&& استفسار عاجل عن مكيفات سامسونج إذا ممكن &&

[خليفـة]

صبحكم اللہ بالخير

الإخوة وألاخوات إلي جربوا مكيفات سامسونج
طنين .. سبليت يونيت
ممكن تقولون لي رأيكم في هالنوعية !
هل حد اشتكى منها بشكل عام !
ناوي اشتري كمية كبيرة من الشركة
لتركيبها في فيلا للايجار .

انتظر ردود أصحاب التجربة لطفا

خليفة

[نور الحور]

ما أنصحك فيهم خليفة ركبت في صالتي التحتيه وكله يصب ماي جاوا كم مرة يعدلونه يتعدل يوم ويخترب شهور .. وحار ما يبرد بسهولة .. حطيت عليه اكس صراحة

[ANONYMOUS]

اذا مب لبيتك الخاص ركب اي ماركه

واشترط عليهم الصيانه والتصليح والاستبدال

بس سامسونج مايمدحونها كلش

[@north_star@]

ما انصحك فيهم اخوي خليفة ومثل ما قالت اختنا حور وانا شفته بمسجد كان مركب مب من فترة طويلة وكله اشوف ماي تحتهم على زل المسجد وبعدها اشوف بدلوهم بالكامل

[خليفـة]

يزااكم اللہ خير ما قصرتوا
خلاص .. اكس على سامسونج
وكفاية عليهم تلفوني من عندهم
هههههه
يا ليت ترشحون لي اسم مكيفات سبيليت
طنين يكون شي زين وسعره مناسب
لفيلا للإجار
ؤلكم جزيل الشكر

[نور الحور]

حط اكس و أووو بعد ..
وأنا مثلك بعد ودي بماركة زينة أغير فيها السامسونج ..ممل بصراحة

[خليفـة]

حط اكس و أووو بعد ..
وأنا مثلك بعد ودي بماركة زينة أغير فيها السامسونج ..ممل بصراحة

يا هلا
إذا تبين مكيف شخصي لج ولبيتج
عندج ميتشوبشي وجنرال العمادي
بـ?ـس أسعارهم تزعل شوي

نورتي يا نور

[نور الحور]

الله ينور عليك ما قصرت ..
عادي بزعل شوي وبرضى

[خليفـة]

الله ينور عليك ما قصرت ..
عادي بزعل شوي وبرضى

ههههههههه
عاد انتي بتبردين على عمرج
ما تنلامين لو خذتي الشي الزين

بس انا ببرد على المستاجر
ويا عالم الله يكون مستاجر زين ولا شين



في انتظار ردود معلمين التكييف

[شموخ دائم]

,

,


مرحبا

الله يعطيك العافيه

نفس الفلا الي هناك !!! او غيرها



الله يبارك لك ويرزقك فيها

جرب مكيفات كلفنتور شركة صقر الخليج موقعهم
وانت رايح من اشارات رامادا للصناعية قبل جسر مدماك

يمدحهم اخونا naklan ومجربهم

,

,


اخوك


شموخ دائم