احد اقاربي احرجني وابي مساعدتكم

[نوافـ]

قريبي بيزور قطر وطبعه لو بيتك فندق مايبي يسكن عند حد

على العموم

سبق وسكن في الدوحه شيراتون ونبسط فيه مع عياله يقول رغم انع قديم الا انه فله

وطلب مشورتي في هلتون الدوحه والشيراتون لاخيار لهم مايبي لافريج شرق ولا اي فندق غير هذه الاثنين وسؤاله عن هلتون لانه مابعد سكن فيه لذلك يبي مقارنه من ناحية الراااااااحه والمتعه فقط يعني جديد قديم موشغله يبحث فقط عن راحة النفس هل هلتون ممتع ولا كئيب...فيه فنادق رغم انها جديده الا انها كئيبه

شوري علي شقوله حيرني وماعمري سكنت في هلتون الدوحه

[ALJokar]

يحاول يبعد عنه الهليتون قد مايبي

خله يروح لريتز او شرق او سانت ريجز او يبي القرب من المجمعات يروح مجمع الشعله

[ALJokar]

ما انتبهت لكلامك انه مايبي غير الاثنين اذا كذا خله على شيراتون

السبب لان الاجانب في الهليتون عندهم عروض خاصه ويجونه اغلبيتهم على شان الشرب والبار وتارسين الفندق بسبب عروض لهم مقدمه وغير كذا عادي جدا مافيه مقارنه مع شيراتون

[نوافـ]

ما انتبهت لكلامك انه مايبي غير الاثنين اذا كذا خله على شيراتون

السبب لان الاجانب في الهليتون عندهم عروض خاصه ويجونه اغلبيتهم على شان الشرب والبار وتارسين الفندق بسبب عروض لهم مقدمه وغير كذا عادي جدا مافيه مقارنه مع شيراتون

تسلم على الرد وبالنسبه مافيه مقارنه من ناحية شنو مافيه مقارنه يعني شيراتون امتع ولاتقصد العروض المقدمه للأجانب

[NINA RICCI]

الهلتوون كئيب وايد وصغير ..

اذا هو محتار بين هالفندقين فالافضل له يقعد فالشيراتووون ..

واذا في مجال ياخذ غيرهم اقترح ان ياخذ جراند حياة ( حلوو للكبار والصغار ) ..

[غير البشر]

اخوي انا مادخلت هلتون الدوحه
لكن خله يبعد عنه

السبب الاول فندق فيه بصراحه عربده

السبب الثاني بالرغم من انه جديد لكن يبين على اثاثه انه قديم ما انصح فيه

في فنادق كثيره اماكنها حلوه واسعارها حلوه
تبغي احصرها لك انا حاضر

اهم شي ابعد عن

1- غراند حياه
2- هيلتون
3- فندق W

[مهرة]

ايه والله كنت ناوية ارد نفس ردك اخوي غير البشر كله الا جراند حياة والي على شاكلتها .. الشيراتون ابرك .. مايقدر يروح البورتو ارابيا مجرد اقتراح اسمع فيه بس ماقد جربته ..

[نوافـ]

بيض الله وجيهكم ماقصرتو كفيتو ووفيتو لكم الف شكر

[عاهد بن علي]

خله يروح فندق العنوان في دبي مول

[خزامئ]

ذي هيرتج حلو
والشعله كلها جديد وزينه
واهم شي انها قريب من مجمع فلاجيو
وحديقه اسباير
وكلها فيها بركه سباحه تقدرون تاخذونها لكم خاصه كم ساعه في اليوم بدون محد يكون معكم حد
واهم شي انها خاليه من المشروبات
وهاذا مهم جدا
وفيها مطاعم حلوه واجد