السلام عليكم
بغيت استفسر عن فيزا لندن
كم يوم تاخذ لها ؟؟
وشنو الاوراق المطلوبة
ويعطيكم العااافيه
السلام عليكم
بغيت استفسر عن فيزا لندن
كم يوم تاخذ لها ؟؟
وشنو الاوراق المطلوبة
ويعطيكم العااافيه
ياهلا ومرحبا بالغالي
خلني اشرح لك وضع الفيزا كامل
1- الموعد حسب وهم نوعين
عادي : ويكون الموعد مجانا
وموعد مستعجل تدفع على الموعد 180 ريال
2- الفيزا
تجهز الفيزا من 10 ايام الى اسبوعين ( عاده تخلص قبل )
النوع الثاني فيزا vip
تدفع لها تقريبا 460 ريال
وتخلص بين 3 ايام الى 5 ايام عمل
وعاده تخلص ثاني يوم اذا مافي زحمه واموركم تمام
3- الاوراق المطلوبه
# تعبي الابلكيشن من النت
# صوره شخصيه خلفيه رصاصيه فاتحه
# حجز فندق وتذكره ( وهمي او حقيقي )
# الجواز الاصلي
الطريقه :
تعبي الابلكيشن من النت
وبعدها تدفع بالبطاقه
وبيرسلون لك رقم الطلب
برقم الطلب هذا تاخذ موعد من النت
وبعدها تروح على الموعد الي انت اخترته وحسب المتوفر
وبعدها يجيك مسج لما تجهز الفيزا
اذا بغيت مساعده بالصور شلون تعبي الطب
وتاخذ موعد وكل امور الفيزا
خبرني وانا حاضر بكون معاك لين تخلص الفيزا
هلا فيك يالغلا
تسلم ماقصرت على المعلومات
بس انا مستعجل هاي اول شي
ثاني شي بخصوص الصورة انا سمعت ان تكون بدون غترة وعقال ؟؟
وثالث شي اقدر اختار الموعد المستعجل عن طريق النت ولا ؟
ويعطيك العاااافيه
جزاك الله خير اخوي غير البشر معلومات وافيه وتعجبني طريقتك في التوضيح
سلس ومبسط جدا بارك الله فيك .
عندي بعض التساؤلات وما حدث معي بالنسبه للحجز الفندق كتبت اسم الفندق في الطلب وتاريخ السفر طبعا قبل العيد كنت اتوقع تطلع الفيزا ولكن لحد الان ما جاني مسج
المهم ان السفاره اعتقد ما يطلبون حجز وهمي او حقيقي يطلبون اسم الفندق وتاريخ السفر اتوقع .
وكذلك اتضح لي ان هناك اوراق اهم من الحجز الفندق والتذكرة ياخذونها بعين الاعتبار
كشف حساب بنكي 3 شهور وكتاب من البنك الخاص بك بانك عميل متميز وما عندك مشاكل
طبعا هم ما يطلبونها كشروط ولكن الموظفه تسالك شنو تحب ترفق مع الطلب فقلت لها
برفق هالكتابين مع الطلب وعلى فكره الصوره مب ضروري خلفيه رصاصي خدت صوره
خلفيه بيضا ...وبعد ما اخذت الطلب طلبت مني انتظر 5 دقايق ونادوا على اسمي
وخذوا بصمه العين واليد والجواز الاصلي
إن السيف يقص العظام وهو صامت
والطبل يملأ الفضاء وهو أجوف
http://www.qatarshares.com/vb/showth...4%DD%D3%ED-%BF
ياهلا ومرحبا فيك يا الذيب
الله يعافيك الشيخ
لا اخوي الصوره عادي بغتره وعقال ماعندك مشاكل بس لازم ترمبه ههههههه اتغشمر
أي الموعد تاريخ مستعجل عن طريق النت
ان شاء الله المغرب خلك متواجد او بعد المغرب ونتناقش مع بعض
ونخلص الموضوع دايركت
اليوم ان شاء الله ابشر نعبي الطلب وتاخذ موعد
وانت تخلص الامور المطلوبه
مرحبا اخوي الغالي المايسترو
مشكور اخوي على كلامك الطيب لاهنت
اخوي تأكد منهم يمكن ماطلبت ان يجيك مسج
لان في رسوم تدفعها حق المسج !!!!!!!!!!!!!!
انت دفعت رسوم المسج او لا ؟؟؟؟؟
ثاني شي يمكن في مشكله او شي بالطلب ولازم ينتظرون رد من بريطانيا
ثالث شي انت مقدمها قبل العيد بكم يوم ؟؟ ومستعجله او لا
اتمنى تجاوب على تساؤلاتي
انا بعد عيد الفطر قدمت على الفيزا مستعجله
وخلصت ثاني يوم بدون كشف حساب
وماطلبو مني كشف من البنك
يطلبون فقط لغير القطريين
ولايطلبون انك عميل متميز للقطريين
اذا مادفعت لهم رسوم المسج
روح السفاره وتأكد يمكن جوازك جاهز
تسلم اخوي غير البشر على سرعه الرد
تقديمي للطلب كان عادي وقالوا ياخذ حوالي اسبوعين
دفعت حق المسج اعتقد 8 ريال قبل العيد ب3 ايام
هم ما يطلبون كشف حساب بنكي مب شرط انا قدمتها من نفسي
لانه شباب سوا نفس الشيء يحبون يكون طلبهم شامل ونصحوني
حبيت فقط اطرح تجربتي والاسبوع الجاي يبين نتيجه الطلب باذن الله
إن السيف يقص العظام وهو صامت
والطبل يملأ الفضاء وهو أجوف
http://www.qatarshares.com/vb/showth...4%DD%D3%ED-%BF
العفووووووو اخوووي
جزاك الله خير على طرح تجربتك عشان الكل يستفيد منها
اها يعني قدمت كشف الحساب من نفسك لاني استغربت بالعاده مايطلبون الا من الاجانب
أي اخوي للحين ماجهزت انتظر المسج بما انك دافع
مهب اسبوعين بالضبط
احتمال عشر ايام
بس ملاحظه مهمه :
عشر اياام او اسبوعين عمل
يعني اجازه العيد غير محسوبه من ضمن المده
بس ان شاء الله بتخلص ها الايام
وبالتوفيق
تسلم اخوي غير البشر
وانا جاهز هههههه
لان يوم الاحد راح يبشلون دوامات وعشان الحق
وانا الساعه 8 طالع من المنتدى
التعديل الأخير تم بواسطة سعود العمادي ; 18-10-2013 الساعة 05:45 PM