Face time غير موجود ايفون 5

[برشلوني قطر]

السلام عليكم

ياجماعة الخير عندي ايفون 5 وعليه آخر تحديث

لاكن الفيس تايم مب موجود عندي. افتريت ف قوقل

الي فهمته ان في بعض الاجهزه موجود عليها والبعض

غير موجود. هل في طريقه انزله من غير جلبريك ؟؟

وانا متواجد حالياً ف امريكا وبعد مب ماطلع

وهل اذا خذت 5s من امريكا وفيه الفيس تايم ممكن

تختلف الترددات عن اوريدو ؟

الافاده يا اهل الخبره واكون شاكر لكم

[Aaziz]

السلام عليكم

يالله حي برشلوني ، يمكن تلفونك وارد فودافون ( اذكر فودا فون قفلو الفيس تايم على اجهزتهم) امس انا كنت في ابل و دخلت على موقع ارديو و طلعت له الترددات الي شغالين عليها اوريدو.
قلت له انا جاي زياره كم شهر و برد بلادي و ابي التلفون يشتغل في بلادي.
قال لي الموظف بعد لف و دوران اقدر ابيعك 5c يشتغل على ترددات اوريدو الي هي 2600 و 800
و قال لي راح يشتغلون و جميع الالوان و الاحجام موجوده
و كان موديلات الاجهزه الي عطاني اياه
A1529 و A1507

اذا تبي c مرهم و خذ حدى الاجهزه هذي

[airbus]

الفيس تايم مافي على عن طريق الجيلبريك وجهازك تقريبا سعودي او اماراتي نهايته الكود ae

[مشـــــاعر]

والله مادري يالبرشلوني

أنا مع التحديث نزززل الفيس تايم من نفسه ولآ أدري شنو سالفته ..

وأنا أتفرفر بأحد المواقع حصلت واحد نفس مشكلتك وعطوهـ هالحل بس الرجال مارد عليهم عقب , يعني مادري ضبط معاهـ أو لا

حل مشكلة الفيس تايم و أي مسج في iOS 7

إيقاف/تفعيل الفيس تايم و اي مسج iMessage
•من الإعدادات > الرسائل او FaceTime
•إلغاء تفعيل الخيار , إنتظر دقيقة , ثم أعد تفعيلها
•إنتظر إعادة التنشيط



ايقاف/تفعيل الفيس تايم و اي مسج iMessage

إعادة تشغيل جهازك آيفون, ايباد, آيبود
•تأكد أنك متصل عبر الواي فاي
•إضغط مع الإستمرار على زر الهوم مع زر الباور في الأعلى , وإنتظر حتى يظهر شعار أبل
•إذا كان مازالت لاتعمل, أعد خطوة 1 , الايقاف والتفعيل



إعادة تعيين إعدادات الشبكة
•من الإعدادات > عام > إعادة تعيين
•إضغط على اعادة تعيين إعدادات شبكة الاتصال
•إذا كان مازالت لاتعمل, أعد خطوة 1 و خطوة 2



إعادة تعيين إعدادات الشبكة
واحد من هذي الخطوات عند تطبيقها أو إثنين منها بعد ذلك يجب أن يعود الفيس تايم أو iMessage للعمل مرة أخرى !!


ملاحظة / الطريقة منقولة من أحد المواقع

[برشلوني قطر]

السلام عليكم

يالله حي برشلوني ، يمكن تلفونك وارد فودافون ( اذكر فودا فون قفلو الفيس تايم على اجهزتهم) امس انا كنت في ابل و دخلت على موقع ارديو و طلعت له الترددات الي شغالين عليها اوريدو.
قلت له انا جاي زياره كم شهر و برد بلادي و ابي التلفون يشتغل في بلادي.
قال لي الموظف بعد لف و دوران اقدر ابيعك 5c يشتغل على ترددات اوريدو الي هي 2600 و 800
و قال لي راح يشتغلون و جميع الالوان و الاحجام موجوده
و كان موديلات الاجهزه الي عطاني اياه
A1529 و A1507

اذا تبي c مرهم و خذ حدى الاجهزه هذي

حياك وبياك بوسعود

كلام 100% صحيح تلفوني خذته من فودا للاسف

وبخصوص الترددات هل لو خذت نفس الترددات

مافي مشكله مع ترددات اوريدو من ناحية الفور جي ؟؟

الصراحه انا عندي نية آخذ 5s لاكن لحد الآن مامريتهم

ملاحظه الفيس تايم موجود عندي بس في مركز الاشعارات

الفيس تايم مافي على عن طريق الجيلبريك وجهازك تقريبا سعودي او اماراتي نهايته الكود ae

والله ياخوي ماخذه من فودافون قطر

وانا قريت فالنت ان يصير بدون جلبريك

[برشلوني قطر]

اخوي مشاعر اشكرك ع اجتهادك وشرحك الوافي

جربت ومسحت ومافي فايده

وللعلم طالع عندي iMessage وشغال

[بوخالد1001]

اخوي انا تلفوني فودافون وشغال الفيس تايم
انا واجهة هالمشكله من قبل وكان الحل اني اسوي ريستارت للتلفون
وعقب تحديث جديد يعني بالاصح فورمات مع ترقيه جديده وركب شريحه
غير الشريحه الي تستخدمها اول مايخلص من الفورمات بأذن الله بيضبط معاك

[Aaziz]

بالتوفيق برشلوني. انا نفسك انطر ال s
اول ماينزلون النوع الي يشتغل عندنا في قطر ببلغك بالموديل الصح و بقولك تمرهم تاخذه

[برشلوني قطر]

اخوي انا تلفوني فودافون وشغال الفيس تايم
انا واجهة هالمشكله من قبل وكان الحل اني اسوي ريستارت للتلفون
وعقب تحديث جديد يعني بالاصح فورمات مع ترقيه جديده وركب شريحه
غير الشريحه الي تستخدمها اول مايخلص من الفورمات بأذن الله بيضبط معاك

اشلون فورمات مع ترقيه ؟؟

مع العلم انا امغير الرقم والكرت من كرت قطري الى امريكي

بالتوفيق برشلوني. انا نفسك انطر ال s
اول ماينزلون النوع الي يشتغل عندنا في قطر ببلغك بالموديل الصح و بقولك تمرهم تاخذه

الله يوفقنا وياك اخوي بوسعود ماقصرت

ف انتظارك

[للصبر اخر]

اخوي
اول شي جرب سو ريسات للاعدادات
وان ماضبط جرب الفورمات بدون باك اب