اللولو يبيع كاميرات تجسس ممنوعة

[السكين]

السلام عليكم ورحمة الله وبركاته .

اللولو فرع الغرافة الطابق العلوي عند الاستقبال ستاند اسمه : سمايل ليبس Smile Lips

عنده كاميرات تجسس خطيرة وممنوعة وتكلمت قبل عنها بس تفاجأت اليوم انها موجودة وعلناً تباع ، وهالكاميرات عبارة عن :

- علاقة ملابس توضع في غرف تبديل الملابس لضعاف النفوس وعديمي الضمائر ولا يوجد لها أي تبرير آخر للمراقبة .

- سوكيت كهرباء ممكن ينحط بأي مكان من دون ما يكون هناك أدنى شك بوجوده كاميرا.

- نظارات مدمج فيها كاميرا.

وغير الساعات والريموتات وستاند التلفزيون والولاعات وكلها بكاميرات فيديو .

يرجى الحذر

[Cute Mother]

هل تقصد إنها محطوطة باللولو لمراقبة الناس ؟ أو للبيع بحيث ممكن نحطها في بيوتنا لمراقبة الخدم ؟

[monatee]

وليكون بعد سعرها رخيص

عشان كل بزر يشتريها ويخرب بيوت

[كازانوفا]

الله يستر من الدنيا وباللى فيهاااا

[انتر ميلان]

لو منعوها في اللولو بيطلبونها اون لاين
ماتفرق اخوي
والله يستر على المسلمين والمسلمات

[PGR]

اخوي جان كلمتهم وسئلت عن استخدامهم واذا كان كلامهم غلط كلم مسئولهم

[السكين]

هل تقصد إنها محطوطة باللولو لمراقبة الناس ؟ أو للبيع بحيث ممكن نحطها في بيوتنا لمراقبة الخدم ؟

لا أخوي للبيع ومكتوب عليها علاقة ملابس ..وكل بضاعتهم وكاميراتهم للتجسس .

أخوي الكاميرات فيها ميموري بسيطة يعني ما رح تسجل لك بالساعات ..يعني موضوع انها لخدم هذا غير منطقي ..مراقبة البيوت والغرف من الخدم لها كاميرات خاصة..ومصرح فيها ..أما كامير تثبت بحمام ولا بغرفة تبديل هذا هو الموضوع .

يعني هل تقدر تركب علاقة الملابس الصغيرة بالمكتب ؟ أكيد لا ، لأنها مصممة لتصوير أمور ممنوعة .

[السكين]

وليكون بعد سعرها رخيص

عشان كل بزر يشتريها ويخرب بيوت

رخاص يا خوي والله !!

[السكين]

لو منعوها في اللولو بيطلبونها اون لاين
ماتفرق اخوي
والله يستر على المسلمين والمسلمات

إذا لا حد يجرّم التجارة في هالكاميرات طالما دخولها بهالسهولة .

[السكين]

اخوي جان كلمتهم وسئلت عن استخدامهم واذا كان كلامهم غلط كلم مسئولهم

فلبيينة تتوقع يعني إيش بتسوي ؟

أنا قلت اشوف الردود .. علماً أن الشاهين نفس الشي .. فيه كاميرات على شكل نظارة وعنده اقلام ليزر أخضر الممنوعة ..