هل تؤيد كشف تعاطي الخمور او المخدرات قبل الزواج

[خليفـة]

انا مع هالاقتراح وبقوة
للأسف فيه ناس يتعاطون مخدرات
وما يبين عليهم
لكن مع الفحص الطبي الحديث
ممكن ينكشفون

احييك على الموضوع المفيد يالغالي

خليفــة

[أخت الكل]

نعـــم وبقـــوة

[ضوى]

لا ، ممكن ينفضح الولد ومايقدر يتزوج ابدا ونكون جنينا عليه وسهلنا له طريق الحرام ، اذا كانت سمعته طيبه واخلاقه مشهود لها ماظن يكون متقدم للزواج الا اذا اهتدى وعرف طريق الحق اما السرسري ينعرف من البداية قبل لا يصير الفحص اصلا

[ريان]

اي نعم اويد بقووة

[مع الله]

مع الفكره قلبا وقالبا

[أم علي 2010]

نعم

على الأقل لما الجيل الحالي يعرف ان في كشف ، بيكون له رادع

انا مع الوعي الديني لازم يزرع من الصغر بس في الصالح والطالح

ومب شرط كل العيال يكونون مثل بعض مع ان التربية وحدة

وخاصة الحين وايد يشربون من ورا أهاليهم أو اللي يدرسون برع حتى لو مب لدرجة الإدمان

شنو ذنب إلهيال بأجر يشوفون أبوهم بحاله و لا كل يوم مشكلة مع أمهم

حتى عقب العيال بيقولون أبونا جي عادي و تزوج ،، حرام تظلمون بنت الناس

يعني الرجال يبي بنت شريفه عفيفة بنت أجاويد و مصلية و مسمية هي بعد لها الحق ان تتزوج من رجل كفء

واللي يغش بنت الناس راح يتحاسب من رب العالمين و غير جي ربي يبليه في اقرب ما عنده

الشباب في الوقت الحالي ما يقولون عن بعض شئ لما ناس تسألهم عن واحد يخطب عشان عقب محد يذمهم و لما يحصل الطلاق يقولون هو كذا ولا هو كذا

ياخواني لو واحد خمار و لا راعي مخدرات ترضى تزوجه أختك ؟؟؟ ولا بنتك ؟؟؟

ان تاب ما راح يتوب قبل العرس عشان العرس نفسه وعقب يرجع التوبة من القلب

وعلى حد علمي نسبة الخمر تختفي من الدم بعد فترة

لكن المخدرات تحتاج علاج و غير جي تضير بالأجنة في المستقبل

[لبيبة]

نعم اؤيد، واللي تاب نظف جسمه وما راح يطلع انه متعاطي فليش الاعتراض.

[صوت مواطن]

يا صاحب الموضوع احييك على طرحك
بس فيه مشكله
نسبة الكحول تتلاشى بعد 24 ساعه يعني مافي فايده بالفحص الطبي
اما موضوع المخدرات افتكر تبقى بالدم لمدة شهر. انزين اذا هو وقف التعاطي فترة وراح يخطب هنيه المشكله يطلع الولد برئ وبعدها يرجع على ماكان عليه

خلاصة كلامي واضم صوتي لصوت اخونا حمد 2002 ياما ناس سكيره بس مش امقصرين في بيتهم. وياما ناس مطاوعه ومراويهم الويل والذل.
طبعا البعض




تحياتي لكم

[زقرت]

اكيد نعم اذا كان لازالت نسبة الكحول أو المخدرات مرتفعة

بس اذا كان مدمن سابق وتاب ورجع إلى الله ضد الفكرة

صح عليك

[رهج السنابك]

صوت مواطن من جذي انا سالت هل الخمار في تحليل يكشفه او لا

وممكن يكون سهل التلاعب بالتحليل

وياليت ينضاف فحص اضافي مع فحص المسكرات
يكون فحص نفسي لمعرفه ما اذا كان الشخص سوي نفسيا او يعاني من امراض واختلالات نفسيه لان وايد بنات تنغش في هالنقطه وتكتشف ان زوجها مريض نفسي