|
المشاركة الأصلية كتبت بواسطة حسن
.. فــي قلبــي ..
إبتســامة طفــل .. ومكاناً يســع الجميــع .. وخانــة اسمــها قضاء حوائـــج النــاس ..
.
ردود محبطه
الميل للنساء غريزه فطريه في الرجال الطبيعيين .....ماتكلم عن المحاربين للتعدد لانهم مرضى بــ (البرود)
هالغريزه سبحان الله وضعت في الرجل لكنها لصالحنا كنساء بالمقام الاول سواء كنا زوجه اولى او رابعه....
نكون صريحين الوحده بعد عشر سنوات عجاف من الزواج تستهلك الكثير من صحتها الجسديه والنفسيه بالحمل والولاده والسهر والتربيه والوظيفه ان وجدت ...تذبل ...وتقل عندها الرغبه لشريكها ..والرجل بطبيعته اكثر طاقه جنسيه من المرأه ....كيف يفرغها ؟؟؟
واليوم الفتن تحيط به حتى في مكان عمله ....
هنيه يأتي دور الزوجه الثانيه ( الجديده) الاكثر رغبه واصغر عمرآ تشبع رغباته وبالمقابل يلبي رغباتهاكامرأه للعاطفه والأمومه .....ولا يلجأ للحرام ؟
انتي كزوجه اولى ليش ماتحتوينه وتضحين بالقليل من الغيره وترضين له بزوجه بالحلال
طالما تحبينه ليش ترضين له بالحرام ؟
قانون الله يقول ( مثنى وثلاث ورباع .....وقانون الزوجه الآولى يقول : أنا أكفي والباقي
بالحرام .....!) أي انانيه ....أي غباء وجهل في زوجه تعارض رخصه منحها الله للرجل
وتحرمها عليه وتظلمه حقوقه بسبب الغيره
وقدرنا احنا نظل بسجنا لين نموت من الوحده
وشهد شاهدٌ من أهله ..
عزيزتي تحداني ..
حبايبي انتوا الله يرضى عليكم
الزواج من الثانيه لما يكون على احتياج شكلي ترفضه الزوجه الاولى
وحدة من اسباب الثورة العارمة لاي مراة زوجها يتزوج عليها .. انها تعتبر ان زوجها ملك خاص .. وان الزواج من ثانية شأن موب خاص فيه
في حين ان الزواج مثنى وثلاث ورباع شأن خاص بالرجل .. هو يقرره والمراة يخصها فيه العدل بس .. مالها خص بشي ثاني الا لما تظلم او تهان او لما يقصر في شؤون معيشتها وسلوكه معاها. لذلك نشوف ردود الافعال القوية اللي توصل للانفصال العاطفي والطلاق في حالات كثيرة.
في حين هي بعد لها كيانها الخاص لكن ثقافتنا النسوية ان المراة لازم اتضحي !
موب مجبورة اضحي .. اتنازل ايه .. لكن مادوس نفسي باسم التضحية وماتلقى هالتضحية من يقدرها .. لذلك نتفق من البداية على ان كل من الزوجين له كيانه الخاص .. تعطي توزان للحياة بين طرفين بلا ضرر ولا ضرار.
اما لما يكون الاحتياج على اساس احتاج انسانه تفهمني تهتم فيني تدلعني تعطيني من وقتها من اهتمامها من هواياتي من رجولتي من الامور المعنويه الي ما ودي اجرح فيها الاولى لكن لقيتها في الثانيه اعتقد هنا " الزوجه الاولى يمكن ترفضه " لكن الاكثر " الزوجه الثانيه تستوعبه " لما تكون تغليبه هي الثانيه او تحداني الزمن هي الثانيه
الان بصمعه قطريه في وضع لا يحسد عليه
وتغليبه وتحداني الزمن مرحبين بفكره الزواج الثاني لو كانوا زوجات لهم لان اسباب عريس الغفله منطقيه واحتياجهم انساني
هالنوع من الاحتياج تجد له الزوجه الثانيه مبررات .. بل تستطيع تقبله ..
بل ترى في نفسها نوع من الطمأنينه انني لست السبب في هدم حياه الأولى ..
لان حاجه الرجل توافقت مع ما املك
امممم .. ماتشوفين انج حكمتي على احتياج الرجل بدون الوقوف على احتياج المراة؟
اعرف وحدة تزوجت كمراة ثانية ...وكان احتياج زوجها الدلع الشديد والرعاية والاهتمام لدرجة انه وده تلقمه اللقمة.
في حين ان هذا موب احتياجها وموب فاضيه له اصلا ربت على انها مكافحة في الحياة .. هي تبي من يشيلها ويعوضها حرمان السنين وهو يبي من يشيله ويهتم فيه ... فكان الخلع وللاسف !!!!
ترا في حالات مايكون الزواج الثاني هو اللي يناسب البنت العزباء .. احتمال الثالث او الرابع هو اللي يناسبها!! والعكس بالنسبة للارامل والمطلقات .
نقطه الاعتراض على الاحتياج بالنسبه لي لما تتحول الفكره الاساسيه من الزواج من الثانيه
ان الرجل يطرق ابواب العشرينيه .. بمعنى يذهب بأحلامه وبرغباته لدى الــ 18 والــ 19 .. والــ 20 .. هنا اشوفها فكره فيها نوع من الغصه لمن لم يجدوا نصيبهم اي ذوات العمر الــ 30 والــ 35
ترى البنت الصغيرة عند البعض "احتيـــاج" .. فطرة جعلها الله فيهم
في حين تلقين شاب عمره 25 سنة .. وتوه معرس يعني مامرت سنة ونص على زواجه ..
كان احتياجه في مراة ثانية اكبر منه واكثر نضجاً تستوعبه وتدعمه موب بزر عمرها 18 سنة يتطلب رعايته والاهتمام بها كطفلة !
جملك الله برضاه
يبقون مخلوقات مهما سعينا لفهمها .. بنتعب
صراحة بعض البنات في رغبتهم بالزواج .......على حله
فيها بريق
الله عزوجل أيضا جبل المرأه على العاطفه والغيره خاصة في أمور التعدد
ولكني منبهر جدا من انك لم تغلب عليك العاطفه في مثل هذا الموضوع بل
رأيك متوافق مع الشرع وبعيد كل البعد عن تقديم الدنيا على الدين
وكل ذلك دل على رجاحة عقلك وحكمتك
ماشاء الله تبارك الله والله يكملك بعقلك ودينك *
يااااااارب
في هاليوم و هالوقت أدعوك إن ترزق إختي بريق الماسه بالزوج الصالح
ياااااارب ..
الله يرزقج بالزوج الصالح و يوفقج .،
و إن شاء الله بعدها أشوف ردج على هالموضوع ،،
و أشوف تضحيتج و قبولج بزوجة ثانية لزوجج ..
يعني يا ترضى الزوجة الأولى بزوجة ثانية
و لا حددتي كلامج بأنها إذا ما رضت بهالشي يعني
ترضى له بالحراااام . ......!!!!!
الحاااال ،،
و الأقدار ،،
والرزق مكتوب ،،
و ما جابته الأيام ..
لا شك خيره ~
استغربت من بعض ردود الاعضاء يسال اذا خذ مطلقه يحقله ارض !!
الله اعلم بنية كل شخص ، ولكن من بعض الحالات اللي شفتها فيهم من يستغل انها مطلقه وياخذها زوجه ثانيه واذا سألته وين العدل ؟ كان رده احمدي ربج اني ماخذج وانتي مطلقه!!
نصيحة لوجه الله لكل رجل بيتزوج الثانيه تذكر انك بتتحاسب يوم القيامه ولازم تعدل مهما كانت ظروفها ومستواها المادي
التعديل الأخير تم بواسطة طبيب قطري ; 01-06-2013 الساعة 01:19 AM
اللهم إني أعوذ بك من العجز والكسل والجبن والبخل والهرم ، وعذاب القبر . اللهم أتي نفسي تقواها وزكها أنت خير من زكَّها ، أنت وليها ومولاها .
اللهم إني أعوذ بك من علم لا ينفع ومن قلب لا يخشع ومن نفس لا تشبع ومن دعوة لا يستجاب لها .
اللهم أغفر لي خطيئتي وجهلي وإسرافي في أمري ، ما أنت أعلم به مني . اللهم اغفر لي هزلي وجدي ، وخطئي وعمدي وكل ذلك عندي .
اللهم إني أعوذ بك من غلبة الدَّين ، وغلبة العدوِّ ، وشمائة الأعداء
ضوابط المشاركة
رد مع اقتباس
