السلام عليكم
لو سمحتوا وين القى احسن مكان يبيع باركيه حق الارضية ومايخترب بسرعه لانها سمعنا وايد ناس يشتكون من بعض المحلات
السلام عليكم
لو سمحتوا وين القى احسن مكان يبيع باركيه حق الارضية ومايخترب بسرعه لانها سمعنا وايد ناس يشتكون من بعض المحلات
سمعت وبحثت عن الباركيه
وبعدها ,,,,,,, لقيت بديل من حيث النظافه وتركيب والرخص والتصليح
(الفينيل)
وهم انواع ,,,بين الممتاز والمقبول
https://encrypted-tbn0.gstatic.com/i...laBhmm9RZ-s59f
ضع في جوجل صور فينيل ....
ادعو لك بالتوفيق..
التعديل الأخير تم بواسطة محاسب ; 29-09-2013 الساعة 08:04 AM
لإدارة المنتدى ولك أجمل تحيه
,
,
مرحبا
اخوي الكريم
اكثر الموجود بالسوق ليس باركيه وانما شكل الباركيه وفي منه صناعات مختلفه
طبقه خفيفه نفس سماكه السيراميك و مصنعه وليست خشب وسريعه الخدش للاسف
وهذه الطبقه الخفيفه ميزتها رخص سعرها وسهله الفك
سعره في حدود ال 100 ريال الى 140 ريال
احسن مكان يبيعها ويركبها هو ( رافكو )
في انواع ثانيه الفنيل وهذي عمليه اكثر لا تخدش ومرنه ولينه لكنها يعيبها انها ( مافيها فخامه )
تصلح لغرف الالعاب الاطفال وغرف الطعام والمكاتب والشركات خاصه الايجار
اذا الواحد ترك المكتب غير مكانه يتركها ما يتحسف عليها سعرها بحدود ال 60 ريال الى 80 ريال
ويوجد من الباركيه والفلين صناعه ( صينيه ) ردي ابو 50 ريال
هذا حاسب منه لو طاح عليه عود كبريت ولع المكان سريع الاشتعال
تحس نفسك قاعد بمحطه بترول ممنوع التدخين
ههههه
واذا تبي الباركيه الاصلي الاصلي نفس الي في اوربا الخشب السميك ابو 5 سم و7 سم الي تحطه وتنسى طول العمر
تلاقيه عند ( المسند ) خشب سميك ولكنه مو رخيص يبتدي سعره من 200 ريال
,
,
اخوك
شموخ دائم
التعديل الأخير تم بواسطة شموخ دائم ; 29-09-2013 الساعة 12:45 PM
عند رافكو
واذا تبغي بورسلان نفس لون الباركيه واحلى منه تحصله عند نابينا
موفق ان شاء الله ،،
غـفـوت بـأمـان وحــولــي رفــاقــي . . واســتـيـقــظــت، فـلـم أجــد حــولــي سـوى الــذّئــاب.. لا أعــلم هــل أكــلـت الـذّئــاب رفــاقــي، أم أنّ رفــاقــي تـحـوّلـوا إلــى ذئــاب ..!.
اخونا شموخ
المسند هم نفسهم منجره المسند
او فيه حد غيرهم نفس الاسم
المسند ما شاء الله كم شركة .. أعرف مسؤول مبيعات مختص بالأرضيات بس مب متأكد إذا موجود أو لا من فترة طويلة ما بيني وبينه اتصال .. إسمه عبدالغفور هندي ولغته العربية وايد زينه 55502497 وآخر مقر لهم على ما اذكر في محطة بترول ..اللي جنب صالة القادمون في المطار.
نصيحة لحد ياخذ باركيه رخيص .. أما نوع مسكت ومعالج وللحريق فيه تأخير في حدود الساعتين أو غير قابل .. أو يتجه للإتجاه العملي والأرخص سيراميك بشكل الخشب أو بورسلان.
فيه نوعيات زينه عند العبيدلي وفيه نوعيات فينيل قوية ومصنعة بجودة عالية تتركب على أي نوع أرضيات وتجي رولات كبيرة.
التعديل الأخير تم بواسطة معماري قطري ; 29-09-2013 الساعة 03:39 PM
مشكور يا اخوي شرايك في هاللون؟
شخسرانين ألوان ببلاش ومتوفره والتغيير حلو .. انت ما شاء الله عليك خبرتك عالية انا حتى الأرقام اللي عندي بعض المهندسين ماتوا الله يرحمهم وبعضهم خلاص اعتزلوا الشغل أو سافروا لكن انا الحمد لله صامد بفضل الله.
أذكر راجعت مهندس شيبة في خرائط كهربه ومواصفاتها وعدل لي شوي .. يوم رحت أشوف القطع اللي وصفها لي حصلتها مقطوعة من السوق من أواخر السبعينات .. طلع مسكين مب مواكب التطور وعايش ذيك الأوقات ولا بد يجينا يوم نستوي مثله.