ان شاء الله ابشري اختي
بحط لج كل الي تحتاجينه
|
ان شاء الله ابشري اختي
بحط لج كل الي تحتاجينه
تسلمووون وماقصرتوا
بس ياليت لو تكتبون اسامي الفنادق كامله وبالانجلش عشان اقدر القاها في بوكينغ ..
غير البشر : بالانتظااار
...(( اللــهم اجــرني مـن مــوت الغـفـلــه , ولا تأخــذنـي من الدنــيـا الا وأنـت راض عــنـي ))...
ان شاء الله ولا يهمج
بس بعطيج مكان للسكن وعطيني رايج فيه
هو جديد يعني مفتوح يمكن من 5 شهور
واكيد الكثير مايعرفه
مكانه حلووووو جنب فندق ماريوت غروفنر هاوس
مطل على الهايد بارك
في غرف على الهايد بارك
وغرف مطله على اللوبي
وهو نظام شقق واستديوهات
وانصحج فيه بقوووه وسعره الحين مناسب
اقل شي عندهم ستديو غرفه + مطبخ مجهز كامل + حمام
المساحه 46 متر الحجم وايد حلو ومناسب
موقعه على الخارطه
الرابط على اليوتيوب
http://www.booking.com/hotel/gb/gros...out_monthday=3
والامور الثانيه بجهزها لج واعطيج اياها ان شاء الله
حتى لو بغيتي فنادق ثانيه
والله غالي اسبوع ب 14 الف
بس راقي
المشاركة الأصلية كتبت بواسطة QDVC
بالعكس سعره حلووووو بالنسبه حق لندن وبالنسبه لمكانه ولأنه راقي
انا في شهر 9 ساكن في غروفنر هاوس 450 باوند الليله
في الصيف ماتصيده حتى 500 باوند
مرحبا اختي
الاماكن الي ممكن تزورينها بما انج اول مره تروحين لندن
1- الهايد بارك ( الصغير والكبير ) جنب بعض + القصر في الحديقه
اذا انتي من النوع الي تحبين تشوفين التحندي ههههههه
عليج بالهايدبارك يوم الاحد العصر يتجمعون ويتدخلون في السياسه وكلشي
المسيحي والمسلم واليهودي وغيرهم وايد يخربطون
2- هاردوز + محلات وشارع النايتس برج
3- شارع اكسفورد وشارع اديجول رود قريب من مكان السكن لج لو حجزتي
بنفس المكان الي قلت لج عنه
4- تقاطع اكسفورد سيركس
هو تقاطع يقطع بين شارع اكسفورد ويمينه شارع راقي جدا في نهايه الشارع هذا بيكاديلي
5- متحف مدام توسا ( متحف الشمع )
6- ساعه بغ بن + عيونه لندن او لندن أي جنب بعض ويكون مكانهم ورى البكاديلي
7- مجمع «ويستفيلد ستراتفورد».. أكبر مجمع تجاري في أوروبا, وجنب المجمع شبربوش بينهم شارع الله خلق وفرق ههههههههههه
8- قصر باكنغهام ( قصر ملكه بريطانيا )
يعني انا اشوف ذي اهم الاماكن
وبنزل لج خارطه بحدد لج عليها كل ها الاماكن عشان تعرفين الي جنب بعض وترتبين امورج
وبحط لج مكان الاوت لت وكل التقاصيل لو بغيتي تروحين
تسسلم غير البشر وماقصرت على المخطط الاكثر من روعه
فعلا الحين احس أن الاماكن ترتبت في المخ ^_^
...(( اللــهم اجــرني مـن مــوت الغـفـلــه , ولا تأخــذنـي من الدنــيـا الا وأنـت راض عــنـي ))...
العفو اختي
خارطه توضح هذه الاماكن على الخارطه
بكتب لج اساميهم حسب الارقام انجليزي عربي
1- مجمع ويستفيلد : Westfield London
2- شبربوش : Shepherd's Bush
3- محطه قطارات مارلي بون : Marylebone station
4- تقاطع اكسفورد : Oxford Circus
5- محل هاملز العاب اطفال : Hamleys Toy Shop London
6- بيكاديلي : Piccadilly
7- متحف الشمع : Madame Tussauds
8- عيون لندن لندن أي : London Eye
9- ساعه بغ بن : Big Ben, London
10- قصر باكنغهام الملكه اليزابيث : Buckingham Palace
11- هارودز : Harrods
12 بلغلط
13- موقع الفندق : Grosvenor House Apartments by Jumeirah Living
14- شارع اجوررود : edgware road
15- شارع اكسفورد : Oxford Street
16- الشارع من تقاطع اكسفورد الى البكاديلي
17- النايتس برج : Knightsbridge
الشوارع التجاريه في لندن :
1- شارع العرب او اجور رود :
فيه مطاعم عربيه وصيدليات وجمعيات وبعض المحلات ومعظمهم يتكلمون عربي
2- في بدايه شارع اجوررود يوجد تقاطع Marble Arch
وهو يفصل بين شارع اجورد رود والهايد بارك وشارع اكسفورد وشارع الباركلين
شارع الباركلين هو موقع فندق جميرا
3- شارع اكسفورد :
شارع حلو حق التمشي في جميع الاوقات
واهم المحلات الي فيه مجمج سيلفريدج ومحل بريمارك بضاعه كاجوال واسعار رخيصه ومحل الاطفار ديزني و زارا ودبنهامز
4- شارع اكسفور سيركس
وهو في نص شارع اكسفورد وهو يؤدي الى البيكاديلي
اهم المحلات فيه معظم الماركات موجوده + محل الاطفال هاملز
5- في نهايه شارع اكسفورد سيركس يوج البيكاديلي اهم محل فيه ام اند ام m&m
وبعض المطاعم والكوفيهات
6- شارع النايتس برج
يوجد في هذا الشارع هاردوز + وبعض الماركات العالميه + مطاعم + كوفيهات
الجدول ولج حريه التغير والتبديل حسب اماكن الخارطه وقربها من بعض
اليوم الاول : اكتشاف المنطقه
تطلعين من الفندق قدامج الهايدبارك تعبرين الشارع وتدخلين وفي مخارج على يسار الحديقه تطلعين منها على شارع النايتس برج
او تطلعين من الفندق تاخذين يمين تروحين اكسفورد واجور رود
اليوم الثاني : متحف الشمع مدام توسا + لندن أي + ساعه بغ بن + قصر باكنغهام
اليوم الثالث :مجمه ويستفيلد + شبربوش
اليوم الرابع :التوجه الى محطه مارلي بون الصبح والذهاب الى بيستر فيلج ( اوت لت )
اليوم الخامس : هارودز + النايتس برج + بيكاديلي
اليوم السادس : يوم حر تمشي في الهايدبارك واكسفورد والنايتس برج والبيكاديلي
اليوم السابع : مشتريات اي شي ناقصج مع تمشي
اليوم الثامن العوده
ماشاءالله كفيت ووفيت
طبعت الورقة وراح نمشي عليها ان شاءالله
مشكوووور
...(( اللــهم اجــرني مـن مــوت الغـفـلــه , ولا تأخــذنـي من الدنــيـا الا وأنـت راض عــنـي ))...
الاوت لت Bicester Village
ادخلي على هالرابط
يوجد عنوان الاوت لت + اوقات الدوام + تحت في الصفحه بتحصلين الماركات الموجوده هناك وجميع المحلات
http://www.outlet-malls.eu/shopping-...r-village.html
المسافه بالقطار تقريبا ساعه ونص
يطلع من محطه ماري ليبون LONDON MARYLEBONE
والمحطه خلف فندق لاند مارك لندن
ويوصلج الى مدينه Bicester Village
فيها محطتين
1- محطه بستر نورث BICESTER NORTH
2- محطه بستر تاون Bicester Town
نزلي في محطه بستر تاون اقرب لج حق الاوت لت رقم (2)
وحاولي تشوفين لج قطار دايركت افضل
خارطه لمدينه بستر تاون
و اي استفسار عندج انا حاضر
ضوابط المشاركة
رد مع اقتباس
