وعليكم السلام ورحمة الله وبركاته ،،المشاركة الأصلية كتبت بواسطة راعي الاصفر
ربي يسلمك اخوي ، بخصوص استيراد اي بضاعه من الخارج يتوجب
تسجيل ( مؤسسه او شركتك ) في قطر لدى جمارك قطر وتحصل على كود
( رقم قيد خاص من جمارك قطر ) بموجب النشاط المقيد في سجلك التجاري
وصوره من الرخصه التجاريه وصوره من قيد المنشأه .
* لازم توافر المستندات وحسب النشاط تقدر تستورد البضاعه ..
" اللَّهُمَّ اكْفِنِي بِحَلَالِكَ عَنْ حَرَامِكَ ، وَأَغْنِنِي بِفَضْلِكَ عَمَّنْ سِوَاكَ "
السلام عليكم اخوي رحال
و يعطيك العافية على مجهودك الواضح
عندي صديقة قطرية حابة تستفسرعن انه هل يصير اتطلع ترخيص لكشك متنقل او كشك خارجي .
و سؤال ثاني بخصوص المكاتب اللي بالابراج اللي بتتاجر بالغرفة shared office هل يمكن ان نتطلع عليها ترخيص ?
و هل يمكن لمكتب واحد يمارس فيه اكثر من نشاط مثلا نشاط وساطة عقارية و نشاط شركة توظيف
و شكرا لك
وعليكم السلام ورحمة الله وبركاته ،،
اهلين اختي ام هشام والله يعافيك ويوفقك دوم والجميع ..
اولاً : بخصوص الكشك بيكون الترخيص من جهة الموقع المول او غيره اللي عندهم
أكشاك وبيعطوك عقد ايجار وموافقه .
اما اذا قصدك نفس المطاعم فهذا موضوع ثاني ( مطاعم متنقله ) بتحتاج موافقه رسميه
( استثناء ) من وزارة الاقتصاد والتجاره .
ثانياً : المكاتب فالابراج ( shared office ) نعم يصير بشروط معينه ،
هذا باب رزقي تواصلي معاي وارخص لك ...
ثالثاً : ممارسة نشاطين يعتمد هل تقصدين بسجل واحد او سجلات مختلفه .. ؟
بعض الجهات تشترط يكون نشاطها منفرد دون مزاولة نشاط اخر ..
للتواصل : 33066636
" اللَّهُمَّ اكْفِنِي بِحَلَالِكَ عَنْ حَرَامِكَ ، وَأَغْنِنِي بِفَضْلِكَ عَمَّنْ سِوَاكَ "
السلام عليكم ورحمة الله وبركاته ،،
" ندرك أهمية الاستشاره في تأسيس الأعمال التجاريه بعد التوكل على الله عز وجل ..
والخطوه الاولى تبدأ من عندنا .. شخصياً يشرفني خدمتكم بتأسيس واستخراج السجل
والرخص التجاريه بأنواعها .. جديد او تجديد "
اتصل وفالك طيب
اخوكم : رحال الدوحه
للتواصل : 33066636
" اللَّهُمَّ اكْفِنِي بِحَلَالِكَ عَنْ حَرَامِكَ ، وَأَغْنِنِي بِفَضْلِكَ عَمَّنْ سِوَاكَ "
اللَّهُمَّ اكْفِنِي بِحَلَالِكَ عَنْ حَرَامِكَ ، وَأَغْنِنِي بِفَضْلِكَ عَمَّنْ سِوَاكَ
" اللَّهُمَّ اكْفِنِي بِحَلَالِكَ عَنْ حَرَامِكَ ، وَأَغْنِنِي بِفَضْلِكَ عَمَّنْ سِوَاكَ "
يعطيك العافية ماقصرت , في ميزان حسناتك هالمجهود الطيب
بغيت سؤال اخوي رحال ,
في حال تحويل شركة ذات مسؤولية محدودة بشخص واحد الى مسؤولية محدودة بأكثر من شخص ,
وش هي الاجراءات القانونية , من الاوراق المطلوبة و الرسوم والموافقات المتعلقة بالتحويل ,
والجهة المختصة بهالشيء ؟
وجزاك الله خير
يعطيك العافية عالمجهود اخوي
عندي سؤالين لو تكرمت
عندي منتج طبي وبغيت ابيعه في الصيدليات، هل احتاج سجل تجاري ؟
لانه اذا صار عليه طلب بضطر اطلب كميات مثلا.
والسؤال الثاني بغيت استورد نوع الشوكولاته وابيعه عن طريق الانستا في البداية
نفس الشي يمكن اطلب كميات اكبر، هل احتاج لسجل ؟
تجربتي مع الشركات العربية لإنشاء موقع الكتروني .. ادخل واستفيد
http://www.qatarshares.com/vb/showth...67#post7271967
وعليكم السلام ورحمة الله وبركاته ،،
هلا اخوي يوسف ، الله يعافيك ويسلمك وجزاك مثله كل خير..
بخصوص تحويل شركة الشخص الواحد الى شركة ذات مسوؤليه محدوده
( شركاء ) تسوي عقد مبايعه باسم الشركاء الجدد وتحديد نسبهم مع اضافة
اسمك .
وبموجب عقد المبايعه يتم استخراج سجل تجاري جديد ومطلوب حضور الشركاء للتوقيع
عند موظف التوثيق والمطلوب صور البطاقات وصورة السجل التجاري ..
واذا تحب مكتبنا ( شركة ادنوك قطر - فالغرافه ) نخلصك الموضوع ان شاء الله
* اتصل وفالك طيب - جوال - 33066636
" اللَّهُمَّ اكْفِنِي بِحَلَالِكَ عَنْ حَرَامِكَ ، وَأَغْنِنِي بِفَضْلِكَ عَمَّنْ سِوَاكَ "
وعليكم السلام ورحمة الله وبركاته ،،
هلا بك اخوي واشكرك عالمشاركه والدعاء الطيب
جزاك الله كل خير والجميع ..
بخصوص سؤالك يالطيب عن بيع منتج ( صيدلي ) اتوقع الصيدليات
ما يشترون منتجات الا من شركات وشهادات معتمده ، ونفس ما تفضلت الله يزيدك اذا اطلبوا
كميات اكبر راح تطلع لك سجل تجاري ..
في حالة استيراد اي منتج لازم يكون عندك
( السجل التجاري + الرخصه التجاريه + قيد المنشأة )
وبموجب هالمستندات تسجل في نظام ( جمارك قطر ) ويعطونك كود ( رقم ) خاص بنظام جمارك قطر
وتدخل بضاعتك وتسوقها وتعلن عنها بجميع الوسائل ومواقع التواصل الاجتماعي .
هالاجراءات تنطبق على جميع المنتجات والبضايع ، تستورد بموجب السجل والرخصه التجاريه ، اما موضوع الانستا ( الانستغرام ) ما عندي معلومات وافيه ..
اتمنى قدرت افيدك بالمعلومات واي خدمه انا حاضر لك وللجميع ..
* للتواصل : 33066636
" اللَّهُمَّ اكْفِنِي بِحَلَالِكَ عَنْ حَرَامِكَ ، وَأَغْنِنِي بِفَضْلِكَ عَمَّنْ سِوَاكَ "
يعطيك الف عافية أخوي رحال ,
ماتقصر الغالي , لكن سؤالي كان منطلق من بحث طلبه دكتور الجامعة ( قانون التجاري ) نبحث عن الاجراءات القانونية , وحصلت موضوعك هذا واستفدت منه
سؤال أخير واسف على الاطالة , ولو افترضنا العكس لو بغيت احول من شركة ذات مسؤولية محدوده ( شركاء ) الى شخص واحد ؟
ضوابط المشاركة
رد مع اقتباس