الباركيه ؟؟

[باندول]

مشكور يا اخوي شرايك في هاللون؟

شخسرانين ألوان ببلاش ومتوفره والتغيير حلو .. انت ما شاء الله عليك خبرتك عالية انا حتى الأرقام اللي عندي بعض المهندسين ماتوا الله يرحمهم وبعضهم خلاص اعتزلوا الشغل أو سافروا لكن انا الحمد لله صامد بفضل الله.

أذكر راجعت مهندس شيبة في خرائط كهربه ومواصفاتها وعدل لي شوي .. يوم رحت أشوف القطع اللي وصفها لي حصلتها مقطوعة من السوق من أواخر السبعينات .. طلع مسكين مب مواكب التطور وعايش ذيك الأوقات ولا بد يجينا يوم نستوي مثله.

كفاية ردك يساوي ألف لون ولون
انت الخير والبركة والخبرة كلها من صوبك
طول الله بعمرك
تعجبني صراحتك وتدل على نزاهتك
الله يبارك في عمرك ويخليك ذخر لمساعده اخوانك الاعضاء

[RVD]

الله لايهينكم ياشباب على ردودكم الطيبة

يعني تنصحوني اخذ من المسند ولا من رافكو نوعية نفس شكل الباركيه بس رخام حق غرفة النوم ؟؟؟

[باندول]

واحد من ربع ركب سراميك من نابينا اول ما شفته جاء في بالي انه باركيه
ومركب في كل غرفه لون طبعا اهو اختار لونين لون غامق ولن الفاتح
ومريت على نابينا على خط المطار وشفت سراميك عجبني
مر عليهم وشوف ان اعجبك طبعا انصحك بالسراميك يعمر اكثر وانظف
واذا كنت ملزم تبي باركيه شفت شغل بيت واحد من ربع مسويه عند رافكو
طبعا جميل ولا يعلى عليه
اما شباب يقلون عند المسند ترى شركه المسند الكوالتي الزين دوم عندهم طبعا مجربتهم ولا شفت شغلهم لا في العازل الحراري

الرخام زين واحلى لكن سعرة نار وانت على حسب امكانياتك

الله يوفقك

[بن غيث]

المشكلة ليست في نوعية الباركيه .. المشكلة في فني تركيب الباركيه

انا ما شفت في السوق انواع راقية من الباركيه الى اليوم ..
ومعظم المناجر وشركات التوريدات تضحك على العالم وتقول لهم هذا نوع ايطالي ااو فرنسي او الماني
وكله كذب في كذب ..

في ناس استوردت باركيه من ايطاليا ونوعيه فخمه جدا .. لكن التركيب طلع كله اخطاء وفاشل
مع مرور الوقت يظهر التقوس في التركيب ..

[RVD]

شباب في محل اسمه المجموعة المبتكره في العزيزية وعنده باركية نوعه بلجيكي انتوا شرايكم عن هالنوعية ؟؟ سمكه حوالي 8 ملم

[إعلامي قطر]

شباب في محل اسمه المجموعة المبتكره في العزيزية وعنده باركية نوعه بلجيكي انتوا شرايكم عن هالنوعية ؟؟ سمكه حوالي 8 ملم

الشيخ لو تمر محل كونتوار بداية طريق سلوى بتحصل عندهم
سيراميك على شكل باركيه المتر بحدود 90-110 ريال 15 سم
في 45 سم وبتحصل عندهم بورسلان على شكل باركيه المتر
بحدود 120-140 ريال 15 سم في 60 سم ودرجات الألوان
ماشاء الله عنده متنوعه وروعه وأسباني وإيطالي وإلخ..

وإذا عزمت تشتري منهم نصيحه روح عقب صلاة المغرب
غالباً مالك المحل "بوعيسى" يكون موجود هالحزه..

ورجال ماشاء الله تبارك الله طيب ومرحباني ومطوع
والنعم فيه وفيه خير ويسوي خصومات ممتازه للقطريين..

وعندك الأمانه للديكور ورافكو أيضاً عجبوني بس كونتوار
خياراته أكثر وبصراحه إرتحت لبضاعتهم وتعاملهم وإلخ..

بالتوفيق إن شاء الله..

..

[إعلامي قطر]

..

وأنصحك بالبورسلان لأنه أكبر وأحلى وأقوى !

..

[RVD]

اعلامي قطر ان شاء الله اليوم بمر عليهم يعطيك الف عافيه يارب وكل من مشارك في الموضوع

[إعلامي قطر]

اعلامي قطر ان شاء الله اليوم بمر عليهم يعطيك الف عافيه يارب وكل من مشارك في الموضوع

الله يعافيك الشيخ بس ولاعليك أمر ياليت تفيدنا شصار
معاك وكم عطوك المتر عشان الكل يستفيد وشكراً..

..

[ظلال الورد]

*
*
*

rvd


كنت أفكر أركب باركيه ....
بس بعد ما قريت هالموضوع وهالردود الي تخوف عنه كنسلت




تحياتي


ظـــلال الـــورد
*
*
*