بناء منزل العمر خطوه بخطوه بالصور (متجدد)

[معماري قطري]

ليش ما سويت عازل بالبيتومين قبل صب الاساسات !

إسمح لي بالجواب

يصير بس تعتبر مبالغة لأن خرسانة النظافة تعتبر غير أساسية ويجي فوقها النايلون اللي المفروض يكون سميك كفاية يحمي أسفل القواعد، لكن لو حبينا نسوي عزل قوي نحط عازل الماي 4 ملم الرول الأسود وفيه منه نوعيات غالية، وبعدين نشبكه مع رول مثله على الجوانب بعد الصب، وتحت الرول نصبغ خرسانة النظافة بتومين ونحط بعد نايلون ونغلف الأساسات بالنايلون بعد رول العازل لحماية العازل.

بس أكيد المبالغات في العزل تكون مكلفة وغير مجدية ويفترض تنعمل للمشاريع الكبيرة والحيوية، وللقصور الفاخرة لضمان عمر إفتراضي أطول بكثير من المعتاد.

[ابو جمال]

مسموح يا معماري قطري خذ راحتك على الاخر وربي يجزيك خير على ردودك هذي والي فيها فائده للاخوان بشكل عام

[ابو جمال]

المقاول هذا صراحه مب طبيعي فاجئني انه يوم الجمعه كان شغال ولا قالي هو خبرني قبل انه بيشتغل ايام الجمعه بس قلت كلام بس صراحه فاجائني واليوم ( السبت ) صب العمدان الي فوق القواعد وجاري التجهيز للدفان المرحله الاولى انا للحين مارحت شفت الصب ولين اروح بصور المكان وبنزل الصور ان شاء الله

هذا وين كان مختفي المقاول ههههههههههههه الله يثبته على الهمه هذي

[معماري قطري]

اليوم وأمس حلو الجو للشغل ولصب الخرسانات .. الله يوفقك ويوفق مقاولك .. مبين الشغل نظيف والموقع مرتب.. فضول بس نبي نعرف من المقاول إذا ممكن.

[ابوعلي]

الله يبارك لك اخوي والله يجعله بيت عامر

وان شاء الله الأخوان في هالقسم مايقصرون في الاستشارة

[ROSE]

ما شاء الله تبارك الرحمن بيت عامر ان شاء الله ومنزل مبارك

بانتظار باقي الصور والله يواليك العافية يارب

[ابو جمال]

اليوم وأمس حلو الجو للشغل ولصب الخرسانات .. الله يوفقك ويوفق مقاولك .. مبين الشغل نظيف والموقع مرتب.. فضول بس نبي نعرف من المقاول إذا ممكن.

اي والله انك صادق توني جاي من البيت والجو ماله حل على قولتهم .... المقاول انا حاط لوحته في اول الموضوع والرجال افغاني اسمه محمد رفيق من ربع المقاول وارث وهو الي عرفني عليه بس ماشفت مثله اي شي تقوله تبي تسويه يرد عليك سويته بدون ماتقول . الحمد لله توفقت فيه

[ابو جمال]

الله يبارك لك اخوي والله يجعله بيت عامر

وان شاء الله الأخوان في هالقسم مايقصرون في الاستشارة

مرحبا بو علي جزاك الله خير على الدعوه الطيبه من شخصك الطيب

[ابو جمال]

ما شاء الله تبارك الرحمن بيت عامر ان شاء الله ومنزل مبارك

بانتظار باقي الصور والله يواليك العافية يارب

مرحبا بأختننا روز شكرا على المرور والدعوه الطيبه والصور دقايق وتنزل بس كم صوره لصب الخرسانه اليوم

[بن غيث]

المقاول هذا صراحه مب طبيعي فاجئني انه يوم الجمعه كان شغال ولا قالي هو خبرني قبل انه بيشتغل ايام الجمعه بس قلت كلام بس صراحه فاجائني واليوم ( السبت ) صب العمدان الي فوق القواعد وجاري التجهيز للدفان المرحله الاولى انا للحين مارحت شفت الصب ولين اروح بصور المكان وبنزل الصور ان شاء الله

هذا وين كان مختفي المقاول ههههههههههههه الله يثبته على الهمه هذي

في مصلحة المقاول أنه يخلص شغله بأسرع من الوقت المتفق عليه ..