## محتاجة ارائكم في توزيع قطع الاثاث ##

[ضوى]

الموضوع ومافيه اني لفيت شارع سلوى ولقيت غرفة نووم ايطالية عجيبة عجيبة وبسعر ولا في الاحلام سعر خيالي بصراحة على الايطالي والكواليتي والديزاين ، وهي عبارة عن سرير طول مترين وعرض متر و80 سم ، واثنين كوميدينو 60 سم وخزانة ثلاثة امتار وتسريحة متر و40 سم ، الغرفة جميلة جدا ولا تعوض ، المهم الغرفة اللي ابي لها هالقطع مساحتها 4*5 بس المشكلة في توزيع الاثاث مب عارفة اشلون ممكن اوزع الاثاث
الغرفة فيها بابين وشباك ومحتارة اخاف تنحكر الغرفة عموما راح تستخدم للنوم فقط ماراح يكون فيها غير هالقطع بس التوزيع عذبني
شوفوا الغرفة ونوروني بارائكم

عينين

[النهار]

هههههههههه
انا افتكرت بتوزعين علينا قلت اول واحد اخذ من هالتوزيعه
التوزيعات شغل الحريم

يستحسن ان الريول ماتكون مقابل الجبله

[لاجل QT]

دائما اذا الغرفة صغيرة نوعا ما..مافي الا تحطين السرير عند النافذة يعنى تكون خلف السرير الدريشة

ووزعي باقي القطع في المكان المناسب

انا خاطري اتعلم كيف توزيع القطع في الصالة والزوايا

[وحيد-الشوق]

ان شاء الله يفيدونج الاخوان

لقافه ممكن نعرف كم سعر الغرفة ووين المحل المقصود لأني شفت غرف ايطاليه ب70 الف ووحده اذا ماخاب ظني ب30 الف والاسعار غير مناسبة كلش

[هدوء العاصفة]

الغرفة كبيرة على مساحة الغرفة .. والمشكلة الرئيسية هو الكبت .. حطي السرير في المكان المناسب وبعدين شوفي وين تحطين الكبت والتسريحة ..

[NINA RICCI]

في الغرف الصغيره يفضل لو انج تاخذين السرير بروحه .. وتفصلين له التسريحه والكبت بحيث يكونون صغار ومناسبين لسايزز الغرفه ..
والله يعينج لان اتعب شي توزيع الاثاث ..

[ضوى]

شاكرة لكم حسن تفاعلكم

اخوي وحيد السعر ٨٠٠٠ بس خل توصل الغرفة وباقولك عن المحل ان شاء الله اخاف تكون اخر حبة

[ضوى]

في الغرف الصغيره يفضل لو انج تاخذين السرير بروحه .. وتفصلين له التسريحه والكبت بحيث يكونون صغار ومناسبين لسايزز الغرفه ..
والله يعينج لان اتعب شي توزيع الاثاث ..

للاسف ماقدر افصل الغرفة كاملة ووايد عاجبتني لدرجة ممكن اخذها واخزنها

[بومحمد86]

خلي السرير وراه الدريشه والكبت مشاهد السرير احذى الباب والتسريحه على اليمين مشاهده الباب الثاني....

[ابومبارك]

نصيحه اهربي من الاثاث الايطالي يتفكك وخساره الواحد يشتريه