السلام عليكم ورحمة الله وبركاته
الموضوع ومافيه ابي اسال عن الملاحق اللي اعرفه لابد تصريح من البلديه لبناء ملحق وهذا لا بأس فيه ؟؟
الموضوع الاكبر هو لما يكون البيت فيه ورثة يعني عندنا اخوان 2 من ابوي الله يرحمه واسمهم ويانا في البيت ولما بغينا نقدم طلب للبلديه او الاسكان ماذكر وين بس كنا نبي نهدم البيت من اول وجديد ونبنيه على حسابنا .. قالوا لنا مستحيل دام وياكم ورثة لازم موافقتهم وهم مب راضيين مع ان البيت حالته جدا سيئه صارله 30 سنه ومبني بطريقة جدا سيئه لدرجه حتى مافيه مجلس وحماماته جدا قليلة وامور كثيره كلها غلط بلغلط في بناء البيت .. الحين شنسوي؟؟ اذا اخواني من ابوي مب راضيين على سالفة الهدم والبناء وجينا قلنا ملاحق قالوا لازم موافقة الورثه كلهم ؟؟ يعني بصراحه جدا ظلم هالشي مافي مراعاة لحقوق الناس حتى لو البيت حالته يرثى لها للغايه واهله متعذبين فيه لازم ينطرون موافقه الورثه كلهم ؟؟ هم يبون فلوس واحنا مانملك هالمبالغ الخياليه فهل معقول القانون يرضى بالضرر على المواطنين بهالطريقه بذريعة ان الورثة مب راضيين ؟؟
ابي اعرف هل في ثغره قانونيه يقدر المتضرر فيه يلجأ لها .. يعني بهالحاله ممكن الواحد يطلب منهم يشوفون البيت اذا كان ايل للسقوط فيتم هدم البيت دون موافقة هالورثة بسبب الضرر الشديد للساكنين فيه ؟؟ ولا عادي حتى لو طاح على اللي يسكنونه مايرضون بهدمه ؟؟
وبغيت اسال صج حتى الملاحق لازم بعد موافقة ورثه ؟؟
وجزاكم الله خير ثقلت عليكم بس ياليت اهل الخبره يفيدوووووووووووني يرحم والديكم جدا الموضوع ضروري وبارك الله فيكم