اليوم عيد ميلادي ؟؟؟؟؟

[نوار قطر]

ياليت تخرجين بفائده لانه العبره بالنهايه

انا اقرر اذا استفدت ولا لأ وعلى فكره كلامك ما أثر فيني ،،،

سلااااااام

[حمد 2002]

انا اقرر اذا استفدت ولا لأ وعلى فكره كلامك ما أثر فيني ،،،

سلااااااام

بوعلي بموضوعه هذا وصل لج مسج ، يعني الرجال ابرى ذمته قدام الله ، واحنا نصحناج ، والحين المباراه والكوره في ملعبج ،،، احنا مانجبر حد بالقوه ولا شيء بل نحن اصحاب رساله توعويه ،،

صدقيني انج تأثرتي من كلامي وهالشيء واضح من ردج لي ، ومب شرط هالتاثير ايبين الحين ولا يبين بين يوم وليله يمكن عقب كمن يوم ويمكن عقب كمن شهر لين تفوقين من هذا البنج الي انتي فييه ،،،

ونصيحه بوجهاا لج انتي الحين بداخل نفسج تعيشين بصراع داخلي حاولي تكسرين القيود وتتخلصين من هذا الصراع

[بوحارب]

نوار & نور & الحياة

تسلمون عالأفكار الطيبة يا بنوتات :

[عاهد بن علي]

شسويت يا بوعلي
هالكثر ردود على موضوعك اكثر من 400 رد ؟؟؟؟؟؟؟؟؟؟؟؟؟؟
ما شاء الله انا احسب الموضوع له كم يوم!!!!!!!!!!!!
اثره بس من اليوم الصبح ؟؟؟؟؟؟؟؟؟؟؟؟
تحولت الانظار من المنتدى كله الى موضوعك !!!!!!!!!!!!
عندك سحر (magec black) واحنا ما ندري

[قطريه22]

موضوع تحداني تصكر شالسالفه مع انه حلو

وحسن ماشاء الله موضوعك مولع


انزين من بيجيب لي هديه رولكس الجديده وايفون وشنطة شانيل الكافيار الاسود تعبت وانا ادورها


انتظر الهدايا باقرب وقت ترى اليوم يوم ميلادي

[معماري قطري]

هالكثر صفحات 49 صفحة ما شاء الله موضوع دسم

زين ويني انا عنكم ما سويت لا عيد ميلاد ولا يوم ميلاد طول عمري .. إشرايكم وصلت 24 سنه ولي خاطر أسوي كل 15 يوم عيد ميلاد بأثر رجعي والكل معزوم بس ليجي بدون هديه .. واللي بيعطيني 500 ريال أحسن ليتعب نفسه ومن زاد أكيد بيكون محبوب عندي.

[OREO]

يا رجال انا داش موضوعك و عبالي صج عيد ميلادك في هاليومين ،، لاني كنت مخطط اجيب لك دنقي ،،

[زقرت]

الحمدلله عمرنا ماسويناها ومانعرفها ويعتبر يوم عادي مثله مثل باقي الايام

بنتي اول امس كملت سنتين وتغدت مجبوس دياي ويا روب ونامت هههههههه

[ريتويت]

الله اعلم

[(بوطلال)]

الحين لو احتفل بيوم ميلاد ولدي او بنتي حرام ؟! شنهي الاسباب وادلة التحريم .