استفسار عن حالة الجو في لندن بشهر ديسمبر

[قلب الحدث]

السلام عليكم

اخواني بروح سفرة عمل للندن بنص شهر ديسمبر وهاي اول مرة اروح اوروبا بالشتاء فحاب اعرف حالة الجو كيف بيكون وشنهو اللبس المناسب

وشي ثاني بروح لمنشستر يوم وبرجع فهل احجز القطار من هني على الانترنت ولا عادي بنفس اليوم
من محطة القطار

وشكرا

[بن كهلان]

وعليكم السلام.

الان في لندن اعلى درجة حرارة توصل 7 او8 درجات وفي الليل توصل 1 او -1 وعليه أكيد ان شهر ديسمبر بيكون أبرد لذالك انصح بأخذ ملابس تناسب الجو.
بخصوص القطار الامر سهل ممكن من النت وممكن في نفس الوقت من المحطة.

رافقتكم السلامة.

[قلب الحدث]

شكرا اخوي احمد

[alrheeb2020]

It is very cold specially at night. Bring with you heavy clothes

[كاشف الغطاء]

الجو في لندن بارد في هالفترة والبلد جداً كئيبة خلال هالفترة بالذات لكن الاسعار بتكون نازلة اذا ودك تتسوق وتاخذ اغراض هالفترة هي افضل فترة
خذ لك اثقل ثياب عندك الجاكيت العادي ماينفع لازم جاكيت الثلج بتشوف البريطانيين كلهم لابسينه ..
بخصوص مانشستر افضل تشيك الوقت عشان ماتتبهدل بقطار يكون بطيئ والحجز من على النت أفضل تقدر تاخذ فرست كلاس بنفس سعر العادي بس تكون محدد وقت السفر بالظبط
وعلى راحتك اذا مب متأكد من المواعيد وهذا موقع حجز التذاكر http://www.virgintrains.co.uk/ ولازم تاخذ رقم الحجز وياك وتطبع التذكرة من المكاين الموجودة في محطة لندن اوستن
وتروح وترجع بالسلامة