السلام عليكم ورحمة الله وبركاته...
في وحده من رفيجاتي خلوقه وجميله قالتلي ان ابوها مايرضى يزوجها لاهي ولا خواتها
وهو منفصل عن امها صار لهم 5 سنوات وهي وخواتها يعيشون عند امهم وهو مايعرف عنهم شي...
يتصلون له ويطرشون له مسجات ولا يرد عليهم...
طبعا كل مايجيهم حد يرده وتقول انهم حاولوا فيه من قبل مافي فايده...
هل ترضى انك تتزوج وحده عن طريق المحكمة بدون موافقة ولي امرها؟
الله واعلم ،،
الملاج مايملج الا بوجود ولي امر سواء الاب او من ينوب عنه بوكالة رمسيه واذا لم يتوافر يزوجها القاضي فهو يكون ولي امرها فشلون راح الواحد يتزوج وحده بدون ولي امر مع ان ولاية الامر ركن من اركان الزواج شرعا
هذا عضال ,يشوفون حد من عمامهم او خوالهم يكلم ابوهم ويتوسط لهم عنده ,حرام يدفع الابناء ضريبه طلاق الوالدين او عناد حد الطرفين عشان يحرق قلب الطرف الاخر , مع اني ماحب طريق المحاكم بين الاهل لكن هي قد تكون الحل الاخير وليس الوحيد ممكن يكون العم ولي الامر , او يدخلون رجال كبير وله احترام وقدر عند ابوهم يكون وسيط .
الله يكون في عونهم
علمت أن رزقي لن يأخذه غيري فطمأن قلبي
وعلمت ان عملي لا يقوم به غيري فاشتغلت به وحدي
اذا الابو من هالنوعيه اللي ذكرتيها اكيد ارضى وبدور على حد ينوب عن ابوها
اكيد في طريقه انه امها ولا حد من اخوانها ولا خوالها يروحون المحكمه ويشتكون على ابوهم ويشرحون اللي صاير معاهم لانه قاعد يظلم البنات وموقف نصيبهم
الله لايوفقه
يختلف إختي حسب الوضع
هل البنت في عمر مختلف ؟
هل الأب متشدد ؟
يعني مفروض تكلمه مرة و2 وعشر
وتدخل العقلاء من الأهل
وإذا مافي عقلاء تتواصل مع الاستشارات العائلية
في النهاية هل تقدر تتحمل تبعات هالقرار
بمعنى راح تتزوج دون رضا ؟ هل فكرت بالعواقب ؟ لما عقب يجونها عيال شلون بتكون علاقاتهم مع هله وأهلها ؟
والرجل إذا يحبها وحاول منيه مناك ،أأيد هالشي دام تحققت شروط النكاح
"اللهم نور قلوبنا لتعرفك كما أنت ،لا كما قيل لنا "
اخوي انا اقصد بدون موافقة ابوهاالمشاركة الأصلية كتبت بواسطة لاجئ عاطفي
السؤال بالمطلق ابهالطريقه .. لايمكن يتم زواج بدون موافقه الاهل
هم الاساس في كل شئ .. اما ان القصه فيها متهاهات .. وحكايات .. اعتقد لكل مشكله حل
اخر الحلول .. اتصل في الوالد واقول له يبه خلني اشوف نصيبي اذا الرجال ولد حلال
ولا راح اتزوج بدون رضاك وسامحني
جملك الله برضاه
.. فــي قلبــي ..
إبتســامة طفــل .. ومكاناً يســع الجميــع .. وخانــة اسمــها قضاء حوائـــج النــاس ..
اذا ولي أمرها مايدري عنهم الاخ او حد من الاعمام واذا ماعندها تلجأ للقاضي وهو يزوجها
اوقات الاب يبي ينتقم من طليقته ويحط حرته في اعياله
المشكله في المستقبل اذا تزوجت بدون ولي امرها
هل زوجها بيحترمها او بيقعد يعايرها؟؟
مب كل الرييل مثل بعض
الافضل قولي لها خل تستخير والله يسر أمرها ويوفقها
التعديل الأخير تم بواسطة قطريه22 ; 09-09-2013 الساعة 09:12 AM
ضوابط المشاركة
رد مع اقتباس
