومانيلا وهم في صمت رهيب

بعض الاماكن متشكلة فيها عصابات ومافيها برئاسة مدراء الاتش ار ومدراء ورؤساء اقسام الادارات

تدش بعض الجهات من المحاسب لمسؤل العلاقات العامة لموظف الارشيف للسكرتارية للمساعدين الاداريين كلهم اجانب وان قدمت عندهم قالوا والله لا يوجد شواغر!

قطر فاونديشن وشركاتها التابعة ماعمري سمعت انهم منزلين اعلانات توظيف ولا يحاولون استقطاب القطريين واللي يروح لهم يحس نفسه طرار والرد مافي شواغر واللي يقهر الرد من اجنبيه او جنبي وظيفتهم شرب شاي وطق سوالف وتمشي والعصريه لعب في الاندية

الجزيرة
القطري تهميش
والاجنبي له المهمات الرسمية والدورات والترقيات والمسميات الوظيفية

قناة الجزيرة للاطفال وبراعم

ترس مغربيات وتوانسة
جهاز قطر للاستثمار
محمية سرية والتوظيف على مبدأ اعرفك وتعرفني اشغلك واشغل طوايفكالريل
وجهاز قطر لادارة المشاريع
ومركز قطر للمؤتمرات

الله الله على نسب التقطير


ليش في هالديرة محد يسعى لتطوير وجذب عيال البلد هم أولى ولا الاجانب اللي رحنا بنفسها وجبناهم ونعرف ان خيرنا وفلوسنا كلها تتصدر برا

الخبراء والناس اللي تخصصاتهم نادرة معليه نقول مطلوبين لكن ناس وظايفهم بسيطة مالية ومحاسبة موارد بشرية وعلاقات عامة وتدريب هذيلا ليش اجانب!!


الوزير اللي مايترك بصمة ويشتغل من قلبه لمصلحة البلد يضمن كرسي الوزارة والوزير المنتج يتم اعفائه والتخلص منه .. هذا اللي لاحظته

كلامك صحيح 10000000000%

جزاك الله خير كفيت ووفيت

[روح الاطلس]

الجزيرة مره اخرى

أريد ان اعرف كل المسئولين الذي عينهم اقصد المناصب الكبيره من تاريخ تعينهم الي الان هل انجزو مشروع واحد فقط اتحدا أي واحد يذكر مشروع واحد ولا احب اذكر الا مشروع الاستوديو الكارثه التي حطمت كل المقاييس.

اما المدير التنفيذي للمكاتب الخارجية من تاريخ تعيينه داوم في مكتبه ما يقارب شهر فقط دائما بالخارج ولم ينجز أي مشروع الى هذه اللحظة مع العلم هذا الشخص ايضا ثقته به عمياء ولا يرى الجانب السيء به يا خسسسسسسسسسسساره لا يوجد قطري ثقه حتي يتقلد هذا المنصب.

ناس وايد مغترة بالجزيرة

لكن واضح وحسب مصادر وايد سمعتها ان جذور الفساد فيها بدت تنبت وتكبر واذا ما تم استئصالوها (يارب همزتي صح) ستنمو شجرة خبيثة وتقتل الورد اللي تحتها.

[مونتانا]

بعض المدراء القطريين يخافون من القطري يكشفه ويعريه خاصة اذا كان مهزوز او عنده بعض الامراض النفسية ولا يستطيع مواجهة الناس والموظفين فتلقاه يصف الاجانب ويحتمي فيهم.
وبعض المدراء القطريين يكرهون اهل قطر ولا يبغون لهم الخير وهذا كلامي من تجربة 27 سنة عمل والله سوف يحاسبني على كلامي اذا كنت غير صادق.
الظلم ظلمات يوم القيامة.

[koketa]

بقولكم شي عن تجربه

التقطير مساكين يجيهم طلبات للتوظيف ويطرشون للادارات الطلبات بس الادارين ما يوظفون شلون التقطير يضغط عليهم ؟

التقطير يحاولون يساعدون الموظفين القطرين في المؤسسه ويدعمونهم ويكتبون خطابات توصيه للادارين والادارين ما يعطونهم فرصه

الحل ان اداره التقطير يلزمها empower بحيث يكون لها صوت مسموع في المؤسسات

[تغلبية]

على كم المآسي في كل المشاركات

وعلى كثر ماهي مشكلة فعلاً وبدت تستفحل وتتضخم ..

على قد ما آنا متفاااااائلة .. ان هالمشكلة قريب بتفرج .. وماضاقت إلا لتفرج

وبيصير لكل قطري مكان أفضل إن شاءالله

لكن أتمنى إنكم تأهلون نفسكم من الحين .. ماتكتفون بالخبرات القديمة ..

علشان لما تجي الفرص يكون كل واحد جاهز ويقتنص الفرصة اللي تناسبه

واللي كان ينتظرها من زمان

[حمد بن سعد]

قطر لغيرررررررررررررررررررررر القطرييييييييييييييييييييييييين

صح السانك يالسمي

[للصبر اخر]

بصراحه الوضع عندنا حده تعباان
وانا عاجزه ومو عارفه شسوي
هل اتم او استقيل
؟؟
ابي استشير شخص قانوني
بس ماني عارفه

ماقول غير
يااااارررررب

[رهج السنابك]

للصبر اخر
تبين نصيحة اذا مب مرتاحة لا تحرقين طاقة شبابج واعصابج ،، هجي ،، اشردي ،، دوري مكان احسن وعلى كثر ماتدورين بتحصلينن اماكن وايد ،،، المعرض قريب فرصه لج جهزي اوراقج وتعرفي على الاماكن

اكبر غلط واحد يتم بمكان مب مرتاح فيه ،، اهم شي السعاده

[للصبر اخر]

للصبر اخر
تبين نصيحة اذا مب مرتاحة لا تحرقين طاقة شبابج واعصابج ،، هجي ،، اشردي ،، دوري مكان احسن وعلى كثر ماتدورين بتحصلينن اماكن وايد ،،، المعرض قريب فرصه لج جهزي اوراقج وتعرفي على الاماكن

اكبر غلط واحد يتم بمكان مب مرتاح فيه ،، اهم شي السعاده

والله لي سنتين اقدم بالمعرض
ولاشفت شي

[Al-Kuwari]

والله لي سنتين اقدم بالمعرض
ولاشفت شي

شنو تخصصج ؟

جامعية , ثانوية ؟ ولو جامعية ايش التخصص ؟

كم المعدل ؟

مستوى اللغة الانجليزية ؟

الوظيفة الحالية ؟