بالمطرقه
كاميرات لرصد التجاوز من اليمين مع ان الشوارع دواعيس.. والتجاوز يخلق انسيابيه نوعاً ما في الحركه المروريه " وقد " يؤدي الى عرقلة حركة السير عند نهاية الشارع.. طيب انا مشّيت الشارع من اوله وسويت زحمه في اخره حطيتو لي كيمره.. كومار اللي حاجز خط اليسار من اول الشارع لين اخره ومسوي زحمه في الاتجاهين مايستاهل كيمره ؟!! عدسه طيب !!! "نظارات" على الاقل !!!
خلال مباراة ريال مدريد وبرشلونه شوارع قطر تسجل اقل نسبة حوادث واختناقات.. اذا كان في حوادث واختناقات اصلاً.. ومع ذلك يعد البالون سبب رئيسي في حوادث الطرق وامراض القلب والشرايين.. الغريب ان الزحمه والحوادث ماتخف خلال مباريات السد والريان !!!
هيليكوبتر لمراقبة الحركه المروريه في شوارع الدوحه.. طيب ممكن الموجه اللي يرسل عليها الطيار عشان نعرف احنا بعد وين الشوارع المسدوده ولا وايد علينا نشوف الهليكوبتر ونركض وراها ونسوي لها باي باي !!!
تحويلات دوار القوس الاوسع والاكبر والاجمل .. الحمدلله تعلمنا من دبي كيف نسوي تحويلات... بس لا تفرحون وايد .. ترى لي الحين ماتعلمنا منهم كيف نخطط الشوارع.. يعني بيجيكم يوم بتبكون على التحويله وتقولون ياريت المشروع ماخلص ...
افتتاح اشارات الكورنيش وانسيابية حركة السير...
.
.
.
.
.
.
.
.
.
.
.
.
.
انا اللي يبي لي مطرقه على راسي لأني مب مصدق من الفرحه ...
تحياتي.. لمن طرق حياتي
|
رد مع اقتباس
المشاركة الأصلية كتبت بواسطة فلتة زمانها
.. مب ناقصين ازعاج .. كفايه الحفار اللي ورى بيتنا من 4 شهور يحفر ... 
