ربي يسلمك معماري وانت تخبر البلاط وشريته وجاي بالطريق والباقي عندي مهندس صديق بيكمل الموضوع عقبي اذا سافرت وهو عارف انا شنو ابي اسويالمشاركة الأصلية كتبت بواسطة معماري قطري
|
ربي يسلمك معماري وانت تخبر البلاط وشريته وجاي بالطريق والباقي عندي مهندس صديق بيكمل الموضوع عقبي اذا سافرت وهو عارف انا شنو ابي اسوي
مساكم الله بالخير جميع
اليوم ومع كم صوره لاخر الاعمال الي تمت والحمد لله ... انتهيت من صب سقف البينتهاوس والوارش فوق وصراحه طلع شكل الوارش ماعليه كلام لايبيله بلاستر ولاشي صبغ واخلص
مع بعض ومع كم صوره جديده للي تم عمله
هنا وصول سيارة ضخ الكونكريت لسقف البينتهاوس
والحمد لله تم صب الخرسانه وكل شي على مايرام ... هنا نشوف غرفه المصعد فوق والخرسانه
صوره من اعلى البينتهاوس
هنا بعد ازالة الخشب من الاجناب للسقف فقط ورفع الطابوق للأعلى
وهنا ازالة خشب الوارش
صوره مقربه ( زووم )
وهنا النتيجة الناهية للوارش
انتهينا اليوم ونلتقي مع صوره جديده قريبا ان شاء الله
ما شاء الله البنيان نظيف خصوصاً الخرسانات
اللي يخوفني بس هو طريقة البناء بالتحميل على الطابوق وضغط الخرسانة عليه .. الخوف من شلوخ مستقبلية بسبب هذي الضغوطات .
الشكل طلع بعد حلو بس كان بيطلع أحلى لو كانت دكتات التصريف داخلية أو البايبات في الحائط.
الله يوفقك أذكر كنت متردد عن المصعد وزين جهزت له ولو تركبه أول بأول بيكون أحسن لك بكثير وأحسن لي بعد انا باضمن شوية تأخير
هشكل تحطني تحت الضغط .. انا قلت زين بيسافر وباكسب شهر
ههههه لا شكلك قمت تحاتي من قلب يارجال المهم اخلص واسكن انا او انت ترى ماراحت بعيدهشكل تحطني تحت الضغط .. انا قلت زين بيسافر وباكسب شهر
مساك الله بالخير يامهندسنا القدير
توجيهاتك لأخواني وأخواتي الأعضاء ماتمر علي مرور الكرام ، وجزاك الله عنا كل خير
ممكن تشرح لي الفقره اللي اقتبستها فوق ولا عليك أمر
لأن اللي اعرفه لو كانت الدكتات داخليه راح تبين من داخل البيت وراح يكون شكلها أسوء من الخارجي ، نفس بعض الفنادق على سبيل المثل
الشي الثاني شلون البايبات في الحائط ؟ هالبايبات أحجامها كبيره ، والحائط كل اللي فيه 20 سم ومانقدر ناخذ إلا 10 سم
وضح لنا وجهة نظرك طال عمرك
الله يديم مساك وصباحك بالنور والسرور إخوي راعي مواجيب
المقاولين يا اخوي أسهل لهم وايد يمددون البايبات وبعدين اللي تحتاج عزل مثل بايبات الماي النحاسية يعزلونها قبل .. وبايبات البي بي آر ما تحتاج عزل وتكون محمية أكثر داخل الحائط وكذلك بايبات الصرف البلاستيكية .. وهذي بلاستيك مخلوط بطمي اللي هو الطين صغير الحبات وتؤثر فيها الشمس تأثير بسيط جداً ولو كانت مخفية في الحائط ما عليها مشكلة الا من الإنسداد.
ولو حبيت تسوي مثلاً الحائط 40 سم حق تمرر هذي البايبات تقدر تسوي الجزء اللي صوب الحمام والباقي تخليه 20 .. ولو كنت مفضل الدكت وتفضل تكون تنفتح للصيانة أو التغيير أو الكشف تقدر تسوي الدكت داخلية من فوق لتحت والأماكن اللي تبيها تنفتح تغطيها بمارين بلايوود وعليه تركب بلاط بس تحتاج زوايا ألمنيوم تثبت عليها براغي بعد تكون ستانلس ستيل ما تصدي .. وبالعكس الدكت الداخلية حتى تقدر تسويها بعرض البانيو أو تسوي جنبها أرفف وما تبين بشكل سلبي مثل برا تكون كأنها إضافة عشوائية على حائط سيدة نظيف .. ويبقى عندك الحل الأخير تخلي البايبات خارجية بالكامل بدون دكت مكشوفة وتنصبغ بصبغ البيت ومن رأيي شكلها يكون مقبول أكثر من الشكل المضاف أو الجي آر سي اللي تعشش داخله الطيور.
انا عندي سويت الدكتات الداخلية حق كم مبنى وسويت البايبات في جزء حائط 15 سم بس تم صب خرسانة حولها وصارت جزء من الحائط ولو بيكون فيه حاجة للتغيير بيتم عمل البايبات خارجية .. جزء الحائط ال 15 سم هو طابوق طيني خارجي ويجي عازل حراري 5 سم وبعده طابوق عادي 20 سم بس حتى بدون العازل وبدون الطابوق الداخلي يصير تمديد هذي البايبات في 15 سم.
الله يديم سرورك طال عمرك
كلامك ممتاز ولا عليه غبار
بس تدري ، دايما اللي يبني يبحث عن الحلول اللي مافيها تعقيد ويكون ملم بها
عساك ذخر وبيض الله وجهك
تبي الصراحة الحل الأسهل كلها خارجية وتنصبغ وشكلها يكون مقبول أكثر من الدكت الخارجي
البيوت هنيه في أمريكا حتى بايب مياه المطر حديد مربع وواصل للأرض ومصبوغ بني وشكله متناسب مع خطوط البناء .. باصور إن شاء الله لو ما نسيت وحصلت فرصة.
بوجمال وين وصل بيتك ؟
ضوابط المشاركة
رد مع اقتباس
