وشهد شاهدٌ من أهله ..المشاركة الأصلية كتبت بواسطة النهار
|
وشهد شاهدٌ من أهله ..
الحاااال ،،
و الأقدار ،،
والرزق مكتوب ،،
و ما جابته الأيام ..
لا شك خيره ~
الرجال قدرات و من الغلط انعمم على الاغلب من الرجال
الاغلب من الرجال يستطيع ان يتزوج اكثر من واحدة جسمانياً و الشرط الوحيد هو العدل فقط لا غير و الا لما وجدت السيل العارم من الرجال يبدي رغبته في التعدد لولا الخوف من فقدان زوجته الاولى اولاً و ابنائه ثانياً اما لا يعير ابنائه اي اهتمام فهو يعدد و لا يلقي لهم بالاً
في زمننا الحالي
تعتقد من السهل ان يعدل الرجل بين زوجاته ..
زمن اللامبالاة والإتكالية من الأغلبية من الرجال ..
كثير من الرجال ما يعرف شي عن عياله و مدارسهم
و لو تزوج الثانية راح ينساهم ...!!!
الحاااال ،،
و الأقدار ،،
والرزق مكتوب ،،
و ما جابته الأيام ..
لا شك خيره ~
يا عمري أنتي ياتحداني ..
انا قبل كنت اقول مثلج ....
بس على قد ماشفت وسمعت ورايت وقريت ... احوال رجال تغيرت وهم اللي نضرب فيهم مثال الصلاح والتكانة .....
اكتشفت ان مسألة الزواج الثاني بالنسبة للرجل هي فعـلاً فعـلاً فعـلاً ... "احتيــــاج "حبيبتي تغلبية
متأكدة إنها " إحتياج " ...!!!؟
لا يسمعونج
حبايبي انتوا الله يرضى عليكم
الزواج من الثانيه لما يكون على احتياج شكلي ترفضه الزوجه الاولى
اما لما يكون الاحتياج على اساس احتاج انسانه تفهمني تهتم فيني تدلعني تعطيني من وقتها من اهتمامها من هواياتي من رجولتي من الامور المعنويه الي ما ودي اجرح فيها الاولى لكن لقيتها في الثانيه اعتقد هنا " الزوجه الاولى يمكن ترفضه " لكن الاكثر " الزوجه الثانيه تستوعبه " لما تكون تغليبه هي الثانيه او تحداني الزمن هي الثانيه
الان بصمعه قطريه في وضع لا يحسد عليه
وتغليبه وتحداني الزمن مرحبين بفكره الزواج الثاني لو كانوا زوجات لهم لان اسباب عريس الغفله منطقيه واحتياجهم انساني
هالنوع من الاحتياج تجد له الزوجه الثانيه مبررات .. بل تستطيع تقبله ..
بل ترى في نفسها نوع من الطمأنينه انني لست السبب في هدم حياه الأولى ..
لان حاجه الرجل توافقت مع ما املك
نقطه الاعتراض على الاحتياج بالنسبه لي لما تتحول الفكره الاساسيه من الزواج من الثانيه
ان الرجل يطرق ابواب العشرينيه .. بمعنى يذهب بأحلامه وبرغباته لدى الــ 18 والــ 19 .. والــ 20 .. هنا اشوفها فكره فيها نوع من الغصه لمن لم يجدوا نصيبهم اي ذوات العمر الــ 30 والــ 35
جملك الله برضاه
.. فــي قلبــي ..
إبتســامة طفــل .. ومكاناً يســع الجميــع .. وخانــة اسمــها قضاء حوائـــج النــاس ..
و ايش الصعوبة فيها اذا رجل يخاف الله و عارف انه محاسب عليهم فأكيد انه بعدل بينهم
فلذلك من الغلط اعطاء احكام مسبقة بدون الاطلاع على تجارب الاخرين
تعرفين إني ضد التعدد
تحاولين تقنعيني
أنا راضية جذي الصبح ما عندي حد في البيت
بتفرغ لعمري و باقي اليوم لعيالي و أبوهم ..
من اللي بتعرف تتمالك نفسها صح ..؟
إلا بيكون فيه انكسار و إنهيار و تحطم ..
أنا بعد أقول حلاتج ساكته ..الحمدلله مؤمنة بكل شي ..
لو أتكلم و أقول فلأني ( إمرأة غيورة )
و فيني طبع ( حب التملك )
أرغب في زوجي لي فقط محد يشاركني فيه
سابقاً كان يقول لي بتزوج عشان يغيضني
كنت أزعل و أبكي
الحين إذا قال شي أقول له تزوج ما عندي مانع
و في داخلي أتقطع من هالكلمة
صدقيني مافي مرة في الدنيا ترضى بشريكة
الغيرة موجود بداخل الأنثى
هالشي فطري ..
كلامج كله صحيح
و الزوجة الأولى تكبر في عين زوجها إذا تقبلت الأمر
بس حرقة قلبها تكبر في نفس الوقت ..
و مو كل وحدة تتحمل
في ناس تتألم و لا حد يدري فيها ..!!!
من حقح ترفضينه حبيبتي بصمه .. ومن حقج اتغارين .. ومن حقج تزعلين
واتراودج كل الاحاسيس الي تراود كل انسان مخلص محب ما امقصر يعطي بجنون
ومن حقي اتصيحين لما تلقين الحبيب قبل لا يكون زوج .. جاب لج زوجه جديده وانتي بالنسبه له كل شي وهو عارف هالشي
ومن حقج هم تستغربين لما تقعدين معاه بين فتره وفتره واتقولين له
شنو ودك اسوي لك .. في شي خاطرك فيه وما انتبهت له
شايف علي تقصير
امي الله ايطول ابعمرها .. اوقات عند الغدى تمسك يد الوالد واتقول له ..
بومحمد راضي عني ؟؟
يقول لها الوالد راضي عنج من يوم ما خذتج الين اخر لحظه ابعمري
بس في خاطري شي ودج اتعرفينه ؟؟
اتقول له سم
يقول لها يوم رحتي وخذتي من تحداني الزمن 2000 ريال ترى انا مب عيزان اعطيج
ردت عليه بومحمد خذته مب لاني طلبته منها
خذته لان هي حبت تعطيني اياه ..
فرد عليها مره ثانيه اتقولين لي ان هي الي عطتني
مب اتقولين انا خذت من تحداني
اما لما تكون الحياه الزوجيه صمت واعتقادات مبنيه على الصمت اني ما امقصره
والازواج بطبعهم قليلين الكلام .. واحيانا من شده احترامهم للمرأه ما يقدرون يصارحونها بالتقصير
هنا هذا النوع من الاحتياج اعتقد من حقهم فيه
احبج وايد
جملك الله برضاه
.. فــي قلبــي ..
إبتســامة طفــل .. ومكاناً يســع الجميــع .. وخانــة اسمــها قضاء حوائـــج النــاس ..
معاج حق كل شي في الحياه قسمه ونصيب
اليوم انتي متزوجه الحمد لله اختي " نوار قطر " لكن الي مب متزوجه والعمر خذاها لقله الفرص .. بمعنى عندنا في الدول الخليجيه يعتبرون الزواج صالح في العشرينات غير صالح لدون ذلك .. هاذي نظره يبيلها اعاده تأهيل فمن حقها تقبل بالزوج اذا كانت هي الزوجه الثانيه
ابغض النظر عن الزواج كفكره .. هي ابداخلها " فطره الامومه "
هل نقدر ننكر هالشي ..؟؟ مستحيل نقدر ننكره
نرجع لمحور هل تقبل فيه " نوار قطر " او ما تقبل فيه كونها الزوجه الاولى
هنا الزوجه الثانيه مالها ذنب .. هنا القضيه قضيتها مع زوجها
الاسباب والدواعي الي خلته يسوي جي
ممكن تقبلينها .. وممكن ترفضينها
صح ولا لا ؟؟
انا ما اشجع على التعدد ولا ارفضه
انا اناقش بمنطقيه نوعا ما
وما احاول ادور اعذار لاي طرف
بس نضع كم من التحليلات
يمكن هالتحليلات تلفت انتباه زوجه .. او زوج
جملك الله برضاه
.. فــي قلبــي ..
إبتســامة طفــل .. ومكاناً يســع الجميــع .. وخانــة اسمــها قضاء حوائـــج النــاس ..
اوف بل مش ممكن اقرا كل الردود حد يقولي الزبده
واكون من الشاكرين له
^^
الله يرضى عليج نوار قطر .. انا بس ذكرت من باب المثال كوني ارد على مداخلتج
اما قضيه الزوجه الثانيه تحرق قلب الاولى ترفض تقبل
انا تكلمت بالتفصيل في مداخلتي السابقه على " بصمه قطريه وتغليبه "
راح اتشوفين فكرتي واضحه وبالتفصيل وحطيت كل التوقعات
ارد واقول لج لو ما تزوجتي ولا عندج طفل
راح تنظرين للموضوع نظره ثانيه
اليوم احساس الامومه موجود عندج وتلمسينه مع بنتج في غياب الزوج
ورب العالمين اذا اكرمج ابولد الحلال الي كل شي تلقين فيه منطقي وعادل ان شاء الله ما ترفضينه .. ومن حقج مع مراعاه الاشياء الي تكلمت عنها مع بصمه وتغليبه
ردي بعد اذنج اقري ردي الي رديت فيه عليهم
الله يبرد خاطرج في الايام الجايه
والحمد لله رب العالمين على كل شي
.. فــي قلبــي ..
إبتســامة طفــل .. ومكاناً يســع الجميــع .. وخانــة اسمــها قضاء حوائـــج النــاس ..
ممم مااعرف شنو ارد عليج الصراحه اكتب كلام وامسحه لان بدخل في اشياء ثااانيه.. بس في النهايه الحمد لله على كل شي ... لو قدرت اجمع افكاري بطريقه اقدر اكتبها ان شالله برجع .
حسبي الله لا اله الا هو عليه توكلت وهو رب العرش العظيم
ضوابط المشاركة
رد مع اقتباس
