انواع الصبغ

[بن غيث]

جزاك الله خير على التنبيه

لكن جميع الأصباغ اللي موجوده في الدوحة خالية من الرصاص
ومادش الدوحه إلا بشهادة خلو من الرصاص مصدقه ومعتمده

صحيح ماكان فيه اهتمام في ها لموضوع من قبل لكن آخر 3 سنين تشددوا في الرقابة ومستحيل يدش أي صبغ بدون شهاده خلو من الرصاص وأي مواد خطره حتى لو قوطي فليت واحد لازم شهاده

شاكر لك توضيح الامر لي .. كلامك صحيح 100 % .. واضح أنك شغال في هذا المجال منذ فترة كبيرة .. وملم بالأمور ..

عزيزي ... تسمع عن الاندومي .. !!

أيش رأيك أنه يحتوي على مواد أخطر من الرصاص .. ويدخلونا الدوحة والناس تأكله ..

صـــــــــــبــــــــــــــــــــاح الخير أخوي ..

[بن غيث]

أخوي بن غيث
هل صبغ كادورو من رغدان صديق للبيئه، و اذا كان لا، ايش تنصح بنوع مثله لان شكله عجبني و جزاك الله خير.

أختي .. أم راشد .. أنا أنصح دائماً بالجوتن .. وكل واحد حر في أختياره

خصوصاً .. أذا علق على كلامي واحد مثل الاخ " سنيكرز " وغيره وغيره

ما عندهم أي معلومات حقيقية .. مجرد كلام يصدر من وزارات او مسئولين .. وغالبا يكون أجتهاد شخصي ..

[دروب]

ودي أنوه على شغله بسيطة في نظر البعض..
معظم الاصباغ بقطر يوجد بها مواد ملونة تحتوي على الرصاص ومواد مذيبة ومتطايرة مما يسبب مرض السرطان
يفضل أستخدام الاصباع البلاستيكية .. او صديقة للبيئة
او الاصباغ المائية وهي أغلى من الاصباغ العادية ..

ولا يوجد أي رقابة من قبل جهات الاختصاص بوزارة الاقتصاد والبيئة والصحة ..

لذلك أنصح دائماً بأستخدام أصباغ مثل جوتن ... وتأكد أنها صديقة للبيئة وخالية من المواد المذيبة

الله يجزيك الخير
بس حبيت أعرف هل صبغ الكادورو له منتج مماثل في أصباغ جوتن

[معماري قطري]

والله خوفتونا حتى من الإندومي اللي عيالنا يحبونه

وانا صج سمعت عنه من قبل .. وعن المواد صراحة كثير مواد غش وصناعتها رديئة وفيها ملوثات وواجب كبير على مختبراتنا أقل شيء نشر المعلومة الدقيقة عن المادة.

[بن غيث]

صحيح .. معماري..

كثير من القوانين موجودة وتحظر أستيراد او استخدام مواد معينة مضرة بصحة الانسان .. لكن مطبلين الحكومة يأكدون أن كل شئ ماشي حسب اللوائح والقوانين وأن ممنوع دخول أي من تلك المواد ..

كـــــــــــــــــــــــــلام فـــــــــــاضــــــــــــــي

عندك البلدية .. أمنعت بيع الخبز في أكياس بلاستيكية بسبب خطورتها على صحة الانسان ..

وللعلم هذا القرار قديم .. ولك حدثوه بشكل جديد .. لكن في النهاية .. ما زالت المخابز تبيع الخبز بداخل أكياس بلاستيكية ..

[معماري قطري]

صحيح .. معماري..

كثير من القوانين موجودة وتحظر أستيراد او استخدام مواد معينة مضرة بصحة الانسان .. لكن مطبلين الحكومة يأكدون أن كل شئ ماشي حسب اللوائح والقوانين وأن ممنوع دخول أي من تلك المواد ..

كـــــــــــــــــــــــــلام فـــــــــــاضــــــــــــــي

عندك البلدية .. أمنعت بيع الخبز في أكياس بلاستيكية بسبب خطورتها على صحة الانسان ..

وللعلم هذا القرار قديم .. ولك حدثوه بشكل جديد .. لكن في النهاية .. ما زالت المخابز تبيع الخبز بداخل أكياس بلاستيكية ..

صادق يا اخوي وملاحظ بقوة أول شيء يتحركون بعد ما يطلع الخبر برا وبعدها يسكتون .. حتى في تطبيق منع العزاب من السكن بين العوائل وفي أُمور كثيرة الصرامة واجبة في هالأُمور.

[almaf1a]

المهم الي متعود على اكل كنتاكي ماتوقع يأثر فيه اي صبغ

[مهاجر]

المهم الي متعود على اكل كنتاكي ماتوقع يأثر فيه اي صبغ

هههههههههههههههههه

صارت عنده مناعه

[معماري قطري]

مشكورين وخصوصاً الأخ بن غيث كلامه ينبهنا لحقائق مهمة ما نلتفت لها .. انا في إختياري لبيتي أو أي مشروع أشتغل فيه أركز على الجودة لكن سكنت شقة كل شيء فيها زين بس بديت أكح كحة قوية للحين باقية معاي وجاتني حساسية قوية وضيق تنفس وإكتشفت إنهم حاطين نوعية من السجاد الكثيف .. مؤكد صناعة رديئة ورخيص في الصالة وشلتها طلعتها البلكونة وخليت الصالة بدونها تغير الجو وبدت تخف الحساسية عندي بس ما تشافيت بالكامل للحين .. وورق الجدران صج لو ركبت نوع صناعة جيدة وبمواصفات جيدة يسوي حتى جو وإحساس رائع في الغرفة ويدوم ولو ركبت شيء أي كلام تضر نفسك.

[سهاير]

صباح الابتسامه والسرور

حبيت أعرف هل صبغ الكادورو يكون سعر المتر 40 ريال ولا اكثر

حصلت محلات في نجمه واحد قال 75 والثاني 60 والثالث 55 والرابع 40 ريال

اللي مجرب محلات الصبغ في نجمه يفيدني