>>>>>>>>>>>> أحسن صالون نسائي ؟ <<<<<<<<<<<

[عليان]

ما هو أفضل صالون نسائي بقطر من حيث الحمامات والمساجات والعناية بالبشرة ..... بصراحة زوجتي وأبغي أسوي لها جدول استرخاء وعناية كاملة ؟؟؟؟؟؟؟؟؟؟

[قطريه22]

السبا الي في الفنادق احلى شي

يمدحون شرق

ماتلاقي صالون فيه كل شي عدل مستحيله

[للصبر اخر]

المشاطه

[عليان]

يمكن حلوين بس بعاد عن بيتي .... ! أبغي شي راقي وحمامات مغربية مثلاً ومساج وكل هالإمور الزينة بس قريب على الأقل جهة الغرافة أو الدحيل أو هالمناطق مثلاً

[sara jsm]

صالون في فيلاجيو صوب المطاعم ,,
المكان مرييييييييح والشغل راقي ,, بس مب متذكره اسمه ,,

[عليان]

مشكورين خواتي لكن بعيد عني والتزام وعضوية ما ينفع .... لو حد يفيدني أكون شاكر له بصراحة .

[قطريه22]

مشكورين خواتي لكن بعيد عني والتزام وعضوية ما ينفع .... لو حد يفيدني أكون شاكر له بصراحة .

اخوي هي بتروح هالمكان مره وحده تكفيها كل شهر اما اذا تقصد انك تبيها تستمر في مكان معين مايصير لان الحمام المغربي مايصير الا على الاقل كل اسبوعين وتنظيف البشره مره في الشهر حتى العنايه بالاظافر مره في الشهر

في صالون كنت اتعامل معاه اسمه كلاود ناين مقابل قاعة المعارض عندهم حمامات حلوه والمساج وتنظيف البشره حلو وحتى العنايه بالاظافر
الحمامات تبدأ من 500 وفوق
الاظافر 200 وشي
المساج على حسب
وتنظيف البشره من 500

[العلم]

الله يوفقك في مطلبك ..
لو اعرف شيء كان قلت لك .. بس هذا اللي اقدر عليه ..

[بصمة قطرية]

وايد مدحوا لي اللي في فيلاجيو ..
و اللي في ويندام بعد ..

[حراير قطر]

تنظيف بشرة

عندك على ما اظن اسمه بيلور

بيكون مقابل الاند على يمينك وانت رايح صوب دوار دحل الحمام ...

وعندك في ال ال سي هذا على الشارع

اللي وانتي جاي من دوار الشمال ورايح صوب دوار الريفييرا

بتلقاه فيلا على اليمين بالزاويه ...

حمام مغربي يفضل اتسويه في البيت بنفسها

والادوات بتلقاها في نزيه ...

واذا تبي صالون خلها اتروح ليال اللي بالغرافه عند دوار المايل ....

اما المساجات وهالسوالف مالك الا الفنادق ...

وموفقين