المشاركة الأصلية كتبت بواسطة ya3coub
طيران الأتحاد الاهل كانو فالمغرب بفتره عيد الاضحى و العادة نستخدم القطرية بكل سفراتنا
ترانزيت ابوظبي نقصت شنطة من اصل 13 كانو بالشحن
و طبعا بالتكلم مع المسؤول ولازم تخلون عندكم و الاصرار و الالحاح و اخذ بيانات كل شخص تكلمونه
جابوها فلليل على الطيارة الي عقبها و لاحظت لما رحت استلمها
اشكثر ناس تشتكي و تجي بس تسئل و تروح و ناس صارلها شهور تنطر شناطها و غرفه الشنط فالمطار متروووووووووسة شنط ناس ما سئلت فيها
الي ما يتابع اغراضه و يعرف شنو كلشي فيه بالظبط محد بيداري او بيتابع اغراضكم
الحل
تعرف رقم الاستكر الي بالشنطة عن طريق شطب الأرقام الي اصلن موجودة عندك و وصلت
و توصل الشكوى قبل مغادرة المطار ترا هالشنطة ما طلعت عالسير
هل غادرت اول محطة "المغرب" << في حالة عيد الفطر الي فات
هل دخلت مطار بوظبي؟؟
هل خرجت من مطار ابوظبي ؟؟
هل في حركة دخول لمطار الدوحة بما ان كلشي الكتروني و اوتوماتيك هالايام عالسير يبيلهم كم ساعه علشان يحددون موقعهم و يصغرون موقغ البحث و عقب يتم التواصل معاهم و هاي الي صار معانا
مع العلم الموظفين خرطي لا القطرية ولا غيرهم اذا انتو ما تسئلون و تطلبون هالاشياء و اتكونون معاهم لما يرسلون الايميل الحاح و اصرار بس بادب و احترام ولا ما بيصير اي شي