بغيت اروح امريكا سياحة وبالاخص لاس فيغاس
بغيت من الاعضاء اللي عندهم خبره يعطوني جول
لمدة اسبوع وايش المكان اللي ممكن ازوره وهل هالمنطقة تستاهل
الزيارة او لا
وشكرا
بغيت اروح امريكا سياحة وبالاخص لاس فيغاس
بغيت من الاعضاء اللي عندهم خبره يعطوني جول
لمدة اسبوع وايش المكان اللي ممكن ازوره وهل هالمنطقة تستاهل
الزيارة او لا
وشكرا
سلام عليكم
لاس فيجاس شارع واحد طويل اذا مشيت فيه بتلاقي مية شي تعمله واذا انتا رايح"جامبل" كلهم نفس الشي خساره وفي ستان اب كومدي ناسي اسم الفندق الي فيه فيه كل المشاهير هو مافي مكان تقدر اتقول لازم اروحه الشارع كله ما يخلص من الاشياء والله ايعينك على جنون الناس (!!!!!!WHAT HAPPENED IN VEGAS STAY IN VEGAS
اخي .. تبي من الدوحة تروح امريكا اسبوع ؟؟ خليك ولاتروح ابرك لك ..
اصلا حتى توصل يحتاجلك اذا مباشر يومم كامل
يعني متى ماتوصل بس راحة يوم
وحتى يتعود جسمك على التوقيت وتغييره يبيلك يومين
اصلا خسارة واحد يروح كل هالدرب على اقل من شهر
ونصيحة اذا مو شهر او ع الاقل 20 يوم
وفر وقتك وفلوسك وتعبك
"ربنا لا تحمّلنا ما لا طاقة لنا به"
بنيّـــتنا الله يحفظها ..
نسبة لأستحسان الجميع للتصاميم الجميلة الفخمة تم توزيعه على صالونات ومحال
تـــــاتو اليوم الوطني متوفـــــر بنقاط التوزيـــــع التالية ( بدرب السـاعي ايضاً )
http://www.qatarshares.com/vb/showthread.php?598966-
...... نصيحه .....
انا كنت في امريكا في الصيف وللأسف رحنا لاس فيغاس يومين استغفر الله قمه في الفجور والفسق والوصاخه شرب الخمر في الشارع من الصبح عادي والمناظر اللي تشوفها ( استغفر الله ) حتى عيالي يقولون يمه ما نبي نقعد فيها حرام ...غير الكازينوهات ....من اذكر هالبلد تجيني ضيقه ..
الافضل في امريكا لوس اجلوس ما راح تملين فيها
لاس فيقاس حدها 3 ايام
مافيها انشطه واجد
ممكن تروح الاوت لت
تركب على الرولر كوستر الي على العمارات
وفي لعبتين ه على البرج
العروض المسرحيه روعه
عند رييليف اعتقد اسمه جيه في فندق واين
وعرض كا في فندق جي ام جي
وعرض اكسجين ماعرف وين
اسواق فيقاس حللوه واغلب الاغراض لمتيد ايديشن
في عروض للنوافير الراقصه في فندق بيلاجيو
تقدر تاخذ تور بالهلكوبتر يوديك صوب بحيره فيقاس وتنزلون هناك
علمت أن رزقي لن يأخذه غيري فطمأن قلبي
وعلمت ان عملي لا يقوم به غيري فاشتغلت به وحدي
لاس فيغاس تجنن رحتها 5 ايام وإذا الله كتب ورحت مره ثانيه ناوي اقعد اسبوع عالاقل فالشتاء حلوه وفندق كوزموبوليتان ما يتفوت خصوصا الشقه بغرفه وحده مع بلكونه تطل على نافورة البيلاجيو عموما اسعار كل الفنادق هناك جدا رخيصه وإذا كنتوا من محبين التسوق انصحكم بنصيب الاسد من الميزانيه هناك ارخص ولايه فالضرايب والماركات لمتد ادشن لهالولايه
كل فندق فيها يحتاج زياره لان كل واحد فيهم فرق كبير عن الثاني خصوصا مساحة فنادقهم تحتاج وقت وانصح تشوفون عروض على قد ما تقدرون في عرض دايم لسيلين ديون وفي اكثر من عرض لسيرك دو سوليه وطبعا التذاكر ضروري تحجزونها قبل سفرتكم وان ما حصل لا تحاتون بتلاقون إن شاء الله هناك
قراند كانيون لازم له روحه وبيحتاج يوم كامل سواء في هيليكوبتر ولا باص وانصحكم في هيليكوبتر شوفوا الاسعار فالنت وقارنوها مع اسعار الكونسيرج في فندقكم ومع الناس اللي تبيع التذاكر فالشوارع
ان كنتوا من عشاق العطور روحوا نيمان ماركوس في فاشن شو مول في وحده هناك من اصول فلسطينيه تتكلم عربي بس لكم عليها شوي بس فعلا تعرف ذوق العرب في العطور