صالون جاك ديسانج

[طموحة]

صبحكم الله بالخير

ياجماعة الي يصير نهبه والله

شوفي سالفتي انا مع هالصالون واذا في حد

من مصدق كلامي اتصلوا لهم وتاكدو

اتصلت لهم قلت بحجز لتسريحة قالوا الرفعه500 ريال

قلت ابيها تجيني البيت خدمة منازل تدرون شقالت 2500ريال

وكنسلت منهم مالله كثر الصالونات

وموقف صار مع رفيجتي تبي صبغة ببيتها

تخيلوا شقالوا 3000 ريال

ولانك زبونتنا 2500 خصم لج

الاسعار على كيفهم ومب كل لائحة يحطونها معناها هالاسعار

صحيحها نهبه شوفوا الصالونات العالمية وبالدولار وبتعرفون ان بقطر نهبه

ادارة الصالونات بالبلدية ماتاخذ دورها الصحيح بالتوجية والمراقبة

ومنا لهم

[w.qatar]

انا كنت اسوي تسريحات عندهم بس مره رحت هالصالون اصبغ شعري قالت لي 500 قلت اوكي
المهم بلشت و صبغت اخر شي وقت الدفع قالت حسابج 1000 قلتلها شحقه !! تقول عامله سحب لون و صبغ شعر انقهرت لان البقره الله يعزج اللي تصبغ ما قالت لي بسحب اللون و لين يومج اعالج في شعري بسبه سحب اللون يضعف الشعره و يفقدها لمعانها خاصه بعد ما يطير لون الصبغه

من يومها ما دخلته مع ان تساريحهم حلوه شغلهم حلو و هالكلام من زمان يمكن من 3 سنين

[سارونه]

صالون جاك اسعارة مبالغ فيها جدا جدا

انا ابي اعرف وين البلدية عنهم اتصلت لهم .. عطوني سعر معقول يوم جيت وخلصت قالو لي السعر مو هاي - طبعا تميت في ذهول وماقدرت اتكلم - دفعت وطلعت وانا ادعي عليهم

[نوفة قطر]

ماعرف هالصالون

بس دام الحين عرفتوا هالسالفه

لو بغيتوا تروحون دفعوا قبل مايسوون لكم شيء

[غالية 2009]

انا صار معي كذا بس والله اني واقفت لهم وماوقلت هذي مشكلتكم انا ماطلبت سحب لون كيف تقصون علينا قلتوشي والحين شي وعطيتهم محاظرة ودفعت لهم الي قالولي من اول مرة ولين الحين انا زبونتهم تعرفون اش عيب بناتنا انهم مايتكلمون مع لبنانيات ولايتستنكرون الا في صمت بس ما مع القطرية تسمعين صوتها لااخر قطر

[خزامئ]

صحيح اكثر اهل قطر يستحون يفاصلون وينشدون حق وشو
وانا كنت منهم بس الله فتح علي

[pinky-qtr]

صالون جاك اخترب صار زباله بمعنى الكلمه
لا فالتعامل ولا فالسيرفس للاسف