ماشاءالله تبارك الرحمن
بداية موفقه
ماشاءالله تبارك الرحمن
بداية موفقه
سيحان الله والحمدالله ولا اله الا الله والله اكبر ... حسبي الله ونعم الوكيل على كل ظالم
ما شاء الله
منزل مبارك انشاء الله
( حسنات عظيمة إن شاء الله فى أربع كلمات )
سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ
عَنْ أَبِى هُرَيْرَةَ قَالَ قَالَ رَسُولُ اللَّهِ - صلى الله عليه وسلم - « كَلِمَتَانِ خَفِيفَتَانِ عَلَى اللِّسَانِ ، ثَقِيلَتَانِ فِى الْمِيزَانِ ، حَبِيبَتَانِ إِلَى الرَّحْمَنِ سُبْحَانَ اللَّهِ وَبِحَمْدِهِ ، سُبْحَانَ اللَّهِ الْعَظِيمِ
بالعكس يا اخوي مصانع الحديد في أمريكا خصوصاً المغلف منه تنتجه وبكثره ويستعمل من قبل لنعرفه من عشرات السنين.
بس الحديد المغلف له طريقة تربيط خاصة ولازم ينعقف في الأخير على شكل حرف اليو بالإنجليزي حتى يثبت عدل، وطول الجزء المغموس في الخرسانة في المنطقة قليلة أو معدومة العزم والأحمال الرأسية يكون شوي أكثر من العادي .. بإختصار له حسابات خاصة، وإستشاريينا الأفاضل يعاملون الحديد كله كحديد معزول أو مغلف وأكثر .. يعني تستخدم حديد مغلف وحتى تقلل منه وحتى ما تبالغ في تطويل أو لف الأطراف للتثبيت بعد انت بتكون في منطقة الأمان.
وطبعاً الأمان الأكبر هو حصولك على بنيان يعمر كثير، لأن الرطوبة تدخل على الخرسانة مهما كانت الإحتياطات في المستقبل، وأي عازل ما يطول حتى 15 أو 20 سنه بالكثير، فكيف بصبغة بتومين تزول بسهولة قبل هالفترة، ويبدأ الحديد في الصدأ، ويحصل ما يسمى بالنزيف وتتكسر الخرسانة حول الحديد ويكون الحديد بفائدة عكسية.
هذا حاصل حتى في جسورنا وفي الحماية لدفان الجسور، وشوف بعض الحمايات بدت تضعف وتميل ولو بدرجات غير ملاحظة ويتشقق الشارع من فوق.
شفت من أيام حائط خرساني حماية مصدوم ومتكسر وطالع منه الحديد المصدي وفي شارع ما له 3 سنوات من خلص .. بالضبط ورا تقاطع سالمين السويدي على اليمين في هذي المنطقة إلى تقاطع عيادة الجيش مب متأكد من الموقع بالضبط .. وهذي الحوائط تصب بخرسانة مدروسة ومقواة لتتحمل الصدمات حتى من أكبر السيارات ولا تتكسر ولا تتفتت ويطلع لنا حديد مصدي والسبب ناس يفكرون بالغلط ولا عندهم مبررات ل " ليش فشل هذا التدعيم والتسليح وتشلخت الخرسانة " .. معليش نقطة مهمة حبيت أوضحها للكل وسامحوني على الإطالة أو عدم الوضوح.
إنتبه لتغليف الأساسات بعد صبغها بالبتومين ومهم الصبغ يكون زين .. خلهم يغلفونها بنايلون سميك ويدفنون حوله بدفان زين ما فيه حصى كبار تشقق النايلون، ولو كان النايلون مب مكتوب في المواصفات روح إشتره وعطه العمال يلفون به أي خرسانة تحت الأرض .. قيمته شيء تافه ويستخسرونه المقاولين يجيبون نوع رقيق ورخيص .. مره شريت لعزل حوض زراعي طلع علي رول كبير ب 35 ريال، وثقيل وغطى مساحة كبيرة .. يعني يمكن رول واحد يكفي لكل أساسات البيت.
شيء ثاني مهم شرحته قبل بالرسم اللي هو إتصال طابوق الوارش بصبية السقف، واللي لازم تنعمل جلسة للطابوق مرتفعة حول 10 أو 15 سم علشان ما يستوي شلخ بالعرض في هالمكان من التغييرات الحرارية ومن ضغط صبية العازل على حايط السقف.
وفالك التوفيق إن شاء الله.
معماري معلومات ولا اروع منها وفعلا الاخوان المهندسين فيهم جهل في اهم النقاط او ابسط النقاط الخاصة بالخرسانات مثل ماتفضلت
اسعدني مرورك الغالي يا غالي
بالتوفيق أخوي بوجمال ..
✨سبحان الله وبحمده✨سبحان الله العظيم✨
ليش ما سويت عازل بالبيتومين قبل صب الاساسات !