صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 30

الموضوع: ابي طريقة القهوة العربية المضبوطه

  1. #11
    عضو مميز
    رقم العضوية
    13267
    تاريخ التسجيل
    Apr 2007
    المشاركات
    2,536
    اقتباس المشاركة الأصلية كتبت بواسطة مخطط قطري مشاهدة المشاركة
    حياك المجلس وبعلمك شلون يسونها المقهوي عندي من ستاف الديوان سابقا
    الله يجزاك خير اخوي مخطط ...

    فعلا قهوة الديوان مالها حل .. وحتى قهوة الوزير بالشغل عندنا .. يوسيها بلوشي بس مايعلم الخلطة لحد

  2. #12
    عضو مميز
    رقم العضوية
    13267
    تاريخ التسجيل
    Apr 2007
    المشاركات
    2,536
    اقتباس المشاركة الأصلية كتبت بواسطة aaziz مشاهدة المشاركة
    بعطيك طريقتي الي تعلمتها من الشيبان و للحين مستمر عليها .

    حمسه القهوه لازم تكون محموسه شوي زياده ، يعني حبات القهوه تكون مايله للبني اكثر من اللون الاشقر او الاقرب للبيج .

    بالنسبه للهيل يكون مطحون طحن خفيف جدا جدا . يعني يادوب الحبه تنكسر مرتين او ثلاث

    المسمار وهذا على حسب الرغبه يكون مطحون ناعم .

    و الطريقه كالتالي و المقادير تقريبيه للدله متوسطه الحجم

    اولا: نحط الماء في الدله الاولى و الي تكون اكبر حجم من الدله الثانيه المخصصه للهيل .
    وحاليا الناس يستخدمون الابريق الخاص بالقهوه ،، الي هو موجود على اليسار في هذي الصوره (ويسمى المطباخة) و تختلف التسميه من ناس لناس



    تحط فيها ماء مقدار اكثر من النصف بقليل

    وتخليه لين يغلي .. و تبعده عن النار عند اضافه مسحوق القهوه عشان مايفوح فوق .
    الكميه تكون مقدار فنجالين قهوه و نص من الفناجيل الحجم العادي .
    وتخليه يطبخ على نار هاديه لمده تقريبا 5 دقائق من الغليان و تضيف المسمار كميه قليله جدا (مقدار ملعقه او نص ملعقه شاي صغيره)

    بعدين تبعده عن النار لحد ماتركد القهوه في قاع الدله و تنزل ترسبات القهوه الى الاسفل .

    تروح للدله الثانيه (وتسمى المبهارة) و تضع فيها مقدار فنجال قهوه من الهيل .

    و تشخل القهوه الي خليتها تركد شوي في الدله الي فيها هيل .. الي موجوده في الصوره على اليمين .. وهنا ركز ،، الهيل يطبخ مره وحده فقط عشان مايصير طعمه قوي و يحرق اللسان .. و تضيف شوي زعفران للدله ..
    وكذا تكون القهوه جاهزه .. تقدر تصب من الدله هذي (الي فيها الهيل) مباشره باستخدام الشخال المعروف وهو من اللليف . او انك تصب القهوه في الدله المنزليه العاديه (الزمزمية او الترمس)

    وهذي الطريقه الي اعرفها ولا احب القهوه الا بهذي الطريقه .

    ولا افضل القهوه الي يحطون معاها حليب او نكهات اضافيه .. مجرد قهوه و مسمار خفيف و هيل و شي بسيط زعفران .


    انا بعد ماحب القهوة الي فيها حليب .. اصلا بعض الشيبان يشوفون عيب نحط حليب فالقهوة
    راح اجرب طريقتك ان شاء الله وجزاك الله خير

  3. #13
    عضو فعال الصورة الرمزية عندليب قطر
    رقم العضوية
    3179
    تاريخ التسجيل
    Aug 2005
    المشاركات
    5,120
    راح اجرب ان شاء الله

  4. #14
    عضو مميز
    رقم العضوية
    13267
    تاريخ التسجيل
    Apr 2007
    المشاركات
    2,536
    مشكورين على الطريقة.. الحمد لله قدرنا نسوي قهوة تنشرب


    بس المشكلة مب عارف المقدار الصحيح من القهوة في كل لتر ماء ..

    انا عندي دلة حجمها ٢ لتر تقريبا .. كم كمية القهوة (البن المطحون) الصحيحة وشكثر نخليها تغلي؟
    التعديل الأخير تم بواسطة الـخـور ; 31-07-2013 الساعة 12:51 AM

  5. #15
    عضو نشط
    رقم العضوية
    26392
    تاريخ التسجيل
    Jun 2009
    المشاركات
    551
    كل لتر فنجال قهوة وربع وحمسة القهوة مخلوطة بين حمسة واحد وربع وواحد ونص ومعها يخلط قليل من المستكة والمسمار والزعفران والدلة يوضع فيها فنجان وربع جناد مع زعفران عند غلي القهوة نوطي النار وتترك تغلي لمدة عشرين دقيقة لين ينزل الحثال تحت ملاحظة عند وضع الماء في البداية لاتضع عليها القهوة حتى يغلي الماء

  6. #16
    عضو مميز
    رقم العضوية
    13267
    تاريخ التسجيل
    Apr 2007
    المشاركات
    2,536
    اقتباس المشاركة الأصلية كتبت بواسطة القطو السمين مشاهدة المشاركة
    كل لتر فنجال قهوة وربع وحمسة القهوة مخلوطة بين حمسة واحد وربع وواحد ونص ومعها يخلط قليل من المستكة والمسمار والزعفران والدلة يوضع فيها فنجان وربع جناد مع زعفران عند غلي القهوة نوطي النار وتترك تغلي لمدة عشرين دقيقة لين ينزل الحثال تحت ملاحظة عند وضع الماء في البداية لاتضع عليها القهوة حتى يغلي الماء

    جزاك الله خير اخوي على الطريقة

  7. #17
    عضو مؤسس الصورة الرمزية sweet qatar
    رقم العضوية
    27023
    تاريخ التسجيل
    Jul 2009
    المشاركات
    12,397
    بشر أخوي ضبطت معاك ولا لا..؟؟
    ما ارد للجاهل ولا اسمع حكاويه ... حيــاي يمنعني من القيــل والقــال

    The best way to survival is to save each other

    الأجواء الساحرة في جزيرة البنانا .. شاركوني متعة اللحظات ..!

  8. #18
    عضو مميز
    رقم العضوية
    13267
    تاريخ التسجيل
    Apr 2007
    المشاركات
    2,536
    اقتباس المشاركة الأصلية كتبت بواسطة sweet qatar مشاهدة المشاركة
    بشر أخوي ضبطت معاك ولا لا..؟؟
    ايوه الحمد لله ضبط معاي كذا طريقة وكذا طعم .. منها الجاهز الي شريته من احد الخوات الاسرة المتعففة

    وايضا شريت خلطة ثانية للقهوة جاهزة من محلات الجنوب .. له فروع كثيرة
    عجبتني خلطة المحل نفسه مع القهوة البرية ... بس وصي المحل يزيد زنجيبل شوي تعطي نكهة احلى للقهوة وممكن تزيدين علبة زعفران


    واكتشفت ان كل ماكان الشي فرش كان احسن .. يعني الواحد ياخذ الهيل والقهوة حب .. ويشتري طحانة كهربائية صغيرة
    ويطحن على حسب الحاجة اليومية .. لكن يبيلها طولة بال ومزاج
    التعديل الأخير تم بواسطة الـخـور ; 04-08-2013 الساعة 02:44 PM

  9. #19
    عضو فعال الصورة الرمزية Aaziz
    رقم العضوية
    39891
    تاريخ التسجيل
    Sep 2011
    المشاركات
    9,101
    زين ظبطت القهوه

    فعلا كلامك انها تكون فريش احسن.
    و الاحسن تاخذها حب اخضر مش محمصه و انت تحمسها و تطحنها و تظبط المقادير على كيفك.
    احنا نستخدم جهاز الذره. ولا عقبه للقهوه هذي صورته



    و اذا خذت الخلطات الجاهزه من المحلات خل يقسمها لك في اكياس صغيره (نص كيلو) ويسكرها لك باحكام بجهاز الحراره و خلها في الثلاجه عشان ماتغير

  10. #20
    عضو مؤسس الصورة الرمزية sweet qatar
    رقم العضوية
    27023
    تاريخ التسجيل
    Jul 2009
    المشاركات
    12,397
    عليكم بالعافية

    صح كلامك.. واذا بتاخذ القهوة مطحونة من المحمصة لازم تتأكد ان المكينة الي يستخدمونها للقهوة ما يستخدمونها لغيرها

    والهيل تطحنه في وقته .. نكهته وريحته بتطلع معاك لو استخدمت كميات بسيطة
    اما القديم بتحتاج كميات أكبر و كثرته تضر بالصحة


    أحب الزنجبيل في القهوة.. بس في قهوتي ما ازيد على 4 مكونات قهوة و زعفران وهيل ومسمار
    وماعرف للخلطات الجاهزة ماتضبط معاي
    ما ارد للجاهل ولا اسمع حكاويه ... حيــاي يمنعني من القيــل والقــال

    The best way to survival is to save each other

    الأجواء الساحرة في جزيرة البنانا .. شاركوني متعة اللحظات ..!

صفحة 2 من 3 الأولىالأولى 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •