هل 400 الف ريال اتكفي لبناء بيت كامل عضم بلاستر تشطيب ؟

[حمد 2002]

السلام عليكم ورحمه الله وبركاته

نفس ماهو واضح بالعنوان هل 400 الف ريال اتكفي لبناء بيت كامل عضم بلاستر تشطيب ؟

مع العلم بأن الأرض موجووده ؟

تحياتي لكم

[PGR]

اعتقد انها صعبة شوي ,,, حتى لو كل الاشياء صينية بعد ماتوقع ,,, بس ممكن اذا مساحة البيت صغيره يعني بحسبة صغيره, خل انقول سعر المتر على اقل تقدير مع التشطيب 1000 مع انه ماتوقع تحصل ابهالسعر ,,, 1000*400 متر بيعطيك 400 الف

[شموخ دائم]

,

,

مرحبا


لا اخوي ما تكفي وتحتاج تزيدها اقل شي 150 الف الى 200 الف

اما اذا بتسوي دور واحد
بمساحه 250 متر يعني مساحه نص فيلا

ممكن تكفي

الاحسن تزيدها 200 الف
وتسوي بيت يكفي للسكن او الايجار ويكون بمساحه معقوله

اقل سعر للمتر الان بالسوق 1500 ريال

250 متر × 1500 = 375000

باقي عندك 25 الف من فلوسك

وينك عن السور الخارجي والتلبيط والباب وكراج السياره


,

,


اخوك


شموخ دائم

[captin]

مراحب أخوي حمد ,,,

لا ما تكفي لفيلا مساحتها في حدود 400 الى 450 متر مربع

أنا باني بنيان تجاري لفيلا مساحتها 450 متربع وكلفتني تقريبا 800 الف ريال
يعني سعر المتر بمعدل 1750 ريال .

تحتاج تزيد المبلغ أو تنقص المساحة عشان تكفيك الـ 400 الف ريال

بالتوفيق ان شاء الله

[أم شيوخ]

لا طبعا ...

[Bozizoo]

اسعار التسعينات 400 الف تكفي

[معماري قطري]

شركة العطية - كابريفاب كانت تسوي بيوت خرسانة جاهزة وبسرعة وكاملة .. مساحة 11 في 10 متر دور أرضي بحدود 200000 في التسعينات .. ألحين ما ادري إذا يسون هالنوعية من البيوت أو لا .

سكنت فترة في هذي النوعية من البيوت وما شاء الله نوعية محسنة من بيوت الدفنة ووايد إرتحت فيه .. والبيت في حوش بيت الوالد وللحين مستخدم وما فيه أي مشاكل سوى صيانة تكرمون الحمامات.

شركة العلي للمشاريع تسوي بعد من السيبوريكس وعندهم مشاريع كثيرة للمجمعات واحتمال يبنون للأفراد الله أعلم.

[القلم الصريح]

امس في وسيط الشرق اعلان
شركة بيت العمر سعر مميز على فلل بنك التنمية 350 الف عظم

[Bozizoo]

امس في وسيط الشرق اعلان
شركة بيت العمر سعر مميز على فلل بنك التنمية 350 الف عظم

انا ماقريت الاعلان بس اتوقع يقولك
انا علي العمالة و انت عليك المواد يعني الطابوق و الاسمنت والرمل ووووو

[كبير المتداولين]

ممكن تكفي اذا تبني بيت صغير بحدود 3 غرفه وصاله ويكون تشطيب تجاري