بطاقة اثبات شخصية

[جمال النعيمي]

السلام عليكم

البطاقة الشخصية

تعتبر اثبات وانتماء وطني لايحق لاي شخص اسائة استخدام بطاقة الشخصية الخاصة بة واستخدامها وتعريضها لغرض استفادة اشخاص اخرين بها مقابل مبالغ مالية .

ولاتعريضها كسلعة لبيع لمن يدفع اكثر

هذا رد على كل من يردد انة شي طبيعي ان تفيد و تستفيد منها

هذا ملزم قولة

[الغشمري]

Jkf
السلام عليكم

يعطيك العافية

بنسبة لظاهرة بييع البطاقة الشخصية صراحة انا ضد هذي الناس
الي تبييع بطاقتها

ولكن لا مانع من استفادة بعد للطرفين بعد في نفس الوقت
من حيث الانصاف في قيمة الاسهم المشتراه

نلاحظ الاشخاص الي باعوا بطاقاتهم الشخية
بسعر : 5000 ريال
بسعر : 10000 ريال
بسعر : 20000 ريال

صراحه راح يكون الخسران الي باييع البطاقة
وهذا الشي يدل على عدم معرفة الشخص الي باع البطاقة الشخصية


عني انا صراحه قولك ايها عرف ناس يعني على الله وعلى راتب الشؤون بعد وعندهم ( 8 ) بطاقات فقط لا غير
وعطيتهم فكره عشان يتفيدون بعد في نفس الوقت

يعني على ان يبيعوا عدد ( 4 ) بسعر 12 الف ريال كقل سعر يعني للبطاقة
ويبقى لهم ( 4 ) وبنفس الملبغ يكتتبون فيه ويكون لهم بعد نصيب اكبر في الربح


أو الاستفادة للطرفين يعني يكون النص بالنص وقت توزيع وتخصيص الاسهم مهما كانت لو 1000
يعني يكون 500 حق راعي البطاقة و 500 حق راعي راس المال
هشكل يكون انصاف شوي


أو يكون هناك قانون مثلا من سوق الدوحة للاوراق المالية يعني يكون اتفاق من الطرفين راعي البطاقة الشخصية
وراعي راس المال عشان يكون الشي موثق والاثنين راضين في التقسيم


بس اختلف معك في (( تعتبر اثبات وانتماء وطني )) نعم هي انتماء وطني بدون تشكيك

وضد استفادة الاشخاص الاخرين مقابل يعني مبلغ صغير جداً وراح يتعوض بعد بييع الاسهم


بس هذا دور سوق الاوراق المالية في توعية المواطنين يعني مثل عمل كتيبات او ندوات
لانه هناك تقصير كبير من السوق نفسة في الامور هذي

فيه بعض الناس لا تعرف شنو معنى الاسهم

مثل واحد الله يستر عليه كنت اقوله يا فلان ليش ما تشتري لك اسهم بدل ما انت حاط فلوسك في البنك مكدسة
ولا يعطونك شي عليها

تخيل شنو قالي شنو انا مجنون اشتري سهم حق شنو اصيد فيه يعني
الاخ عباله السهم الي حق الرماية يعني

مثل هذا الوحد يصيدة بسرعه يعني يقوله بعطيك مبلغ مالي وقدرة كذى مقابل توقيعك والبطاقة الشخصية على الورقة

بس بعد يا طويل العمر لا تعم بالشي هذا لانه فعلا فيه نااااس مش لاقية تاكل قطعة الخبز ترى وهذا ما نقول عليهم
ما عندهم انتمى وطني بالعكس احيانا الحاجة وما تسوي

مجرد راي لا غير وشكر لك على الموضوع يا عسل

[sulai6i]

مثل واحد الله يستر عليه كنت اقوله يا فلان ليش ما تشتري لك اسهم بدل ما انت حاط فلوسك في البنك مكدسة
ولا يعطونك شي عليها

تخيل شنو قالي شنو انا مجنون اشتري سهم حق شنو اصيد فيه يعني
الاخ عباله السهم الي حق الرماية يعني

ههههههههههههههههههه

من صجك يالغشمري ولا (( تتغشمر ))

لأن هالوقت صار في وعي عام بين كل الفئات السنية ..
وحديث المجالس كله عن الأسهم
مب بس المجالس

العمل .. مقاعد الحريم .. الشيّش .. حتى خطب الجمعة .. كله أسهم أسهم أسهم أسهم

[الغشمري]

واحد في حاله
صدقني والله في ناس نايمة في العسل ما تعرف شي ابد

خصوصا الي قلت عنه الي عباله سهم حق الصيد
وبعد واحد يقولي زين اذا شريت السهم من بيشترية مني
يعني اعلن عنه في الجريدة

والله ما كذب عليك تستغرب من البعض وعلى فكره بعد لا تقول ما يعرفون ولا يكتبون يعني
هناك ترى العجب العجااااب

راح عطيك مثال تعرف فيه ناس وهذي الايام في ناقلات الغاز

تقول راح نكتتب اول ناس عشان يوزعون لنا اكثر لانه راح يكون من الاوائل
لو رحنا في الاخر يمكن ما نحصل شي من الاسهم

لا تضحك بس عاد وايد يا واحد في حاله

[sulai6i]

وبعد واحد يقولي زين اذا شريت السهم من بيشترية مني
يعني اعلن عنه في الجريدة

ههههههههههههههههههههههههههههههههههههههه
ههههههههههههههههههههههههههههههههه


والله شي غريب

ههههههههههههههههه


انا اذكر في الشغل واحد يقول انه يعرف شخص اكتتب في كذا بنك يعني اكثر من طلب ويوم قاله ليش تكتتب في اكثر من بنك قال عشان ما يصيدوني !!!
ههههههههههههههههههه

[qatar_moon]

والله ضحكتوني

ههههههههههههههه على سالفه السهم وانا صغيره كنت نفس هالرجال


لان اسمع امي وانا عمري 12 سنه تقولي ان ابوي شرى لي اسهم

وانا على اطول اتخيل اسهم الرمايه هههههههههههههههههه

[سهم طايش]

في اكتتاب ناقلات سوف يحذف اكتتاب من باع بطاقته و هذا تصريح السويدي امس

و العمل جاري الان بواسطة 40 مدقق و سوف يتم فحص كل اكتتاب بدقه تامه و سوف يلغى اكتتاب من باع بطاقته

و على حسب كلام السويدي ان المدققين كانوا يدققون بنسبة 25% في الاكتتابات السابقه اما في اكتتاب ناقلات سوف يتم التدقيق بنسبة 100% يعني بيشخلونهم شخال 00

و سوف تتم معرفة من باع بطاقته بواسطه الحساب الذي سوف يتم سحب قيمة الاسهم منه

فمن غير المعقول ان يتم سحب اموال من حساب واحد ل25 بطاقه مثلا باسماء مختلفه !! و هنا يتم اكتشاف البطاقات المباعه

و الله يستر

[sulai6i]

فمن غير المعقول ان يتم سحب اموال من حساب واحد ل25 بطاقه مثلا باسماء مختلفه !! و هنا يتم اكتشاف البطاقات المباعه

صدق المثل يوم قال

(( عقب الضحك صياح ))

توني فوق اتكعكع واضحك .. بس يوم قريت ردك يا سهم طايش .. ياتني الصيحة

الله يستر

[qatar_moon]

لا والله صج عندنا ناس اذكياء

انزين انا مارحت شريت الاسهم بنفسي

انا شريت ونخصم الحساب من واحد من اهلي شرالنا كلنا

شلون السالفه بتصير

[sulai6i]

Moon Qatar

رحتي وطي .. مثلي