ما هي افضل انواع الغتر البيضاء التي لا تتغير مع الغسيل

[فريج النجادة]

ما هي افضل انواع الغتر البيضاء التي لا تتغير مع الغسيل

اسم الغترة واسم المحل والسعر

[حمد 2002]

خلك مع الغتر اليابانيه بشكل عام وابتعد عن السويسريه لانها ابسرعه اتصير لونها اصفر وتتكسر بسرعه ،،،


عندك ماركات كثيره الرويس ووووو ،،، وكل المحلات الرجاليه ايبيعون غتر ممم واذا تبي الارخص عندك سوق العلي وسوق واقف ،،


مع التحيه

[doha1]

ابتعد عن الغتر اللي فالكراتين اولا ومثل ماقالوا لك عليك باليابانيه

شوف الرويس واجياد اللي فالاكياس

انا رحت سوق العلي اول امس مالقيت شي جديد

ماادري متى بينزلون

[بوعجيل]

انا جربت جميع الغتر وافضلها بنسبة لي الغتر الملكية (اليبانية ) رهيبة محلات الملكي بتحصله في السد وزغوى و الاند مارك

[تحداني]

في البيت يستخدون الي في اكياس شفافه


اشحلاتها ولا تتغير
وراضين كل الرضى عنها

[ASK2]

كلهم مش حلك

السويسرية معظمهم اللي في قطر مضروبين وعيبهم السويسرية بشكل عام يتكسرون ويصفرون

واليابانية عيبهم غسلتين ينقلبون افوط وما يمسك النشا فيهم ..

لكن السويسرية عندك اعيان زينين وعندك اللي في الصالون الازرق اجنر وجفنشي وميلانو و....الخ

واذا عندك حد في لندن خل يجبلك غتر اسمها مان دايفن رخاص تطلع حدود 40 ريال اهني تحصلها على 200 اقل شي

الغتر السويسرية لين غسلتها لا تجفها في الشمس ..

[عـ العبيدلي]

خل عنك الغتر السويسريه .. بسرعه اتعفس ومن ثاني يوم تصير صفره تضحك ..

خذلك غتر يابانيه كل الي داخل اكياس .. الغتره تملك شهر تقريبا جنها يديده ..
مشكلتها من غسله وحده تخترب ..

تشتري تقريبا 4 غتر او 3 بـ 100 ريال وتفتل وكل يوم تكشخ

[اجرام]

جميع الغتر يقلب لونها مع الغسيل مستحيل لحد يقولك ان اللون ماتتغير
لكن لتجنب الاصفرار في المغاسل يستخدمون نيل الي هو يعطي الغتره لون ازرق خفيف وكذا اتبين الغتره بيضه وجديده وايضا ينباع بالجمعيات ويمكن تستخدمه بالبيت اتحصل قرشه صغيره لونها ازرق

بالنسبه شنو الانواع أفضل ترجع للشخص نفسه انا عن نفسي ارغب الغتره السويسريه معنا هي اغلى وصج عيبه انك تلبسها مره وحده ولازم اتكويها من جديد لكن شكلها احلى اشوفها

اما اليابانيه فاتكون ارخص وماتمسك النشاء بقوه ودايما اتكون الكشه فيها اسهل ومريحه وعيبها انها تصير صفره وتحسها اتقطن وغترة الرويس تعتبر منها

[وليف الشوق]

والله ياخوك اسالني عن الغتر وانصحك تشتري الغترة اللي في الكيس وسعرها مايتجاوز 35 ريال وايجابياتها كثيرة مثل اللون مايتغير وفي انواع كثيره وزخارف وفيه منها اذا انت من النوع اللي تسوي كوبرا بعد تنفع وفيه اللي منها بدون كوبرا واخذ بشوري وخل عنك الزبو في اليابانيه والسويسريه خسارة فلوس بس صدقني

[عاهد بن علي]

باسأل الوالده وبارد عليك ، لانها هي الي تغسل ((((((( غتري )))))))