-
مشروع على القد
السلام عليكم
تركت التدريس من 6 سنوات و قاعده في البيت
فكرت أسوي لي مشروع
وما احب أشتغل في شي أنا ما أفهم فيه
وبما اني أصمم أزياء من أكثر من 25 سنه
ولي خبره بالخياطه و التصميم و الخامات
فكرت بخط أزياء و قلت باجيب خياطه فلبينيه ماستر و مساعدتين ومبدئيا باأجر شقه كبيره شوي
منها مشغل و منها سكن للخياطات
و التسويق عن طريق المعارض الصغيره اللي في الفلل أو الكترونيا
والحين وقفوا فيز الفلبينيات
على حظي
فقلت باشوف محل خياطه معروض للبيع أو للمشاركه وبابتدي المشروع
حد عنده راي ثاني أو فكره أحسن
يا ريت يفيدني
-
عضو نشط
مشاريع الخياطة والخياطين موسمية
وسوقها راكد في فترات مما يؤثر على كمية الربح
انصحك تشوفين مجال المواد الغذائية كاستيراد او سوبرماركت في موقع خالي منه
المشاريع الغذائية والملابس الجاهزة الرخيصة الثمن المستوردة من الصين سوقها ماشي فل خاصة لو تنازلتي شوي ومارفعتي سعرها كمحلات رامز مثلا ومحلات السعيد ارباحهم اليومية حسب خبيرة جدوى تقدر بعشرات الالاف
اعرف أشخاص يبحثون عن شريك لمحل حلويات وشكولاته لو تحبين اعطيك رقمهم
وبالتوفيق ان شاء الله
-
ما تقصرين الشيخه على مشاركتج
وانا معاج في اللي تقولينه
بس مسألة شي في أكل أو أستيراد صعبه حاليا بالنسبة لي
ومسألة الخياطه أنا معاج أنها موسميه لكن مش مثل الخياطة الرجاليه
و مجالي اللي راح أمشي فيه مش مجال خياطة مناسبات فقط
ولكن يتنوع ما بين اليومي و المناسبات و لكل الفئات العمريه
-
,
,
مرحبا
الفرق بين الانسان العادي والتاجر
هو ( التردد )
الي تفهمين فيه احسن من الي ما تعرفينه
اذا انتي حابه هذا المجال
توكلي على الله
تحسسي طريق ( المربحه ) في وين !! وخلي البدايه بسيطه قدر المستطاع
وطوري في المشروع على حسب الظروف
وحسب متطلبات السوق
شوفي السوق شنو يبي وقدمي له المحتاجه الزبون
وما بتعرفين هذا الشي حتى تدخلين السوق فعليا
الحركه ( بركه )
غير الربح والخساره
الانسان ( يرضي نفسه ) اذا اتخذ قرار دخول التجاره
يقدم شي وله دور في هذا المجتمع
انا اشجع الجميع بالحركه
بخطوات مدروسه و ( تكلفه ) محسوبه
والتوفيق من الله
,
,
اخوك
شموخ دائم
التعديل الأخير تم بواسطة شموخ دائم ; 04-04-2013 الساعة 11:07 AM
-
مشكور أخوي ما تقصر على تشجيعك
و أن شاء الله راح أبتدي قريب و على القد مبدئيا
وأن شاء الله اللي فيه الخير ربك ييسره
-
اختي مشاريع تصميم الأزياء من ضمن المشاريع الناجحة والمربحه
في البداية ابتدي مع خياطات من الفلبين وروحي محلات السد عند
اي مصمم فلبيني وأعطيه مبلغ مقابل انه يعلمهم قص و خياطة الموديلات
الصعبه وشوي شوي راح يطور المحل وإذا شفتي المشروع مشى جيبي
مصمم او مصممه راقيه من لبنان
وبالتوفيق
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس
