خبراء المانيا

[مخطط قطري]

اسعد الله اوقاتكم بكل خير استفسار عن القطارات اللي تربط المدن الالمانيه يليت حد يفيدني بقيت موقع القطارات ويليت اللي عنده خبره يفيدني بالاسعار وطريقه الحجز من ميونيخ الى فرانكفورت انا دايم اسوق في اوروبا او اذا المناطق بعيده بطياره بس نادر جدا استخدم القطارات فيليت اللي عنده خبره يفيدنا وهل اذا مريت بكره الصبح محطه القطارات الرئيسيه في ميونيخ اللي قدام فندق الميريديان الاسعار بتكون اعلى من الاون لاين ولا نفس الشي احنا 3 ادولت وماخاب من استشار ومشكورين مقدمآ

[R 7 A L]

غير البشر

[غير البشر]

غير البشر

لبى قلبك يامنادي
هلا وغلا رحال


مرحباً أخوي مخطط قطري
اليوم الفجر أن شاء الله بنزل لك موضوع كامل
عن القطارات وخاصه الألمانية
الي يسمونها با الألماني بنهوف bahn

حاضرين أخوي

[Chambray]

لبى قلبك يامنادي
هلا وغلا رحال


مرحباً أخوي مخطط قطري
اليوم الفجر أن شاء الله بنزل لك موضوع كامل
عن القطارات وخاصه الألمانية
الي يسمونها با الألماني بنهوف bahn

حاضرين أخوي

كفو عليك يالجار

[غير البشر]

مرحبا اخوي مخطط قطري

اول شي ببدأ معاك با الاسعار
اسعار القطارات با الاون لاين نفس الاسعار في المحطه
بس اذا دخلت الاون لاين حزات بنفس اليوم تحصل اسعار اقل من الاسعار الثانيه

هذي الاسعار المنخفضه لها شروط

1- ان مايصير تغير الرحله لازم تلتزم بوقت القطار
يعني مثلا 5 رحلات باليوم من ميونخ الى فرانكفورت
وانت حجزت المنخفضه رحله الساعه 11 الصبح
لازم تروح عليها ماتقدر تروح الرحله الي بعدها لو راح عنك القطار
وحزات واحتمال بسيط ممكن يتجاوزون عنها بس الافضل تلتزم بالوقت
حزات يوصل السعر المنخفض نص السعر الاصلي

2- التذكره المنخفضه مايصير تغير الوقت او تنكسلها وترجع فلوسك

الحين نرجع لموضوع ثاني

التذكره بالمدن عادي تاخذ تذكره تكون صالحه معاك اليوم كله تروح على أي رحله عادي
يعني ماتلتزم بوقت رحله معين وبعضها صالحه لمده شهر
ولا تلتزم بكرسي معين

اما التذاكر بين الدول غالبا تلتزم بالوقت ورقم المقعد المحدد لك

بالنسبه لي اذا المحطه قريبه مني احجزها من المحطه ماحجزها اون لاين
انا من 15 يوم كنت في مانشستر
رحت المحطه احجز تذاكر على لندن
رحت المحطه قلت له ابي رحله الساعه 12
قال بعيطك رحله الساعه 1 ونص
قلت له في حجوزات عليها انا شفتها بالموقع
قال أي بس رحله الساعه 1 ونص عليها سعر مخفض بنص القيمه بالظبط
يعني ممكن يفيدك الشخص الي بتحجز التذاكر عنده

الحين نروح لموقع القطارات الالمانيه
هذا رابط الموقع

http://www.bahn.de/i/view/GBR/en/index.shtml

في الصفحه فوق على اليسار في مستطيلين
الاول تحط ميونخ munich
والثاني تحط فرانكفورت Frankfurt

,وبعدها تحت في نفطتين تأشر عليهم
انك تحجز ذهاب فقط
او ذهاب وعوده

وبعدها تحت تنزل لتاريخ السفر

وفي وقت تحت التاريخ هو وقت السفر المفضل أي ساعه يكون ويبتدي فيه
والي جنبه خل كلمه Departure لاتغيرها

وبعدها انزل الى Passengers
تضغط على الكلمه على اساس تحط عدد الركاب

وبعدها تحت تحت الدرجه الدرجه الاولى او الثانيه

وبعدها سيرش

بتطلع لك هالصفحه

http://reiseauskunft.bahn.de/bin/que...button.suchen=


وهي المسافه 3 ساعات و 14 دقيقه

وسعر التذكره للشخص الواحد ذهاغب فقط بين 59 و 65 يورو

الصفر المكتوب يعني انه القطار يطلع من ميونخ الى فرانكفورت دايركت


هذا تقريبا كل الاشياء الي تحتاجها من الموقع

واي استفسار او شي مش واصح خبرني

[مخطط قطري]

بيض الله وجيهكم يالربع ومشكور اخوي غير البشر كفييت ووفيت يالغالي