بو زيزو أول شيء عيدك مبارك والعيد مبارك على الجميع .. شكلي نسيت إنه عيد.
البتومين صح مستغرب بعد منه انا بس إحتمال بيسون دفان في هذا الصوب أو زراعة الله أعلم .. إذا زراعة أنصح بتركيب الرول العازل والإبتعاد شوي بعمل طابوق فاصل بعدين الزراعة، وإذا دفان أقل شيء بلاستيك سميك يوضع ملاصق للحائط حتى ممكن مثني وبطبقتين ويندفن فوقه شوي شوي وبعده يجي الدفان العادي .. أول برمل ودفان ناعم قدر الإمكان حتى ما يخدش البلاستيك أو الرول بلحام حراري.
بالنسبة للأرضية أتوقع مسوين دراسة أو القوانين هناك محددة العمق وإن شاء الله قوية كفاية، ويبين لي إن المنطقة داخلية وبعيدة شوي عن الساحل وبتعلمنا ظلال الورد إن شاء الله وين.
اليوم " ناش " من فير .. باقلب رمستي إماراتي .. ومصحصح وركزت أكثر في الصور لاحظت إن الخرسانات تحت شوي عريضة، وإن أقطار الحديد معقولة وكمية الحديد مدروسة وغطاء الخرسانة يبين لي كافي، وإن شاء الله البيت للحين مبني زين وحتى نوعية الدفان زينه .. ومؤكد اختيار نوعية الحديد حسب طبيعة الحماية والأرض.
توقعاتي للبتومين المصبوغ بإرتفاع أكثر إنه إجراء حماية إضافي حق العارضات الأرضية، وإن بتتم تغطيته بحجر أو جي آر سي بدون بلاستر .. لأن بين لي من باقي الصور إنه حول البيت وصورة الواجهة توضح إن فيه تغطية غير عن البلاستر.
متابعين مثل ما علمتنا مهندستنا نور " بشغف " وننطر باقي المراحل وباقي الصور .. وحلو نستفيد من إجراءات بناء ثانية عن الطرق اللي ماشيه عندنا.
أُخت ظلال الورد ما يصير نطمع أكثر في صيغة عقد البناء مثلاً وفي المواصفات وأي معلومات إضافية وحتى لو المخططات لو أمكن.
|
رد مع اقتباس
المشاركة الأصلية كتبت بواسطة معماري قطري
) ما أفهم في هذه الامور 
)
بس هني غير,,,,, متواجدين ويتابعون وينصحون وما يقصرون 
من جي لازم نستشير وما بتحصل حد يساعدك أحسن من معماري قطــــــر 
